Sharing Information to the Local
သတင်း
- - သတင်းတို
- - စီးပွားရေး
- - ရွေးကောက်ပွဲ
- - နိုင်ငံရေး
- - အင်တာဗျူး
- - မှုခင်း
- - ကျန်းမာရေး
- - ပညာရေး
- - အလုပ်သမား
- - သမိုင်း
- - ပေးစာ
- - စစ်ရှောင်
- - တိုက်ပွဲ
- - သဘာဝဘေး
ခလရ ၂၅၈ က စစ်သားတွေ ဒရုန်းနဲ့ဗုံးကြဲခံရ
မကွေးတိုင်း၊ ရေစကြိုမြို့နယ်၊ တောင်အိုတာတိုင်ကျေးရွာအနီးမှာ မတ်လ ၂၂ ရက်မနေ့မနက်ပိုင်းက စစ်ကောင်စီတပ်သားတွေ ဗုံးကြဲတိုက်ခိုက်ခံရတယ်လို့ သိရပါတယ်။
အင်အား ၄၀ ကျော်ပါတဲ့ ခလရ ၂၅၈ က စစ်သားတွေဟာ တောင်အိုတာတိုင်ရွာမှာ ညအိပ်တပ်စွဲပြီး ထွက်လာချိန် မနေ့မနက် ၁၀ နာရီလောက်မှာတိုက်ခိုက်ခဲ့တာလို့ ပြည်သူ့ကာကွယ်ရေးတပ်ဖွဲ့ - ရေစကြိုမြို့နယ်မှ တာဝန်ရှိသူတဦးက ပြောပါတယ်။
“ဒရုန်းနဲ့ ဗုံး ၃ လုံးကြဲချတိုက်ခိုက်ခဲ့လို့ စစ်သား ၅ ဦး ဒဏ်ရာရခဲ့တယ်။ ဒဏ်ရာရတဲ့သူတွေကို ကျောက်လှေကားအနီးမှာရှိတဲ့ GTC ကျောင်းထဲကို သုံးဘီးနဲ့တင်သွားတယ်” လို့ ပြောပါတယ်။
ဒီထိခိုက်မှုအခြေအနေတွေကို မျက်မြင်ပြည်သူတွေရဲ့ ပြောပြချက်အရ အတည်ပြုနိုင်ခဲ့တာလို့လည်း ဆိုပါတယ်။
ပြီးခဲ့တဲ့ မတ်လ ၂၁ ရက်ကလည်း ရေစကြိုမြို့နယ်၊ မင်းရွာက ပျူနဲ့စစ်သားတွေ ရေချိုးနေချိန် ပြည်သူ့ကာကွယ်ရေးတပ်ဖွဲ့ - ရေစကြိုမြို့နယ်အဖွဲ့က ဒရုန်းနဲ့ဗုံးကြဲချ တိုက်ခိုက်ခဲ့ပါသေးတယ်။
ပုံစာ - စစ်သားတွေကို ဗုံးကြဲတိုက်ခိုက်နိုင်ခဲ့သည့် ရေစကြိုမြို့ပြည်သူ့ကာကွယ်ရေးတပ်ဖွဲ့ဝင်များ။
စာတည်း - လင်း
#မြေလတ်အသံ