သံတောင်မှာ စစ်တပ် တပ်စွဲထားတဲ့နေရာနဲ့ကင်းပုန်းနေရာ တိုက်ခိုက်ခံရလို့ အရာရှိတဦးအပါ ၃ ဦးသေဆုံးဟုဆို

"သူတို့စခန်းက ကျောက်တိုင်လမ်းခွဲမှာထားထားတာ လမ်းသွားလမ်းလာစစ်ဆေးဖို့။ သူတို့ကင်းပုန်းကလည်း စခန်းနဲ့ သိပ်မဝေးဘူးချထားတာ။ ကျနော်တို့ဘက်က စခန်းထဲကို ၂ လုံး၊ ကင်းပုန်းဘက်ကို ၁ လုံးပစ်ခဲ့တယ်" လို့ ပြောပါတယ်။

အဲ့ဒီပစ်ခတ်မှုမှာ စစ်ကောင်စီတပ်စခန်းအတွင်း ကျရောက်ပေါက်ကွဲလို့ စစ်ကောင်စီဘက်က ဒု-ဗိုလ် ၁ ဦး အပါအဝင် ၃ ဦးသေဆုံးပြီး ၄ ဦးဒဏ်ရာရသွားတာကို တပ်တွင်းဖရဲသီးတွေကနေတဆင့် ပြန်လည်သိရတယ်လို့ သူကဆိုပါတယ်။

ဒီသေဆုံးမှုနဲ့ ပက်သက်ပြီး မြေလတ်အသံက သီးခြားအတည်မပြုနိုင်သေးပါဘူး။

စစ်ကောင်စီနေရာတွေကိုပစ်ခတ်ပြီး ပြန်လည်ဆုတ်ခွာလာချိန်မှာ စစ်ကောင်စီဘက်က လက်နက်ကြီး ၈ လုံးအပါအဝင် လက်နက်ငယ်တွေနဲ့ပါ ပြန်လည်ပစ်ခတ်ခဲ့တာကြောင့် သံတောင်မြို့အနီးကို ကျရောက်ပေါက်ကွဲခဲ့ကာ အသက် ၆၀ အရွယ်အဖွားအိုတဦး မစိုးရိမ်ရဒဏ်ရာရရှိခဲ့တယ်လို့ ဆိုပါတယ်။

မတ်လ ၂ ရက်နေ့ကလည်း သံတောင်မြိုနယ်၊ ဘိုတဲကုန်းကျေးရွာကို စစ်ကြောင်းထိုးလာတဲ့ စစ်ကောင်စီတပ်နဲ့ People Defence Force – Thandaung တပ်ဖွဲ့တို့ တိုက်ပွဲဖြစ်ပွားပြီး စစ်ကောင်စီဘက်က ၂ ဦး သေဆုံးခဲ့လို့ အဆိုပါစစ်ကောင်စီအဖွဲ့က ရွာထဲဝင်ပြီး ဒေသခံဆိုင်ကယ် ၅ စီးကို မီးရှို့သွားတယ်လို့ သိရပါတယ်။

စာတည်း-ရင်ငြိမ်း
#မြေလတ်အသံ