Sharing Information to the Local
သတင်း
- - သတင်းတို
- - စီးပွားရေး
- - ရွေးကောက်ပွဲ
- - နိုင်ငံရေး
- - အင်တာဗျူး
- - မှုခင်း
- - ကျန်းမာရေး
- - ပညာရေး
- - အလုပ်သမား
- - သမိုင်း
- - ပေးစာ
- - စစ်ရှောင်
- - တိုက်ပွဲ
- - သဘာဝဘေး
ကင်းပတ်နေတဲ့ ရဲဒုတပ်ကြပ်နဲ့ ရဲတပ်သား ၂ ဦးကို အရှင်ဖမ်းမိ
မကွေးတိုင်း၊ မြိုင်မြို့နယ်အစပ်၊ ညောင်ဂျစ်ပင်ကျေးရွာအနီးမှာ ကင်းပတ်ရင်းမျက်စိလည်လာတဲ့ ရဲဒုတပ်ကြပ် ၁ ဦးနဲ့ ရဲတပ်သား ၂ ဦးကို အရှင်ဖမ်းမိခဲ့တယ်လို့ မြိုင်ပြည်သူ့ကာကွယ်ရေးတပ်ဖွဲ့ဆီက သိရပါတယ်။
သရက်မြို့မရဲစခန်းက ရဲဒုတပ်ကြပ် ဝေလွင်ထွန်း၊ ရဲတပ်သား ဟိန်းထက်အောင် နဲ့ မင်းလှမြို့မ ရဲစခန်းက ရဲတပ်သား အောင်လင်းထွန်းတို့ ဖမ်းဆီးခံရတာဖြစ်ပြီး သူတို့ကို ဒီဇင်ဘာ ၂၄ ရက် ညနေ ၃ နာရီလောက်မှာ ဖမ်းမိခဲ့တာလို့ ဆိုပါတယ်။
“ဒီကောင်တွေက ညပိုင်းမှာ ကင်းကျနေတာ၊ လက်နက်တော့ ပေးမထားဘူး၊ အပြင်ထွက်တဲ့အချိန်မှာ ကျနော်တို့ ကာကွယ်ရေးရဲဘော်တွေနဲ့ အနီးကပ်တွေ့ပြီး ဖမ်းဆီးစစ်ဆေးတော့ ရဲ ၃ ဦးဖြစ်နေတာ” လို့ မြိုင်ပြည်သူ့ကာကွယ်ရေးအဖွဲ့မှ ဗိုလ်လက်ယာက ပြောပါတယ်။
သူတို့ဟာ မကွေးတိုင်းရဲတိုင်းရုံးကနေတဆင့် ပခုက္ကူတပ်မ ၁၀၁ မှာ သင်တန်းတက်ရမယ်ဆိုပြီး လိမ်ညာအခေါ်ခံရကာ ရောက်တဲ့အခါမှာ သင်တန်းမတက်ရဘဲ စစ်ကြောင်းထိုး ကင်းပတ်တာတွေကိုပဲ လုပ်နေရတာလို့ ဖမ်းဆီးခံရဲတပ်ဖွဲ့ဝင်တွေက ထွက်ဆိုထားတယ်လို့ သိရပါတယ်။
ဒီဖမ်းဆီးမှုကို မြိုင်ပကဖနဲ့ PDF Kamma (ကမ္မတပ်ပေါင်းစု)တို့ ပူးပေါင်းလုပ်ဆောင်ခဲ့တာဖြစ်ပြီး လက်ရှိမှာ သူတို့ ၃ ဦးကို စစ်ဆေးမေးမြန်းနေဆဲဖြစ်တယ်လို့ ဗိုလ်လက်ယာက ပြောပါတယ်။
စာတည်း - လင်း
#မြေလတ်အသံ
#မကွေး #မြိုင် #ရဲတပ်ဖွဲ့ဝင် #အရှင်ဖမ်းမိ #သတင်း #မြေလတ်သတင်း
Share Share Share