ကျောက်တံခါးမှာ ပျူစောထီးဆိုသူ အမျိုးသား ၂ ဦး နေအိမ်မှာ ပစ်ခတ်ခံရလို့ ၁ ဦးသေ ၁ ဦးဒဏ်ရာပြင်းထန်

"ထန်းပင်ကန်ရွာက ပျူကောင်တွေပါ။ သူတို့ပြန်အလာ ကျနော်ဘက်က ဆီးပစ်ကြတာဆိုတော့ ကားကဂျွမ်းပြန်သွားတယ်။ သုံးယောက်လုံး ဇောက်ထိုးတွေနဲ့ ပွဲချင်းပြီး သေတာ၊ကာဘိုင်သေနတ် သုံးလက် ရလိုက်တယ်" လို့ မြင်းခြံတပ်ရင်းအမှတ်-၃ ပြန်ကြားရေးတာဝန်ခံက မြေလတ်အသံကို ပြောပါတယ်။

၃ ဦးသေဆုံးပြီး၊ ကာဘိုင်သေနတ် ၃ လက်၊ စကားပြောစက် ၁ လုံး သိမ်းဆည်းရမိတယ်လို့ သူက ဆက်ပြောပါတယ်။

သေဆုံးသူများမှာ ထန်းပင်ကန်ရွာ ပျူခေါင်းဆောင်အုပ်ကြီးလို့ဆိုသူ တင်ဆန်းဦး၊ လှိုင့်မြင့်ဦး နဲ့ စစ်မှုထမ်းဟောင်း တဦးတို့ ဖြစ်တယ်လို့ တော်လှန်ရေးအင်အားစုတွေက ပြောဆိုထားပြီး မြေလတ်အသံအနေနဲ့ သီးခြားအတည်မပြုနိုင်သေးပါဘူး။

အဲဒီတိုက်ပွဲမှာ မြင်းခြံခရိုင်တပ်ရင်း အမှတ်-၃ တပ်ဖွဲ့နဲ့အတူ မြင်းခြံခရိုင်တပ်ရင်း အမှတ်-၁ Burmese Guerrilla Force -BGF နဲ့ Zero-Nine ပြောက်ကျားတပ်ဖွဲ့တို့ ပူးပေါင်းတိုက်ခိုက်ခဲ့တာလို့ ဆိုပါတယ်။

စာတည်း - 007
#မြေလတ်အသံ