ယင်းမာပင်မြို့နယ် ပြည်သူ့အုပ်ချုပ်ရေးအဖွဲ့ရဲ့ စိုးမိုးနယ်မြေအတွင်းမှာ မြို့နယ်အုပ်ချုပ်ရေးမှူးအဖွဲ့က ကျေးရွာအတွင်း မည်သည့်လောင်းကစားမျိုးမှ မပြုလုပ်ဖို့ နှုတ်နဲ့သော်လည်းကောင်း၊ စာနဲ့သော်လည်းကောင်း၊ လူကိုယ်တိုင် သွားရောက်ပြီးသတိပေးထားခဲ့ပေမယ့်လည်း မလိုက်နာတဲ့အတွက် အခုလို အရေးယူခဲ့တာလို့ ပြည်သူ့အုပ်ချုပ်ရေးတပ်ဖွဲ့မှ ပြန်ကြားရေးတာဝန်ခံက မြေလတ်အသံကို ပြောပါတယ်။
စစ်ကိုင်းတိုင်း၊ ကနီမြို့နယ်၊ ယင်းယိမ်ကျေးရွာမှာ နေတဲ့ မိသားစုဝင် ၅ ဦးဟာ မိမိတို့နေထိုင်တဲ့ နေရပ်ကိုပြန်လာချိန် စစ်ကောင်စီရဲ့ လက်နက်တွေနဲ့ ပစ်ခတ်မှုကြောင့် အမျိုးသမီးတဦးဟာ နှလုံးရပ်ပြီး သေဆုံးသွားတယ်လို့ ဒေသခံတွေဆီက သိရပါတယ်။
တောင်ယာဆိပ်အုပ်စုဟာ တောင်ယာဆိပ်ရွာ၊ သရက်တောရွာ၊ အောင်ရန်ကင်းရွာနဲ့ မြင်သာဦးရွာ ပေါင်းစည်းထားတဲ့ အုပ်စုတခုဖြစ်ပြီး၊ အဲ့ဒီကနေအိမ်တွေကို စစ်ကောင်စီလက်အောက်ခံ ခမရ ၃၆၈ က စစ်သားတွေနဲ့ ပျူစောထီးတွေက အင်အား ၁၂၀ နီးပါးနဲ့ စစ်ကြောင်းထိုးမီးရှို့ခဲ့တာလို့ ကျွန်းလှဒေသခံတဦးက ပြောပါတယ်။
“ရွာသားတွေက ဒီလ (ဇန်နဝါရီ) လဆန်းပိုင်းကတည်းက ရွာထဲကိုဝင်လိုက်၊ ထွက်လိုက် နဲ့ စစ်ရှောင်နေရတယ်။ ဆောင်းတွင်းကာလဖြစ်တာမို့ ကွင်းပြင်မှာ အမိုးအကာမရှိတာကြောင့် မိုးကာ၊ အနွေးထည်၊ စောင်၊ အခြေခံစားသောက်ကုန်နဲ့ ဆေးဝါးတွေ လိုအပ်နေတယ်။ တကယ်လို့ တခုခုဖြစ်ခဲ့ရင် ကုသပေးမယ့် ဆရာမတွေလည်း မရှိဘူး”
ကန့်ဘလူမြို့နယ်ထဲက၊ လယ်လှရွာနဲ့ ကံပေါက်ရွာထဲမှာ စစ်ကောင်စီ နဲ့ ပျူစောထီးတပ်ဖွဲ့တို့ တပ်စွဲထားတာဟာ လပေါင်းများစွာရှိပြီးဖြစ်ကြောင်းနဲ့ အဲဒီရွာထဲက ဒေသခံတွေကိုလည်း ရွာပြင်ထွက်ခွင့်မပေးတဲ့အပြင်၊ နေ့စဉ်နေ့တိုင်း ခြိမ်းခြောက်ပြောဆိုမှုတွေ ပြုလုပ်နေတယ်လို့ ကျွန်းလှတက်ကြွလှုပ်ရှားသူအဖွဲ့ မှ တာဝန်ရှိသူတဦးက အခုလိုပြောပါတယ်။
ဇန်နဝါရီလ ၂၉ ရက်မနေ့ကမနက် ၁၁ နာရီလောက်မှာ ဆိပ်ဖြူမြို့နယ်၊ ကံဇွန်မကျေးရွာကနေ ဖလံမရွာထဲကို ဝင်လာတဲ့စစ်သားတွေကို ပဒေသာမိုင်းနဲ့ တိုက်ခိုက်ခဲ့ရာ သုံးပွင့်ဗိုလ်ကြီးတဦးနဲ့ တပ်ကြပ်ကြီးတဦး ထိခိုက်သေဆုံးသွားတယ်လို့ ဆိပ်ဖြူ ဘာမထီပြည်သူ့ကာကွယ်ရေးတပ်မှ တပ်ရင်းမှူး ကိုပိုင်က မြေလတ်အသံကို ပြောပါတယ်။
ဇန်နဝါရီ ၂၇ ရက်မနေ့ကညနေ ၃ နာရီလောက်မှာ ကန့်ဘလူ 6006 တပ်ရင်းမှ Mi 35 ၂ စီး နဲ့ Mi 17 ၂ စီးတက်လာပြီး ညနေ ၄ နာရီကျော်လောက်မှာတော့ ကုက္ကိုကုန်းရွာကို စတင်ပစ်ခတ်ခဲ့ကာ ပစ်ခတ်နေချိန်မှာပဲ Mi 17 ၂ စီးဟာ ကုက္ကိုကုန်းရွာထဲကို လူအင်အား ၆၀ နီးပါး ချသွားခဲ့တယ်လို့ Kawlin Revolution – KR မှ တာဝန်ရှိသူတဦးက မြေလတ်အသံကိုပြောပါတယ်။
