ပြင်ဦးလွင်အနီးက ရှမ်း-မန်းစစ်ဆင်ရေးမှာ ကျဆုံးခဲ့တဲ့ ရွှေဘိုခရိုင်တပ်ရင်း ၁၈ ရဲဘော် ဈာပန (ရုပ်/သံ)

ရှမ်း - မန်း စစ်ဆင်ရေး ၁၀၂၇ ဒုတိယလှိုင်းမှာ ကျဆုံးခဲ့တဲ့ ရွှေဘိုခရိုင်တပ်ရင်း ၁၈ က  ရဲဘော်ရဲ့ဈာပန အခမ်းအနားကို ဝက်လက်မြို့နယ် တနေရာမှာ အောက်တိုဘာ ၂၆ ရက်က ပြုလုပ်ခဲ့ပါတယ်။

အသက် ၂၃ နှစ်အရွယ် ရဲဘော်တရုတ်ကြီးဟာ အောက်တိုဘာ ၂၃ ရက်က ရှမ်း-မန်းစစ်ဆင်ရေးအတွင်း ပြင်ဦးလွင်အနီးက ဝက်ဝံနယ်မြေတိုက်ပွဲမှာ စစ်ကောင်စီရဲ့ လက်နက်ကြီးအစ ထိမှန်ကျဆုံးခဲ့တာလို့ ဆိုပါတယ်။

သူ့ရုပ်အလောင်းကိုတော့ ရှေ့တန်းတနေရာမှာပဲ မီးသင်္ဂြိုဟ်ခဲ့ပြီး အောက်တိုဘာ ၂၆ ရက်မှာ အရိုးပြာကို မိခင်တပ်ရင်းဆီပြန်သယ်ကာ အမိန့်ပြန်တမ်းဖတ်ပြီး အခမ်းအနားနဲ့ဂူသွင်းသင်္ဂြိုဟ်ခဲ့တယ်လို့ ရွှေဘိုခရိုင်တပ်ရင်း ၁၈ တပ်ထောက်တာဝန်ခံ ကိုနေမျိုးက ပြောပါတယ်။

ရွှေဘိုခရိုင် တပ်ရင်း ၁၈ မှာ ရှမ်း - မန်း စစ်ဆင်ရေးအတွင်း အခုကျဆုံးသွားတဲ့ ရဲဘော်တရုတ်ကြီးအပါအဝင် ၁၆ ဦးအထိရှိနေပြီး တော်လှန်ရေးကာလ ၃ နှစ်အတွင်းမှာ ရဲဘော် ၁၉ ဦးအထိ ကျဆုံးထားတယ်လို့လည်း ကိုနေမျိုးက ပြောပါတယ်။

ရှမ်း - မန်း စစ်ဆင်ရေးအတွင်းကျဆုံးရဲဘော်တွေရဲ့မိသားစုဝင်တွေကိုတော့ MOD က ၁၀ သိန်း၊ မန်း PDF က ၁၀ သိန်း၊ ရွှေဘိုခရိုင်တပ်ရင်း ၁၈ က ၁၀ သိန်း၊ စုစုပေါင်း မိသားစု ၁ စု ကို သိန်း ၃၀ ဆီ ထောက်ပံ့ပေးခဲ့တယ်လို့ သိရပါတယ်။

တည်းဖြတ် - HP

#မြေလတ်အသံ

#ပြင်ဦးလွင် #ရှမ်းမန်းစစ်ဆင်ရေး #ကျဆုံးရဲဘော် #ဈာပန