သိန်း ၁၀၀ နဲ့ ဖမ်းဝရမ်းထုတ်ခံထားရတဲ့ ပျူစောထီးရဲ့သား PDF ရဲဘော် (ရုပ်/သံ)

မကွေးတိုင်း မြိုင်မြို့မှာ အဖေဖြစ်သူကိုယ်တိုင်က သားဖြစ်သူ PDF ရဲဘော်ကို သိန်း ၁၀၀ နဲ့ ဖမ်းဝရမ်းထုတ်ထားပါတယ်။ 

ဖခင်ဖြစ်သူက သူ့သားကို PDF ထဲကနေ ပြန်လာပြီး ရေတပ်ထဲကို ဝင်ဖို့ ကမ်းလှမ်းခဲ့တာကို လက်မခံတဲ့အတွက် ၂၀၂၂ နှစ်စပိုင်းကတည်း ဖမ်းဝရမ်းစာထုတ်ခဲ့တာပါ။  

ဖခင်က ပျူစောထီးအဖွဲ့ဝင်ဖြစ်သလို အစ်မက ဒုရဲအုပ်၊ အစ်ကိုဖြစ်သူတွေကလည်း ပြည်သူ့ စစ်နဲ့ နယ်ခြားစောင့်တပ်က ဖြစ်ကြပါတယ်။

ဖမ်းဝရမ်းထုတ်ခံထားရတဲ့ PDF ရဲဘော်ကတော့ Snipe Ranger Force (LPDF) တာဝန်ခံ ရဲဘော် ဆလိုင်း ဖြစ်ပါတယ်။ 

သူဟာ မွေးချင်းညီအစ်ကို မောင်နှမ ၇ဦးအနက်က စတုတ္ထမြောက်သားတဦးဖြစ်ပြီး 

အာဏာသိမ်းချိန်မှာ ၁၀ တန်းကျောင်းသားဘဝနဲ့ PDF ထဲကို ၂၀၂၁ နှစ်စပိုင်းမှာ ရောက်လာခဲ့တာပါ။ 

အသက် ၂၀ လူငယ်တယောက်ဟာ လက်ရှိ PDF ထဲမှာ တိုက်ပွဲဝင်နေချိန် ဖခင်နဲ့ အစ်ကို အစ်မတွေက သူရဲ့ ရန်သူဖြစ်နေအတွက် နာကျည်းရတယ်လို့ ဆိုပါတယ်။

တည်းဖြတ် - ငြိမ်းဇော်

#မြေလတ်အသံ