ဝက်လက်မြို့နယ်တွင်းက အထက်တန်းအဆင့်ကျောင်းတွေမှာ စာဖတ်ဝိုင်းတွေ ပြုလုပ်နေ

ဝက်လက်မြို့နယ်မှာ လူထုသပိတ်တိုက်ပွဲဦးဆောင်ကော်မတီက ဦးဆောင်ပြီး အမျိုးသားညီညွတ်ရေးအစိုးရ (NUG) စာသင်ကျောင်းတွေထဲက အထက်တန်းအဆင့်ကျောင်းတွေမှာ စာဖတ်ဝိုင်းတွေကို ပြုလုပ်နေကြတာပါ။

လူထုသပိတ်တိုက်ပွဲဦးဆောင်ကော်မတီအနေနဲ့ ဩဂုတ် ၁၇ ရက်မှာ အထက်တန်းကျောင်းတကျောင်းမှာ စာဖတ်ဝိုင်းလုပ်ခဲ့ပြီး နောက်ထပ်တကျောင်းကို ဩဂုတ်လ နောက်ဆုံးပတ်ထဲမှာ ပြုလုပ်သွားမှာဖြစ်တယ်လို့ သိရပါတယ်။ 

ဝက်လက်မြို့နယ်မှာ လူထုသပိတ်တိုက်ပွဲဦးဆောင်ကော်မတီက သူတို့အဖွဲ့နဲ့ချိတ်ဆက်ထားတဲ့ အထက်တန်း အဆင့် ကျောင်း ၅ ကျောင်းမှာ စာဖတ်ဝိုင်းတွေ ပြုလုပ်သွားမှာဖြစ်ပါတယ်။ 

ကြည်အေးရဲ့ ဖူးငုံပွင့်သစ်တေးဖွဲ့ဆိုသီစာအုပ်၊ ဂျူးစာအုပ်တွေနဲ့ ဗိုလ်ချုပ်အောင်ဆန်း မိန့်ခွန်းတွေပါ စာအုပ်စတဲ့ လူငယ်တွေအတွက် အကျိုးဖြစ်ထွန်းစေမယ့် သုတ၊ ရသ စာပေတွေကို စာသင်ကျောင်းအတွင်းမှာ စာကြည့်တိုက်ပြုလုပ်ထားတယ်လို့ သိရပါတယ်။ 

အဲဒီစာအုပ်တွေကို ကျောင်းသားတွေက ဖတ်ကြပြီး ကျောင်းသားတွေဖတ်တဲ့ စာအုပ်တွေကို ဝိုင်းဝန်းဆွေးနွေးတဲ့ပုံစံနဲ့ ပြုလုပ်နေတာလို့လည်း သိရပါတယ်။

လက်ရှိပြုလုပ်ပြီး ကျောင်း ၂ ကျောင်းမှာ စာအုပ်အရေအတွက် ၄၀၀ လောက်ကို ထားရှိနိုင်ခဲ့ကာ စာအုပ်လို အပ်ချက်တွေလည်းရှိတယ်လို့ ဝက်လက်မြို့နယ် လူထုသပိတ်တိုက်ပွဲဦးဆောင်ကော်မတီထံက သိရပါတယ်။

ဝက်လက်မြို့နယ်မှာ NUG လက်အောက် အထက်တန်းအဆင့်ကျောင်းပေါင်း ၂၀ ကျော် ရှိတယ်လို့လည်း သိရပါတယ်။

စာတည်း - လင်းဇေ

#မြေလတ်အသံ

#ဝက်လက်မြို့ #လူထုသပိတ် #အမျိုးသားညီညွတ်ရေးအစိုးရ #NUG #စာသင်ကျောင်း#စာဖတ်ဝိုင်း