Sharing Information to the Local
သတင်း
- - သတင်းတို
- - စီးပွားရေး
- - ရွေးကောက်ပွဲ
- - နိုင်ငံရေး
- - အင်တာဗျူး
- - မှုခင်း
- - ကျန်းမာရေး
- - ပညာရေး
- - အလုပ်သမား
- - သမိုင်း
- - ပေးစာ
- - စစ်ရှောင်
- - တိုက်ပွဲ
- - သဘာဝဘေး
ရိက္ခာရှာဖို့ ထွက်လာတဲ့ ပျုစောထီးအဖွဲ့ လက်နက်ကြီးနဲ့ ပစ်ခတ်ခံရ (ရုပ်/သံ)
စစ်ကိုင်တိုင်း၊ မုံရွာမြို့နယ်၊ တောပုရွာက ပျူစောထီးအဖွဲ့တွေ ရိက္ခာရှာဖို့ ထွက်လာတာကို ဧပြီလ ၁၇ ရက် မနေ့က နေ့လယ်ပိုင်းမှာ ကာကွယ်ရေးပူးပေါင်းအဖွဲ့တွေက တောပုရွာအနောက်ဘက်အရောက်မှာ ၂ ကြိမ် တိုက်ခိုက်ခဲ့တယ်လို့ Special Guerrilla Force Monywa ဆီက သိရပါတယ်။
အင်အား ၃၀ ဦး ဝန်းကျင်ပါတဲ့ ပျူစောထီးအုပ်စုဟာ တောပုရွာထဲ ပြည်သူပိုင်ယာခင်းတွေက အသီးအနှံတွေကို သေနတ်ပစ်ဖောက်ဝင်ရောက်ပြီး မကြာခဏခိုးယူတာတွေ လုပ်နေတဲ့အတွက် သတင်းရလို့ တောရကျောင်းရွာဘက်က စောင့်ကြိုတိုက်ခိုက်ခဲ့တယ်လို့ Special Guerrilla Force Monywa ဗိုလ်မိုးZက ပြောပါတယ်။
"ပထမအကြိမ် ၄၀ မမ နဲ့ နေ့လယ် ၁၂ နာရီမှာ ပစ်တာ။ ပစ်နေတဲ့အချိန် ရဟတ်ယာဉ်တစီး တက်လာလို့ နောက်ပြန်ဆုတ်ခဲ့တယ်။ နေ့လယ် ၂ နာရီမှာ ၆၀မမ လက်နက်ကြီးတွေနဲ့ ဒုတိယအကြိမ် ထပ်ပစ်ခဲ့တယ်" လို့ ဆိုပါတယ်။
၂ ကြိမ်ပစ်ခတ်ခံရပြီးနောက် ပျူစောထီးတွေဟာ တောပုရွာထဲကို ပြန်ဝင်သွားကြပြီး ထိခိုက်သေဆုံးမှုကို အတည်မပြုနိုင်သေးဘူးလို့ ဆိုပါတယ်။ ဒီတိုက်ခိုက်မှုကို Special Guerrilla Force Monywa၊ MRDA တပ်ရင်း ၆ တပ်ခွဲ ၂ စေတန်အဖွဲ့နဲ့ Dragon Brother's အဖွဲ့တို့ ပူးပေါင်းတိုက်ခိုက်ခဲ့တာလည်း ဖြစ်ပါတယ်။
တည်းဖြတ် - ငြိမ်းဇော်
#မြေလတ်အသံ