ဂန့်ဂေါမှာ တိုက်ပွဲဖြစ်ပြီး စစ်အုပ်စုရဲ့စခန်းတခုကို PDF သိမ်းထားနိုင်

မကွေးတိုင်း၊ ဂန့်ဂေါမြို့နယ်တောင်းပိုင်းမှာ တိုက်ပွဲဖြစ်နေပြီး စစ်ကောင်စီရဲ့စခန်းတခုကို ကာကွယ်ရေးတပ်တွေက သိမ်းထားနိုင်တယ်လို့ မြေပြင်တိုက်ခိုက်ရေးမှာပါဝင်တဲ့ ရဲဘော်တဦးက ပြောပါတယ်။ 

ဂန့်ဂေါမြို့နယ်တောင်ပိုင်း မြစ်သာဆည်တမံပေါ်မှာတပ်စွဲထားတဲ့ အဆိုပါစစ်ကောင်စီစခန်းကို သိမ်းနိုင်ဖို့ ဒီဇင်ဘာ ၁၈ ရက်မှာ စတင်တိုက်ခိုက်ခဲ့တာဖြစ်ပြီး ဒီဇင်ဘာ ၂၂ ရက် ဒီနေ့မနက် ၈ နာရီလောက်မှ သိမ်းနိုင်ခဲ့တာလို့ ဆိုပါတယ်။ 

“သူတို့(စစ်ကောင်စီ)တွေ မြစ်သာဆည်တမံပေါ်မှာ တပ်စွဲထားတာ ၁ နှစ်ကျော်လောက်ရှိပြီ။ ကျနော်တို့တွေ အဲ့ဒီစခန်းကိုရဖို့ ၁၈ ရက် ၁၉ ရက်နေ့အထိတိုက်တယ်။ ၂၀ ရက်နေ့မှာနားတယ်။ ဒီနေ့မှာထပ်ပြီးတိုက်တော့ သိမ်းနိုင်ခဲ့တယ်။" လို့ မြေပြင်တိုက်ခိုက်ရေး ရဲဘော်တဦးက ပြောပါတယ်။

အဲ့ဒီစခန်းမှာ ခလရ ၅၀ ကစစ်သားနဲ့ ရဲတပ်သား ၅၀ လောက်က ၂၀၂၂ ခုနှစ်ကတည်းက တပ်စွဲထားကြတာလို့ သိရပါတယ်။ 

တိုက်ခိုက်နေချိန်အတွင်း ဒီမနက်  ၇ နာရီလောက်မှာ ဂျက်ဖိုက်တာ ၃ စီး နဲ့ တိုက်ပွဲဖြစ်ပွားရာ နေရာအနီးတဝိုက်ကို စစ်အုပ်စုက လေကြောင်းပစ်ခတ်မှုပြုုလုပ်ခဲ့ပါသေးတယ်။

တိုက်ပွဲအတွင်း ၂ ဖက်ထိခိုက်သေဆုံးမှုတွေရှိပေမဲ့ လက်ရှိအချိန်ထိ တိုက်ပွဲဖြစ်နေသေးတဲ့အတွက် သေဆုံးမှုကို အတည်မပြုနိုင်သေးဘူးပါဘူး။ 

ဒီတိုက်ပွဲနဲ့ ပတ်သက်ပြီး နောက်ဆက်တွဲအခြေအနေတွေကိုတော့ မြေလတ်အသံက ဆက်လက်စုံစမ်းနေပါတယ်။ 

စာတည်း - လင်း 

#မြေလတ်အသံ

#မကွေး #ဂန့်ဂေါ #စခန်းသိမ်း #တိုက်ပွဲ #သတင်း #မြေလတ်သတင်း #မြစ်သာဆည် #သတင်း #မြေလတ်သတင်း