မကွေးကောင်းမွန်စင်တာအနီးမှာ မွေးကင်းစကလေးငယ် စွန့်ပစ်ခံရ

"ကလေးက ချက်ကြိုးတောင် မပြုတ်သေးဘူးဆိုတော့ မွေးထားတာမကြာလောက်သေးဘူး။ ကလေးအခြေအနေကို ကြည့်ရသလောက်က ဆေးရုံမှာမွေးပြီး၊ မိဘတွေက ဆေးရုံကနေ ခိုးဆင်းပြီး လာပစ်သွားတာ ဖြစ်နိုင်တယ်။ ကလေးက အသည်းရောင်အသားဝါလည်း ဖြစ်နေလို့ ဓာတ်ကင်ထားရတဲ့ ပုံစံမျိုးလည်း တွေ့ရတယ်" လို့ ပြောပါတယ်။

စွန့်ပစ်ခံရတဲ့ကလေးငယ်ဟာ မိန်းကလေးဖြစ်ပြီး ပတ်ဝန်းကျင်ကတွေ့ချိန်မှာ အသည်းရောင်အသားဝါ ဖြစ်နေလို့ မကွေးဆေးရုံကို ပို့ဆောင်ကုသထားရတယ်လို့ ဆိုပါတယ်။

ဧပြီလ ၃ ရက် ဒီကနေ့မနက်ပိုင်းမှာတော့ ရွာလေးမြေနီကုန်းရပ်ကွက်က လင်မယား ၂ ဦးက မွေးစားဖို့တောင်းခံလို့ သက်ဆိုင်ရာက ခွင့်ပြုပေးခဲ့တာကြောင့် ဆေးရုံကနေဆေးစစ်ပြီး နေအိမ်ကို ခေါ်ဆောင်သွားပြီလို့ သိရပါတယ်။

 စာတည်း - ရင်ငြိမ်း
#မြေလတ်အသံ