Sharing Information to the Local
သတင်း
- - သတင်းတို
- - စီးပွားရေး
- - ရွေးကောက်ပွဲ
- - နိုင်ငံရေး
- - အင်တာဗျူး
- - မှုခင်း
- - ကျန်းမာရေး
- - ပညာရေး
- - အလုပ်သမား
- - သမိုင်း
- - ပေးစာ
တိုက်ပွဲဝင်ရင်း ကျဆုံးခဲ့ရတဲ့ရဲဘော်ကို ကောင်းမွန်စွာသင်္ဂြိုဟ် (ရုပ်သံ)
ပဲခူးတိုင်းအနောက်ခြမ်း၊ အုတ်ဖိုမြို့နယ်မှာ တိုက်ပွဲဝင်ရင်း ကျဆုံးခဲ့တဲ့ ရဲဘော်တဦးကို ဖေဖေါ်ဝါရီလ ၁၅ ရက် မနက် ၉ နာရီက ကောင်းမွန်စွာ သင်္ဂြိုဟ်ခဲ့တယ်လို့ ပြည်ခရိုင် ပြည်သူ့ကာကွယ်ရေးတပ်ဖွဲ့ (၃၆၀၁ PPDF)တပ်ရင်း တပ်ခွဲ ၂ က တပ်ခွဲမှူး ဗိုလ်ကျားဟိန်းက ပြောပါတယ်။
ရဲဘော်တောင်တန်းဟာ ဖေဖေါ်ဝါရီလ ၁၁ ရက် မနက် ၇ နာရီက အုတ်ဖိုမြို့နယ် မင်းလှဆည်ရှင်းလင်းဆောင်မှာ တပ်စွဲထားတဲ့ စစ်ကောင်စီတပ်စခန်းကို သာယာဝတီခရိုင် တပ်ရင်း ၃၈၀၂ တပ်ခွဲ ၅ နဲ့ ပြည်ခရိုင် ပြည်သူ့ကာကွယ်ရေးတပ်ဖွဲ့ (၃၆၀၁ PPDF) တပ်ရင်း တပ်ခွဲ ၂ဧရာညီနောင်စစ်ကြောင်းတို့ပေါင်းကာ ဝင်တိုက်ချိန် စစ်သားတဦးပစ်တဲ့ သေနတ်ကျည်ထိမှန် ကျဆုံးခဲ့တာလို့ ပြောပါတယ်။
အလောင်းကို ကျဆုံးခဲ့တဲ့ အုတ်ဖိုမြို့နယ်ကနေ မိခင်တပ်ရင်းရှိတဲ့ ပေါင်းတည်မြို့နယ်ကို ပြန်သယ်ကာ ကောင်းမွန်စွာ မြေမြုပ်သင်္ဂြိုဟ်ခဲ့တာလို့ ပြောပါတယ်။
ရဲဘော်တောင်တန်းဟာ အသက် ၂၂ နှစ်အရွယ်ရှိကာ လူပျိုတဦးဖြစ်ပြီး ခရစ်ယာန်ဘာသာဝင်တဦးဖြစ်တယ်လို့ သိရပါတယ်။
စာတည်း-နွေဦးငြိမ်းချမ်း၊ တည်းဖြတ်-ငြိမ်းဇော်