ကျောက်ဖြူတိုင်ရွာက ဒေသခံအမျိုးသမီးငယ်တဦးကတော့ အိမ်တွေမီးရှို့ခံရချိန်မှာဝမ်းနည်းပူဆွေးမှုရှိခဲ့ပေမယ့် အိမ်တွေသာ ပြာကျနေမယ် တော်လှန်ရေးအတွက်ထားတဲ့ စိတ်ဓါတ်ကတော့ ဘယ်တော့မှ မကျဘူးလို့ ဆိုထားပါတယ်။
“ထိတွေ့ပစ်ခတ်မှု မရှိပါဘူး။ ဒီအတိုင်း ရွာထဲကို ဝင်လာတာ။ အင်းပတ်ကွေ့စျေးတန်းနဲ့ ရွာသစ်က တမိုင်လောက်ပဲ ဝေးတယ်ဗျ။ ရွာမြောက်ပိုင်းက အိမ် ၅ လုံး မီးရှို့သွားပြီးတော့ ရွာထဲမှာရှိတဲ့ စျေးဆိုင်တွေက ပစ္စည်းတွေကိုလည်း သယ်သွားကြတယ်”
တန့်ဆည်ပင်မသပိတ်အဖွဲ့ဝင်တွေက ဦးဆောင်ပြီး တန့်ဆည်မြို့နယ်ထဲက လူဦးရေတရာကျော်ဟာ “တရားမဝင် အတုအယောင်ရွေးကောက်ပွဲ လူထုအားနဲ့ တိုက်ဖျက်ကြ” စာသားပါ ဘန်နာကိုကိုင်ဆောင်ပြီး အချိန် ၂ နာရီကြာ ဆန္ဒထုတ်ဖော်ခဲ့ကြတယ်လို့ သပိတ်မှာပါဝင်သူတဦးက ပြောပါတယ်။
"ထုံးဘိုရွာက ဒလန် လင်မယား ၂ ယောက်က အတိအကျသတင်းပေးခဲ့တာလို့ သိရတယ်။ ရဲဘော် Doe နဲ့အတူ မစ်ရှင်လုပ်ဖို့ အထူးကွန်မန်ဒို ၅ ယောက်ပါဝင်ခဲ့တယ် ။ ရဲဘော် Doe ဟာ ရန်သူနဲ့ အနီးကပ်ဖြစ်တော့ ပစ်ခတ်ခံလိုက်ရတာပါ ။ ကျန်တဲ့အဖွဲ့သားတွေက ရဲဘော် Doe ကိုကယ်ထုတ်နိုင်ခဲ့တယ်။" လို့ ပြောပါတယ်။
“အဲဒီနေ့မှာ စကစတွေဘက်ကတော့ တယောက်ပဲ ကျသွားတယ်။ ကျတော်တို့ဘက်ကတော့ ကျဆုံးတာတွေ များတယ်။ ဒဏ်ရာရတဲ့ ရဲဘော်တွေကလည်း အရမ်းမစိုးရိမ်ရပါဘူး။ သူတို့ကို ဆေးကုသမှု ပေးထားပါတယ်။ ဖမ်းခံရတဲ့ တပ်ဖွဲ့ဝင် ၂ ဦးကိုလည်း ဘယ်ကိုခေါ်သွားလဲ မသိရသေးဘူး”
“ အခုချိန်ထိတော့ စခ တွေက ကျားပစ်ကန်ရွာထဲမှာ ရှိနေတုန်းပဲ။ အဲဒီရွာတွေက တရွာနဲ့တရွာ တမိုင်လောက်ပဲ ဝေးတယ်။ နေအိမ်ဘယ်လောက် မီးထဲပါသွားလဲဆိုတာတော့ မသိရသေးဘူး။ စစ်ကြောင်းနဲ့နီးတော့ ရွာနားကို ကပ်လို့မရဲဘူး” လို့ ပြောပါတယ်။
"မစ်ရှင်မပြုလုပ်ရတဲ့ ရက်တွေမှာ အီနာဂါလုံးတယ်၊ မိုင်းတွေကိုလုံးပါတယ်။ အခု လိုချင်တဲ့ ဒရုန်းလည်းရပြီဆိုတော့ စခ တွေကိုပြန်လည်တိုက်ခိုက်တော့မှာပါ။ လောလောဆယ်ဆယ်မှာတော့ စခ တွေရှိတဲ့နေရာပတ်လိုက်တာမျိုးပဲရှိပါသေးတယ်" လို့ ဆိုပါတယ်။
“ဒီရွေးကောက်ပွဲက ဘယ်လိုမှမဖြစ်သင့်တဲ့ ရွေးကောက်ပွဲဖြစ်တဲ့အတွက် သူတို့ရွေးကောက်ပွဲ အောင်မြင်တယ်ဆိုတာကတော့ လုံးဝဖြစ်လာစရာအကြောင်းမရှိဘူး။ နဂိုကတည်းက အာဏာလု၊ အကြမ်းဖက် တရားမဝင် အဖွဲ့အစည်းဖြစ်တဲ့အတွက် ရွေးကောက်ပွဲဟာလည်း တရားမဝင်ဘူးဆိုတာ ပြည်သူအကုန်လုံးသိတယ်။ အဲဒါကို ပြည်သူတွေကလက်မခံပဲ ကူညီပေးနေမယ်ဆိုရင် စစ်ကောင်စီနဲ့ အလိုတူအလိုပါတွေလို့မှတ်ယူပြီး တိုက်ခိုက်သွားမယ်” လို့ဆိုပါတယ်။
Sharing Information to the Local