Sharing Information to the Local
သတင်း
- - သတင်းတို
- - စီးပွားရေး
- - ရွေးကောက်ပွဲ
- - နိုင်ငံရေး
- - အင်တာဗျူး
- - မှုခင်း
- - ကျန်းမာရေး
- - ပညာရေး
- - အလုပ်သမား
- - သမိုင်း
- - ပေးစာ
- - စစ်ရှောင်
- - တိုက်ပွဲ
- - သဘာဝဘေး
စစ်ခေါင်းဆောင်နှစ်ယောက်ကြားက ကြီးမားလာတဲ့ အက်ကွဲကြောင်း (ရုပ်သံဆောင်းပါး)
အရင်က ဗိုလ်ချုပ်ကြီးတွေ ဝန်းရံပြီး ခရီးသွားရလေ့ရှိတဲ့ စစ်ကောင်စီဒုတိယခေါင်းဆောင် ဒုတိယဗိုလ်ချုပ်မှူးကြီး စိုးဝင်း ဟာ ပြီးခဲ့တဲ့ အောက်တိုဘာ ၁၄ ရက်က စစ်ကိုင်းတိုင်း၊ မုံရွာမြို့ကို လာရောက်တဲ့ခရီးစဉ်မှာ နောက်လိုက် ဗိုလ်ချုပ် ၂ ဦးလောက်သာ နေပြည်တော်ကနေပါလာပြီး နယ်မြေခံနမခတိုင်းမှူး ဗိုလ်ချုပ် သန်းထိုက်နဲ့မှ သူရဲ့နောက်ရံက ဗိုလ်ချုပ် ၃ ဦးကိုသာ တွေ့ရပါတယ်။
စစ်ကောင်စီတပ် ဒုတိယတပ်ချုပ် ဒုဗိုလ်ချုပ်မှူးကြီး စိုးဝင်း ဟာ အဲဒီ စစ်ကိုင်းတိုင်း၊ မုံရွာမြို့ခရီးစဉ်မှာ သူ့ရဲ့လက်အောက် စစ်ကိုင်းတိုင်းစစ်ကောင်စီအစိုးရအဖွဲ့၊ အနောက်မြောက်တိုင်းစစ်ဌာနချုပ်(နမခ)က စစ်ကောင်စီတပ်ဖွဲ့ဝင်မိသားစုတွေနဲ့ တွေ့ဆုံခဲ့တာဖြစ်ပြီး ခရီးစဉ်တလျှောက်လှုပ်ရှားမှုတွေအတွင်း သူ့မှာ လက်ငါးချောင်းမပြည့်တဲ့ စစ်ဗိုလ်ချုပ်အရေအတွက်နဲ့ ခြောက်ကပ်ကပ်ဖြစ်နေတာပါ။
အရင်က ဒုတပ်ချုပ်ခရီးစဉ်တွေမှာ စစ်ဘက်အဆင့်မြင့်အရာရှိကြီးတွေဖြစ်တဲ့ နေပြည်တော်စစ်ရုံးက အနိမ့်ဆုံး သက်ဆိုင်ရာနယ်မြေအလိုက် ကစထမှူး ဒုတိယဗိုလ်ချုပ်ကြီးအဆင့် လိုက်ပါရတဲ့အပြင် ဗိုလ်ချုပ်ကြီးအဆင့်တွေဖြစ်တဲ့ ညှိကွပ်(ကြည်း/ရေ/လေ)၊ ရေတပ်ချုပ်၊ လေတပ်ချုပ်၊ ဒုတိယဗိုလ်ချုပ်ကြီးအဆင့်တွေဖြစ်တဲ့ စစ်ရေးချုပ်၊ စစ်ထောက်ချုပ် စတဲ့ အရာရှိချုပ်အများအပြား ဝန်းရံလိုက်ပါရပါတယ်။
တည်းဖြတ် - HP
#မြေလတ်အသံ
#မင်းအောင်လှိုင် #စိုးဝင်း #တပ်ချုပ် #ဒုတပ်ချုပ် #ရုပ်သံဆောင်းပါး
Share Share Share