မတ္တရာမှာ လူဦးရေစာရင်းကောက်နေတဲ့ စစ်အုပ်စု ဒရုန်းနဲ့တိုက်ခိုက်ခံရ

မတ္တရာမြို့နယ်မှာ လူဦးရေစာရင်းလိုက်ကောက်နေတဲ့အဖွဲ့နဲ့ စစ်ကောင်စီတပ်ဖွဲ့ဝင်တွေကို ဇန်နဝါရီလ ၂၃ ရက်က ဒရုန်းအသုံးပြုကာ ဗုံးကြဲတိုက်ခိုက်ခဲ့တယ်လို့  Unicorn ပြောက်ကျားတပ်ဖွဲ့  ဆီက သိရပါတယ်။

မတ္တရာမြို့နယ်၊ ဟင်္သာကုန်းကျေးရွာမှာ မနေ့ကမနက် ၁၁ နာရီလောက်က လူဦးရေစာရင်းလိုက်ကောက်နေချိန်မှာ ဒရုန်း ၄ စီးနဲ့ ဗုံးသီးချတိုက်ခိုက်ခဲ့တာလို့ ဆိုပါတယ်။

"ပြည်သူတွေသတင်းပေးလို့ သွားရောက်တိုက်ခိုက်ခဲ့တာပါ စစ်ကောင်စီတပ်ဖွဲ့ဝင် ၂၀ လောက်နဲ့ကျန်တာ လဝကဖြစ်မယ် ဘယ်အဖွဲ့တွေလည်းတော့ မသိရဘူး သူတို့လာတိုင်းအဲဒီဘုန်းကြီးကျောင်းကိုလာတယ် ဘုန်းကြီးကကျောင်းမှာမနေတော့ဘူး"လို့ Unicorn ပြောက်ကျားတပ်ဖွဲ့ဝင်တဦးက ပြောပါတယ်။

ဒရုန်း၄စီးနဲ့ ဗုံး ၇ လုံးကြဲခဲ့ရာမှာ ၅ လုံးပေါက်ကွဲခဲ့ပြီး ထိခိုက်မှုအသေးစိတ်ကို မသိရပေမယ့် မဟာမိတ်တပ်ဖွဲ့တွေ ထိခိုက်မှုမရှိ ဆုတ်ခွာနိုင်ခဲ့တယ်လို့ သူကဆက်ပြောပါတယ်။

အဲဒီစစ်ဆင်မှုမှာ ဗိုလ်ကောင်းကင်၏ တော်လှန်ရေးအင်အားစု၊ ADRF (Madaya)၊ SKY HERO (Madaya)၊ A B R F - Madaya၊ ဒေါင်းစစ်သည် (Madaya)၊ နတ်ဆိုး‌မြေအောက်တော်လှန်ရေးတပ်ဖွဲ့၊Unicorn Guerrilla Force တို့ပူးပေါင်းခဲ့ကြတာလို့ သိရပါတယ်။

ပြီးခဲ့တဲ့ဇန်နဝါရီလ ၁၂ ရက်ကလည်း Unicorn ပြောက်ကျားတပ်ဖွဲ့ဟာ မတ္တရာမြို့နယ် သုံးဆယ်ပေးကျေးရွာမှာ တပ်ဆွဲထားတဲ့စစ်တပ်က စစ်ရှောင်နေတဲ့ဇီးကျွန်းကျေးရွာကပြည်သူ့နေအိမ်ကပစ္စည်းတွေကို ဝင်ရောက်ယူငင်နေတာကြောင့်ဒရုန်းနဲ့ဗုံးသီးချကာတိုက်ခိုက်ခဲ့ပါသေးတယ်။

#မြေလတ်အသံ