“ပဲခူးမှာ ကျောင်းတက်တဲ့ကလေးများပေမယ့် သင်ကြားရေးဆရာ၊ ဆရာမပိုင်း အင်အားနည်းနေပါတယ်။ ဆရာမ တယောက်ကို အတန်း ၂ ခုလောက် ခွသင်ပေးနေရတယ်။ အများစုက CDM ဝင်ကြပြီး တချို့က ရာထူးပြောင်းတွေ လုပ်နေကြတယ်။ CDM ဝင်သွားတဲ့ ဆရာမတွေနေရာမှာ သူတို့ကို(စစ်ကောင်စီ)ထောက်ခံတဲ့ ဆရာ၊ ဆရာမတွေကို ပြန်ထည့်ထားတယ်။ တချို့ ဆရာ၊ဆရာမတွေက CDMဝင်ချင်ကြပေမယ့် စကစခြိမ်းခြောက်ထားလို့ CDM မလုပ်ရတဲ့ ဆရာ၊ဆရာမတွေလည်းရှိပါသေးတယ် ”
“ရွာဘုရားပွဲဆိုရင် တရွာလုံး မုန့်တွေလုပ်၊ လာတဲ့ဧည့်သည်တွေကို ထမင်းကျွေးတာတွေ လုပ်တယ်။ စစ်ကြောင်း ထိုးလာတာကို မသိကြဘူး၊ ရွာထဲဝင်လာပြီ လက်နက်တွေ ပစ်ဖောက်တော့မှ ထွက်ပြေးကြတာ။ လက်နက်ထိမှန်ထားတဲ့ တယောက်ကတော့ မစိုးရိမ်ရပါဘူး။ ရွာသားတွေလည်း အခုထိရွာနားကို မကပ်ရဲသေးပါဘူး”
“ဆေးဝါးအခက်အခဲကြောင့် ဒီလထဲမှာ စစ်ဘေးရှောင်တွေကို Mobile ကုပေးတာ ပထမအကြိမ်ပါ။ မနေ့က သွားကုပေးလိုက်တာ ညနေ ၄ နာရီလောက်မှပြီးတယ်။ စစ်ရှောင်နေရတဲ့ သူတွေထဲမှာ ဖျားတဲ့သူတွေ ၊ သွေးတိုးတက်တဲ့သူတွေ ၊ နှာစေး ၊ ချောင်းဆိုး ၊ ဒူးနာ ၊ ခါးနာ အစရှိတာတွေကို အခမဲ့ ကုသပေးခဲ့တယ်။ ရွာသား ၈ ယောက်ကိုလည်း အကျိတ်တွေ ခွဲစိတ်ပေးခဲ့တယ်”
“ပိန္နဲပင်က ရွာပြင်ဘက်မှာရှိတယ်။ အဲဒီအပင်နားမှာ တဲရှိတယ်။ ပျူစောထီးတွေက မိုင်းကို တဲဘေးမှာ ထောင်ထားတယ်။ အဲဒါ အသက်အငယ်ဆုံးကလေးက နင်းမိပြီး အကုန်ထိကုန်တာ။ ဗူတီကိုတော့ မနေ့က သဂြိုလ်ပေးလိုက်ပြီ၊ ဦးမောင်ငွေက အဆုတ်ကိုထိသွားတယ်။ စိုးရိမ်ရတယ်။ ထွန်စည်သူအောင်က မျက်လုံးကိုထိသွားတယ်။ ဘာမှကောင်းကောင်းမမြင်ရတော့ဘူးလို့ ပြောတယ်”
“ဓားမဆိုင်းအနေနဲ့ အခုလို တရုတ်ဝမ်ပေါင်ကို သွားပစ်တာက ဒုတိယအကြိမ်ရှိပါပြီ၊ သွားရောက်ပစ်ခတ်ချိန်က ဘယ်လောက်မှ မကြာလိုက်ဘူး၊ ပြန်ဆုတ်ခွာတဲ့ အချိန်ပဲ ခက်ခဲတာ၊ ဘာလို့လည်းဆိုတော့ မိုးတွေရွာထားတဲ့အတွက် ရွံ့တွေ၊ ဗွက်တွေကြောင့် ဖိနပ်တောင်စီးလို့ မရပါဘူး။ ဒီနေ့ (ဇွန် ၁)မနက်မှာလည်း ဝမ်ပေါင်ထဲကို လေယာဉ်နဲ့ လူအင်အားတွေ ချထားတယ်လို့တော့ ကြားရတယ်”
