ခင်ဦးက PDF ရဲဘော် ၂ ဦး ရက်ရက်စက်စက် အသတ်ခံရ

"ရဲဘော်တွေက စကစရဲ့ရှေ့ပြေးကင်းပုန်းနဲ့ မိသွားတာ။ တယောက်ကို ဦးခေါင်းဖြတ်ပြီးတော့ နွယ်ကြိုးနဲ့သစ်ပင်ပေါ်မှာချိတ်ဆွဲထားခဲ့တယ်။ နောက်တယောက်ကိုတော့ နဖူးတည့်တည့်ပစ်ပြီးတော့ မျက်နှာတွေကိုရိုက်ချိုးသွားတယ်" လို့ ဆိုပါတယ်။

အသတ်ခံလိုက်ရတဲ့ ရဲဘော်၂ ဦးရဲ့ ရုပ်အလောင်းကို စစ်ကောင်စီတပ်သားတွေ ထွက်ခွာသွားပြီးနောက် ပြည်သူ့ကွယ်ရေးတပ်ဖွဲ့တွေက သွားရောက်ယူဆောင်ပြီး ချက်ချင်းပဲ မီးသင်္ဂြိုလ်ပေးခဲ့တယ်လို့ သူကဆက်ပြောပါတယ်။

"အသတ်ခံလိုက်ရတဲ့ ရဲဘော်တွေရဲ့သေနတ် ၂ လက်၊ ဆိုင်ကယ် ၁ စီး၊ ရီမုမိုင်း ၂ လုံး၊ ကျည်ဆံ ၁၀၀ အဲတာတွေအကုန်လုံးကို စကစတွေက ယူသွားကြတယ်။ ဒီရဲဘော်တွေက ကျေးရွာ ကာကွယ်ရေးတပ်ဖွဲ့ဝင်တွေဖြစ်လို့ အဖွဲ့နာမည်မရှိပါ" လို့ ဆိုပါတယ်။

ဒါ့အပြင် ရဲဘော် ၂ ဦးကို သတ်သွားခဲ့တဲ့ စစ်ကောင်စီတပ်သားတွေဟာ ခင်ဦးမြို့နယ်မှာ ကျေးရွာတွေကို မီးရှို့ဖျက်နေတဲ့ ခလရ ၇၀၁ နဲ့ ခမရ ၃၆၄ တပ်ရင်းက ဖြစ်ပြီး၊ လက်ရှိမှာ အဲဒီစစ်ကြောင်းဟာ ရွှေဘိုလေ့ကျင့်ရေး-၈တပ်ကို ရောက်ရှိနေတယ်လို့သိရပါတယ်။

ခင်ဦးမြို့နယ်မှာ စစ်အာဏာသိမ်းပြီးချိန်ကစလို့ စစ်ကောင်စီတပ်ရဲ့ သတ်ဖြတ်တာကိုခံခဲ့ရတဲ့ ရဲဘော်ပြည်သူပေါင်း ၂၇၅ ဦး ရှိခဲ့ပြီဖြစ်တယ်လို့ ခင်ဦးမြို့နယ်သတင်းမှန်ပြန်ကြားရေးအဖွဲ့ရဲ့ စာရင်းများအရ သိရပါတယ်။

စာတည်း-007
#မြေလတ်အသံ