Sharing Information to the Local
သတင်း
- - သတင်းတို
- - စီးပွားရေး
- - ရွေးကောက်ပွဲ
- - နိုင်ငံရေး
- - အင်တာဗျူး
- - မှုခင်း
- - ကျန်းမာရေး
- - ပညာရေး
- - အလုပ်သမား
- - သမိုင်း
- - ပေးစာ
- - စစ်ရှောင်
- - တိုက်ပွဲ
- - သဘာဝဘေး
ပေါင်းတည်က အုပ်ချုပ်ရေးမှူးသားအဖ နေအိမ်မှာ သေနတ်နဲ့ပစ်သတ်ခံရ
ပဲခူးတိုင်းအနောက်ခြမ်း၊ ပေါင်းတည်မြို့နယ်က စစ်ကောင်စီခန့်အုပ်ချုပ်ရေးမှူးနဲ့ သားဖြစ်သူတို့ သေနတ်နဲ့ပစ်သတ်ခံရတယ်လို့ မြို့ခံတွေဆီက သိရပါတယ်။
ပေါင်းတည်မြို့နယ်၊ ဆင်လူးအုပ်စု၊ ရွာလှရွာ(တောင်ကုန်း)ရွာက အသက် ၆၀ နှစ်ကျော်အရွယ် အုပ်စုအုပ်ချုပ်ရေးမှူး ကိုခင်ထွဋ်နဲ့ သားဖြစ်သူ အသက် ၃၀ နှစ်ဝန်းကျင် ကိုအောင်ဇော်ထွဋ်တို့ကို ဒီဇင်ဘာ ၃ ရက် ညနေ ၇ နာရီကျော်လောက်က သူတို့ရဲ့နေအိမ်မှာပဲ သေနတ်နဲ့ပစ်သတ်သွားတာလို့ ဆိုပါတယ်။
“သေနတ်နဲ့ပစ်တဲ့အချက်ရေက ၁၅ ချက်ထက်မနည်းမှာရှိတယ်။ ပွဲချင်းပြီးသေကုန်တယ်လို့တော့ ကြားရတယ်။ အနားဘယ်သူမှ မကပ်ရဲတော့သေချာမသိရဘူး " လို့ ဆင်လူးအုပ်စုအနီးမှာ နေထိုင်သူတဦးက ပြောပါတယ်။
ပေါင်းတည်မြို့ကဒေသခံတဦးကလည်း “ကိုခင်ထွဋ်က စစ်မှုထမ်းစုဆောင်းတာမှာ သောင်းကျန်းတယ် ဒို့ဘက်(ပေါင်းတည်ဘက်)မှာ အုပ်ချုပ်ရေးမှူးတွေမသတ်ပဲငြိမ်နေတော့ **တွေကပိုအတင့်ရဲနေတာ။ ခုလိုလုပ်လိုက်တော့ အရမ်းကောင်းတာပေါ့၊ အဲဒီသားအဖကြောင့် အနီးဝန်းကျင်ရွာသားတွေပါ ဖမ်းခံရတာတွေရှိတယ်” လို့ ပြောပါတယ်။
အုပ်ချုပ်ရေးမှူးသားအဖအသတ်ခံရတဲ့အတွက် ဒီဇင်ဘာ ၅ ရက်ဒီနေ့အထိ စစ်အုပ်စုက ဖမ်းဆီးတာမရှိပေမယ့် ဆင်လူးအုပ်စုထဲရှိ ရွာလှနဲ့ကပ်လျှက်မှာရှိတဲ့ တောင်ကုန်းရွာကလူငယ်တွေတော့ စစ်တပ်က ဖမ်းဆီးသတ်ဖြတ်မှာကိုစိုးရိမ်ပြီး အဲဒီညမှာပဲ ထွက်ပြေးတိမ်းရှောင်ကုန်ကြတယ်လို့ သူက ဆက်ပြောပါတယ်။
ဒီသတ်ဖြတ်မှုကို ဘယ်အဖွဲ့ကလုပ်တယ်ဆိုတာကိုတော့ ဒီဇင်ဘာ ၅ ရက်ဒီကနေ့ထိ ထုတ်ပြန်ကြေညာထားတာ မရှိသေးပါဘူး။
ပြီးခဲ့တဲ့ ဒီဇင်ဘာ ၁ ရက်ညနေကလည်း ဖခင်အုပ်ချုပ်ရေးမှူးကိုသတ်တဲ့ PDF တွေကို လက်စားချေမယ်လို့ ကြွေးကြော်ထားတဲ့ ပဲခူးတိုင်းအနောက်ခြမ်း၊ သဲကုန်းမြို့နယ် ဓါးသွေးကျောက်ရွာက အသက် ၂၀ နှစ်ကျော်အရွယ်တွေဖြစ်တဲ့ ပျူစောထီးအဖွဲ့ဝင် မျိုးကိုကိုနဲ့ ထက်ကိုကိုတို့ ညီအကို ၂ ဦးကိုလည်း သဲကုန်းနဲ့ ပေါင်းတည်မြို့နယ် ပကဖတို့က သေနတ်နဲ့ပစ်သတ်ခဲ့ပါသေးတယ်။
ဓါတ်ပုံ - အုပ်ချုပ်ရေးမှူးနဲ့သားအဖအလောင်း။
စာတည်း - လင်း
#မြေလတ်အသံ
#ပဲခူး #ပေါင်းတည် #အုပ်ချုပ်ရေးမှူး #ပစ်သတ်
Share Share Share