“သူတို့မနက်က သဗြူးရွာက အိမ် ၂ လုံးကို အရင်မီးရှို့တယ်။ ပြီတော့ ကုန်းတန်းလေးရွာထဲကို ဝင်လာပြီး သူတို့လိုက်ရှာနေတဲ့ လူတဦးရဲ့နေအိမ်ကို မီးလာရှို့လိုက်တယ်။ မီးရှို့ပြီးတော့ မအူပင်အနောက်ဘက်ကို ထွက်သွားတာ။ ထွက်သွားပြီး ကုန်းတန်းလေးရွာကို ပြန်လာတဲ့အချိန် မိုင်းမိသွားတော့ သူတို့ကား ၂ စီးက ကြေသွားတယ်။ အဲ့ဒါနဲ့ ကုန်းတန်းလေးရွာထဲဝင်ပြီ ထပ်ပြီ မီးရှို့တော့တာပဲ”
“ဖမ်းဆီးခံရတဲ့ ရွာသားတွေတော့ မရှိပါဘူး၊ အခုချိန်ထိ ရွာသားအကုန်လုံးက ရွာထဲမဝင်ကြသေးဘူး။ တချို့တဝက်တွေပဲ ပြန်ဝင်နေကြတယ်။ တချို့ကတော့ တောထဲမှာ ပုန်းခိုနေကြတုန်းပဲ။ နောက်ထပ် စစ်ကြောင်းဝင်လာမှာစိုးလို့။ မီးရှို့ခံရတဲ့ကျေးရွာတွေက တရွာနဲ့တရွာ တမိုင်ခွဲလောက်ပဲ ဝေးကြတယ်”
“အဲဒီ စကစတွေက မနေ့ (မေ ၃၀) ကတည်းက သခွတ္တောကျေးရွာမှာ တညအိပ်စခန်းချခဲ့တာ။ ဒီနေ့မနက် ပြန်ထွက်ချိန်တော့ ကာကွယ်ရေးတပ်ဖွဲ့တွေနဲ့ ထိတွေ့ပစ်ခတ်မှု ဖြစ်တယ်။ ကျနော်တို့ဘက်ကတော့ ထိခိုက်မှုမရှိပါဘူး၊ စကစတွေဘက်က ထိခိုက်မှုကိုတော့စုံစမ်းနေဆဲ။ အဲဒီစကစတွေက အရှေ့ဘက်ကို ပြန်တက်လာတော့ ရွာသားတွေထွက်ပြေးနေရတယ်၊ ထွက်ပြေးနေရတဲ့ ရွာသားဦးရေက ၂ ထောင်ကနေ ၅ ထောင်နီးပါးအထိ ရှိနိုင်တယ်”
“သူတို့ထွက်လာတာက ဖောကားတစီး၊ ထွေလာ (ထော်လာဂျီ)တစီး နဲ့ ဟိုက်ဂျက်တစီး စုစုပေါင်း ကား ၃ စီးနဲ့ ထွက်လာတာပါ။ ကျနော်တို့က ပွိုင့် ၂ ပွိုင့်နေရာယူပြီး မိုင်း ၁၅ လုံးဆွဲလိုက်တာပါ။ သူတို့ဘက်က ၂ ယောက်သေသွားတယ်လို့ ဖရဲသီး သတင်းပေးပို့ချက်အရ သိရပါတယ်။ ကျနော်တို့ မိုင်းဆွဲပြီတော့ စခဘက်က ရမ်းသမ်းပစ်ခတ်မှုတွေရှိတယ်။ ကျနော်တို့တွေတော့ ပြန်မပစ်ဘူးဗျ”
“ညီမတို့အဖွဲ့ထဲမှာ ကျဆုံးတဲ့ရဲဘော်က ရဲလင်းတယောက်ပဲရှိတာရှင့်၊ သူက စိတ်ထားကောင်းတယ်၊ အနေအေးတယ်။ သဘောကောင်းတယ်။ တနှစ်ပြည့်သွားပေမဲ့လည်း မနေ့တနေ့ကလိုပါပဲ။ ရဲဘော် ရဲလင်း အမေကတော့ အောင်ပွဲကျသူ့သားအတွက် ပိုပြီး ဒေါက်ဖိနပ်စီးပြီး ကနေဦးမယ်ဆိုပြီး ငိုပြီးပြောတယ်”
