လေကြောင်းရန် အသိပညာပေးပြီး လေယာဥ်ဆီဖြတ်တောက်ရေးလှုပ်ရှားမှု ဟောပြော

စစ်ကိုင်းတိုင်း၊ မြင်းမူမြို့နယ်က ကျေးရွာတခုမှာ ပြည်သူအင်အား ၅၀၀ ဝန်းကျင်ကို လေကြောင်းရန်အသိပညာပေးနဲ့ စစ်တပ်လေယာဥ်ဆီဖြတ်တောက်ရေးလှုပ်ရှားမှု ဟောပြောပွဲကို နိုဝင်ဘာ ၄ ရက် ဒီနေ့ ညပိုင်းမှာ လုပ်ခဲ့တယ်လို့ ၅/အရတ အရာတော်လူထူသပိတ် ဦးဆောင်သူဆီက သိရပါတယ်။

စစ်တပ်က လေယာဥ်အသုံးပြုပြီး ပြည်သူတွေကိုနှိပ်စက်ခံရတာများနေပြီဖြစ်တဲ့အတွက် လေယာဥ်ဆီဖြတ်တောက်ဖို့နဲ့ သွေးစွန်းငွေကမ်ပိန်းမှာ ပါဝင်ကြဖို့အပြင် အညာပြည်သူတွေ တော်လှန်ရေးအသိစိတ်တွေ ပိုတိုးတက်လာဖို့ ဟောပြောတာ၊ တော်လှန်ရုပ်ရှင်တွေ ပြတာတွေပါ လုပ်ခဲ့တယ်လို့ ၅/အရတ အရာတော်လူထူသပိတ် ဦးဆောင်သူ ကိုရှဲဒိုးက ပြောပါတယ်။

" လေကြောင်းအန္တရာယ် ကြိုတင်ကာကွယ်ဖို့ရယ် လေယာဥ်ဆီဖြတ်တောက်ဖို့လှုပ်ရှားသင့်တဲ့ အကြောင်းတွေ ပြောတယ်ပေါ့နော်၊ ဇာတ်ကားတွေက သစ္စာတို့ မသောက်မိသောမိုးခါးရေတို့ အဲ့လိုဇာတ်ကားတွေ ပြခဲ့တယ်။" လို့ ပြောပါတယ်။

ဒီလှုပ်ရှားမှုကို ၅/အရတ အရာတော်လူထူသပိတ်၊ မြင်းမူမြို့နယ် သပိတ်တက်ကြွလှုပ်ရှားသူတွေနဲ့ ပြည်သူတွေ အတူပူးပေါင်းလုပ်ဆောင်ခဲ့ကြတာဖြစ်တယ်လို့ သိရပါတယ်။

#မြေလတ်အသံ

#လေကြောင်းရန် #လေယာဉ်ဆီဖြတ်တောက်ရေး #ဟောပြောပွဲ #မြင်းမူ