စစ်ကောာင်စီက စစ်ကြောင်းထိုးနေလို့ မုံရွာ-မန္တလေးကာလမ်းကို ရက်အကန့်အသတ်မရှိပိတ်ကြောင်း PDF စာထုတ်

"မနေ့ကဆိုရင် လမ်းမဘေးနားက လက်တုတ်တောရွာ မီးရှို့ခံရတယ်။ အကြောင်းမဲ့ သက်သက်ရှို့သွားတာ။ ပြီးတော့ အဲ့ကောင်တွေက ဒီနေ့မှာ ဂွေးပင်တောရွာထဲမှာ တပ်စွဲထားတယ်။ အင်အားတော်တော် များတယ်။ တိုက်ပွဲက အချိန်မရွေး ဖြစ်လာနိုင်ပါတယ်။ အဲဒါကြောင့် လမ်းသွားဒေသခံတွေအတွက် အန္တရာယ်မဖြစ်အောင် လမ်းကိုပိတ်ရတာပါ"လို့ သူက ဆက်ပြောပါတယ်။

ဒါ့အပြင် ဒီကန့်သတ်မှုမှာ နောက်ထပ်ကြေညာချက် မထုတ်ပြန်တဲ့အထိ အကျုံးဝင်မှာဖြစ်တာကြောင့် ဒီအတောအတွင်းလိုက်နာခြင်းမရှိဘဲ သွားလာနေပါက ထိခိုက်မှုတစုံတရာဖြစ်ပေါ်ခဲ့ရင် မိမိတို့အဖွဲ့အနေနဲ့ တာဝန်ယူဖြေရှင်းသွားမှာမဟုတ်ကြောင်း ဗိုလ်အေးချမ်းက ဆိုပါတယ်။

အရေးပေါ်အခြေအနေနဲ့သွားလာရမည်ဆိုပါကလည်း နေ့ခင်းဆိုရင်ကားတွေကို တံခါးတွေဖွင့်သွားကြဖို့၊ ညအချိန်ဆိုရင်လည်း ကားအတွင်းမီးဖွင့်မောင်းပေးကြဖို့ကို ပြည်သူတွေက လိုက်နာပြီး တော်လှန်ရေးကို ကူညီပေးပါရန် မေတ္တာရပ်ခံအပ်ပါတယ်လို့ သူကဆိုပါတယ်။

ပြီးခဲ့တဲ့ဇန်နဝါရီလအတွင်းမှာ အခုလိုအရေးပေါ်ထုတ်ပြန်ချက်တခုကို ပြည်သူတွေအနေနဲ့ လိုက်နာမှုအားနည်းကြတာကြောင့် တိုက်ပွဲဖော်ဆောင်တဲ့အချိန်မှာ ဒေသခံ ပြည်သူတွေကို ရှောင်ရှားနေရလို့ PDFရဲဘော်တွေ ထိခိုက်မှုတွေရှိခဲ့ကြတယ်လို့ သိရပါတယ်။

စာတည်း - လင်းဇေ
#မြေလတ်အသံ