မင်းဘူးနယ်မှာ ထိတွေ့တိုက်ပွဲ ၂ ရက်ဖြစ်ပွားပြီး စစ်ကောင်စီတပ်သား ၁၀ ဦးသေဆုံး (ရုပ်/သံ)

မကွေးတိုင်း၊ မင်းဘူးနယ်ထဲမှာ စစ်ကောင်စီတပ်သားတွေအပါ ပျူစောထီးတွေနဲ့  လက်နက်ကိုင်တော်လှန်ရေးပူးပေါင်းအဖွဲ့တွေ ထိတွေ့တိုက်ပွဲတွေ ၂ ရက်ဖြစ်ပွားခဲ့ပြီး စစ်ကောင်စီဘက်က သေဆုံးမှုများပြားခဲ့တယ်လို့ သိရပါတယ်။

ပြီးခဲ့တဲ့ ဩဂုတ် ၁၇ ရက်က ဝန်လိုရွာကို စစ်ကြောင်းထိုးလာတဲ့ ဆင်ဖြူကျွန်း ခလရ ၂၅၅၊ ပွင့်ဖြူမြို့နယ် ဝါတပ်ရင်း၊ ပျူစောထီးစုပေါင်းအင်အား ၈၀ ကျော်ကို PDF ပူးပေါင်းအဖွဲ့တွေက ၂ ကြိမ်တိုက်ခိုက်ခဲ့ရာမှာ စစ်ကောင်စီဘက်က ၄ ဦးသေဆုံးပြီး ထိခိုက်ဒဏ်ရာရသူများပြားခဲ့တယ်လို့ Yenanthar Youth Force LPDF က ရဲဘော် ထွန်းတောက် က ပြောပါတယ်။

ဒါ့အပြင် သြဂုတ် ၁၉ ရက်မှာလည်း ဝန်လိုရွာကနေ ကန်ရွာဘက်ကိုလာတဲ့ အင်အား ၁၀ ကျော်ပါတဲ့  စစ်ကောင်စီကားကို အနီးကပ်ထပ်မံတိုက်ခိုက်ခဲ့ကြတယ်လို့ ဆိုပါတယ်။

အဲဒီတိုက်ခိုက်မူမှာ စစ်ကောင်စီတပ်ဖွဲ့ဝင် ၆ ဦးသေဆုံးပြီး ယာဥ်မောင်းပျူစောထီး ၁ ဦးခြေထောက်နဲ့လက်ဖြတ်လိုက်ရတယ်လို့ ရဲဘော်ထွန်းတောက် က ပြောပါတယ်။

လက်ရှိမှာတော့ တိုက်ခိုက်ခံလိုက်ရတဲ့ စစ်ကောင်စီစစ်ကြောင်းဟာ စကုနဲ့စလင်းနယ်ဘက်ကို ဆုတ်ခွာသွားပြီလို့လည်း သိရပါတယ်။

ဒီတိုက်ခိုက်မူကိုတော့ မင်းဘူးခရိုင် အမှတ် ၇ တပ်ရင်း၊ ပွင့်ဖြူမြို့နယ် ပြည်သူကာကွယ်ရေးအဖွဲ့၊ ပွင့်ဖြူ ပကဖ နဲ့ Yenanthar Youth Force LPDF တို့က ပူပေါင်းတိုက်ခိုက်ခဲ့ကြတာလို့ သိရပါတယ်။

စာတည်း - နွေဦးငြိမ်းချမ်း၊ တည်းဖြတ် - ငြိမ်းဇော်

#မြေလတ်အသံ

#မင်းဘူး #တိုက်ပွဲ #စစ်အုပ်စု #စစ်သား #ပျူစောထီး