မင်းတုန်းက နယ်မြေရဲစခန်း တိုက်ခိုက်ခံရပြီး ရဲ ၂ ဦးသေ ၄ ဦး ဒဏ်ရာရ

“ကျနော်တို့ အစီအစဉ်က အခြေအနေပေးရင် တခါထဲဝင်သိမ်းဖို့ပါ။ တိုက်ပွဲက နာရီဝက်လောက် ဖြစ်တယ်။ အပြန်အလှန်ပစ်တာဆိုပေမယ့် ကျနော်တို့ပစ်အားကို မမီဘူးပေါ့။ အဲ့အချိန်မှာ ပြည်သူတွေရဲ့ ကားတချို့က တိုက်ပွဲနားကပ်လာလို့ တိုက်ပွဲအရှိန်အနည်းငယ်လျော့သွားပြီး ကျည်လည်းနည်းလာလို့ ပြန်ဆုတ်ခဲ့တာပါ” လို့ ပြောပါတယ်။

တိုက်ပွဲအတွင်း ကျောက်တိုင်ရွာရဲစခန်းက အသက် ၃၁ နှစ်အရွယ် ရဲတပ်သား ဇင်ဘိုကို သေဆုံးတာကို အတည်ပြုထားနိုင်ပြီး တခြားသေဆုံးရဲတပ်သား ၁ ဦးနဲ့ ဒဏ်ရာရ ရဲ ၄ ဦးရဲ့ အချက်လက်တွေကတော့ စုံစမ်းနေဆဲဖြစ်ကာ ရဲစခန်းအဆောက်အဦး အမိုးတွေလည်းထိခိုက်ပျက်စီးခဲ့တယ်လို့ PDF တာဝန်ရှိသူက ပြောပါတယ်။

တိုက်ခိုက်မှုကို သရက်ခရိုင်တပ်ရင်း-၄ Eagle Force၊ ကျောင်းသားလက်ရုံးတပ်တော် S.A.F၊ လွတ်မြောက်ရေးတပ်တော် W.O.L.F တို့ ပူးပေါင်းလုပ်ဆောင်ခဲ့ကြတာလည်း ဖြစ်ပါတယ်။

ပြီးခဲ့တဲ့ မတ်လ ၁၄ ရက်နေ့ကလည်း ပုသိမ်-မုံရွာ ကားလမ်းမဘေးက ၅ မိုင် စစ်ဆေးရေးဂိတ်နဲ့ မင်းတုန်းမြို့နယ်၊ စပါးတန်းကျေးရွာနားက ဂိတ်စခန်းတွေကို တိုက်ခိုက်ခဲ့ပြီး စစ်ကောင်စီဘက်က ထိခိုက်မှုတွေ ရှိခဲ့ပါသေးတယ်။

ပုံစာ - သရက်ခရိုင်တပ်ရင်း ၄ PDF များ။

စာတည်း - ရင်ငြိမ်း
#မြေလတ်အသံ