"ကျနော်တို့မိုင်းဆွဲလိုက်တော့ ကား ၅စီး ၆စီးမြောက်ကို ထိသွားတယ်လို့ထင်တယ်။ မိုင်းဆွဲတာနဲ့ပက်သက်ပြီး ထိခိုက်သေဆုံးတာတွေ နောက်ဆက်တွဲမသိသေးဘူး။ ဒါပေမဲ့ ကျနော်တို့ ထပ်ကြားရတာက မအူစစ်ဆေးရေးဂိတ်ရှိရဲ့သားနဲ့ မိုင်းဆွဲခံရမလားဆိုပြီးတော့ သူတို့အချင်းချင်း ပြသနာတွေဖြစ်နေတယ်လို့ ကြားရတယ်။ မီးသတ်ကားတွေထဲမှာလည်း သူတို့က လေယာဉ်ဆီတွေ သယ်လာတယ်လို့ ကျနော်တို့သတင်းရထားတယ်။"
“ကုက္ကိုကုန်းရွာက အခုလိုမီးရှို့ခံရတာပထမအကြိမ်ပါ။ ရွာသားတွေကတော့ ထွက်ပြေးနေရတုန်းပါ။ ဖမ်းဆီးခံရတဲ့ ရွာသားရှိမရှိကိုတော့ မသိရသေးဘူးဗျ။ နေအိမ်တွေဘယ်လောက် မီးထဲပါသွားလဲဆိုတာလည်း မသိရသေးပါဘူး။ လွှတ်တိုက်ရွာကိုတော့ မီးရှို့နေတုန်းပဲ၊ စကစတွေက ရွာထဲကနေမထွက်ရသေးဘူး။ အဲဒီရွာလည်း အခုမှ ပထအကြိမ်မီးရှို့ခံရတာပါ”
“အနောက်ဘက်ချင်းတွင်းမြစ်ဘက်ကလာတဲ့ စစ်ကြောင်းတကြောင်းနဲ့ ဧရာဝတီမြစ်ဘက်ကနေလာတဲ့ စစ်ကြောင်းပါ။ ဒီမနက်အထိမီးလောင်သွားတဲ့ အိမ်ခြေတွေကို မသိရသေးဘူး။ ရေယှားရွာကတော့ ၂၀၀ ဝန်းကျင်လောက် မီးထဲပါသွားတယ်လို့တော့ကြားရတယ်။ အတည်တော့မပြုနိုင်သေးဘူး ရွာသားတွေလည်း ရွာနားကိုဘယ်သူမှမကပ်ရဲသေးဘူး ”
“ထိခိုက်သေဆုံးတာတွေကိုတော့ အတွင်းသတင်းအရသိရတာပါ ။ ဂိတ်စောင့်နေတဲ့ ၁ ကောင်ရယ်၊ ထမင်းချက်နေတဲ့ ၂ ကောင်သေတယ်လို့သိရတယ်။ သူတို့ကမထင်ရင်မထင်သလို လမ်းသွာ၊း လမ်းလာတွေကို ငွေညှစ်တယ်။ ရွာတွေကို ဆန် ၊ ဆီ ၊ ဆားတွေကိုသယ်တာမှာလည်း အဲ့ဂိတ်က အများကြီးသယ်ခွင့်မပေးတော့ဘူး”
“ဒီဘက်ကမ်းကိုရောက်တာနဲ့ သူတို့က တရစပ် လက်နက်ကြီးတွေ၊ စက်လက်နက်တွေနဲ့ ပစ်တယ်။ အခုချိန်ထိ နေအိမ်တွေ ဘယ်လောက်ထိ မီးထဲပါသွားလဲ မသိရသေးပါဘူး။ ရွာသားတွေလည်း ရွာထဲ မဝင်ရဲသေးဘူး၊ သေဆုံးသွားတဲ့သူက ကလေး ၂ ယောက်အမေလို့ သိရတယ်။ အသက် ၁၂ နှစ်အရွယ် မောင်ညီခန့်ဇင်က လက်နက်ကြီးထိမှန်သွားတယ်”
Sharing Information to the Local