လောင်းကစားဒိုင်အိမ်ကို ပစ်တဲ့ကျည်က ကင်းပုန်းဝပ်နေတဲ့ စစ်သားတွေပေါ်ကျလို့ ၂ ဦးဒဏ်ရာရ

ပဲခူတိုင်းအနောက်ခြမ်း၊ အုပ်ဖိုမြို့နယ်မှာ လောင်းကစားဒိုင်နေအိမ်ကို ပစ်ခတ်တဲ့ ၄၀ မမကျည်က အနီးရှိ ကင်းပုန်းဝတ်နေတဲ့ စစ်သားတွေဆီ ကျရောက်ခဲ့တာကြောင့် ၂ ဦး ပြင်းထန်ဒဏ်ရာ ရရှိသွားတယ်လို့ အုတ်ဖို မြေအောက်ပြောက်ကျားတပ်ဖွဲ့ဆီက သိရပါတယ်။

အုပ်ဖိုမြို့နယ်၊ ကြို့ကိုးပင်ကျေးရွာက လောင်းကစားဒိုင်ပြုလုပ်တဲ့ ကိုဖိုးသဲ နေအိမ်ကို မတ်လ ၂၀ ရက် မနက်အစောပိုင်းမှာ ၄၀ မမနဲ့ပစ်ခတ်ချိန် အနီးရှိစာသင်ကျောင်းဝန်းထဲကို ကျရောက်ခဲ့ရာ အဲ့ဒီနေရာမှာ ကင်းပုန်းဝပ်နေတဲ့စစ်သားတွေကို ထိမှန်ခဲ့တာလို့ အမှတ် ၂၊ ၃၈၀၂ တပ်ရင်းတပ်ခွဲ ၄ မြေအောက်ပြောက်ကျားတပ်ဖွဲ့ (အုပ်ဖို)မှ တပ်ဖွဲ့ဝင်တဦးက ပြောပါတယ်။