"သူတို့က ဒီဘက်ကို ဒရော့ဗုံး(Drop Bomb) ချနေတာ ၅ စီးနဲ့။ ကိုယ့်ဘက်က ဂျန်ပါဂန်း(Jammer Gun)နဲ့ပစ်တော့ ဗုံးသီးကပြန်ပါသွားတာ။ သူတို့ခေါင်းပေါ်ရောက်မှာ ဗုံးသီးက ပြန်ပြုတ်ကျတာ။ သူတို့ ဗုံးသီးနဲ့သူတို့ပြန်ထိတာ"
“ကင်းတဲကိုထိမှန်ပြီးတော့မှ အဲဒီက ၂ ဦးသေတာရယ်၊ နောက်တခုက တောင်ပိုင်းတိုင်းစစ်ဌာချုပ်ရဲ့ အုပ်ချုပ်မှုရုံးကိုထိလို့ အမိုးပွင့်သွားပြီးတော့မှ သေတာ ၃ ယောက်။ တပ်ရေးဗိုလ်ကြီးအဆင့်ရှိတဲ့ အရာရှိ ၁ ဦးကတော့ ညာဘက်ခြေထောက်ဒဏ်ရာရတယ်၊ စိုးရိမ်ရတယ်။ နောက်တခုကတော့ အရာရှိလိုင်းခန်းကိုထိပြီးတော့မှ ၃ ဦး ဒဏ်ရာရတယ်"
လက်နက်ကြီးငယ်တွေနဲ့ နှစ်ဘက်တိုက်ခိုက်မှုကြာမြင့်ချိန် ၁ နာရီဝန်းကျင်ရှိပြီး စစ်တပ်စီတပ်သား ၁၂ ဦးသေကာ ၁၄ ဦးခန့် ဒဏ်ရာရရှိတဲ့အပြင် ၎င်းတို့ဆီကနေ ၆၀ မမ (BA 100) ၁ လက်၊ MA 1 ၁ လက်၊ G 3 ၂ လက်၊ အီနာဂါ ၁ လုံး၊ ၆၀ မမ ဗုံးသီး ၁ လုံး၊ G 3 ကျည် ၁၈၁ တောင့်၊ ၅. ၅၆ ကျည် ၁၃ တောင့်၊ ဖုန်း ၅ လုံးနဲ့ အခြားစစ်အသုံးဆောင်ပစ္စည်းတွေ သိမ်းဆည်းရမိတယ်လို့ ဆိုပါတယ်။
ကန့်ဒေါင့်ရဲစခန်းအတွင်းမှာ စစ်ကောင်စီတပ်သားနဲ့ရဲ စုစုပေါင်းအင်အား ၅၀ ခန့် အထိုင်ချတပ်စွဲနေတာဖြစ်ပြီး အောက်တိုဘာ ၁ ရက် မနက် ၉ နာရီခန့်မှာ Drone ၅ စီးနဲ့ တိုက်ခိုက်ခဲ့တာလို့ EagleWings Drone Force အဖွဲ့တာဝန်ခံက ပြောပါတယ်။
တိုက်ပွဲပြင်းထန်ခဲ့တဲ့ စက်တင်ဘာ ၃၀ရက် ညနေ ၃နာရီဝန်းကျင်မှာတော့ မိတ္ထီလာ၊ ရှမ်းတဲလေတပ်က တက်လာတဲ့ဂျက်ဖိုက်တာနဲ့ လေကြောင်း တိုက်ခိုက်မှု ၉ကြိမ် ပြုလုပ်ခဲ့ပြီး အပြန်အလှန်ပစ်ခတ်မှုတွေနဲ့ လေကြောင်းတိုက်ခိုက်မှုတွေကြောင့် ကာကွယ်ရေးတပ်ဖွဲ့ဝင် ၃ ဦး ထိမှန် ဒဏ်ရာရခဲ့တယ်လို့ သိရပါတယ်။
ဒီလေကြောင်းတိုက်ခိုက်မှုကြောင့် ဥက္ကံကျေးရွာက အမျိုးသား ၅ ဦးနဲ့ အမျိုးသမီး ၂ ဦးသေဆုံးကာ အလောင်းတချို့ကပျက်စီးခဲ့တာကြောင့် လက်ရှိအချိန်ထိ သေဆုံးသူတွေနဲ့ပက်သက်တဲ့ အချက်အလက်တွေကို အတိအကျရဖို့ စုံစမ်းနေဆဲဖြစ်တယ်လို့ ဆိုပါတယ်။
ယင်းမာပင်ဗျူဟာ ၄၉ရဲ့ လက်ရွေးစင် ရဲဘော်၈၄ဦးဟာ ကောလင်းမြို့နယ်အတွင်းရှိ စခန်းသိမ်းတိုက်ပွဲတွေမှာ စစ်ကူအဖြစ်သွားရောက်တိုက်ခိုက်ပြီးအပြန် စက်တင်ဘာ၂၉ရက်ညပိုင်းမှာ ပုလဲမြို့နယ်က ဒေသခံပြည်သူတွေက ကြိုဆိုခဲ့တာပါ။
စစ်ကိုင်းတိုင်း၊ ဘုတလင်မြို့နယ်၊ ကူတော်ရွာ စစ်ကောင်စီ အထိုင်စခန်းကနေထွက်လာတဲ့ စစ်ကြောင်းကို ကာကွယ်ရေးတပ်တွေက ကြားဖြတ် တိုက်ခိုက်ခဲ့ပြီး စစ်ကြောင်းတခုလုံးနီးပါးပြုတ်ကာ ၄၀ ခန့် သေပြီး ၅၀ နီးပါး အရှင်ဖမ်းမိတယ်လို့ မြေပြင်ရဲဘော်တွေဆီက သိရပါတယ်။
"သူတို့လာရာလမ်းက စောင့်နေတာပါ။ အချိန်မမီလိုက်တော့ အပြန်လမ်းမှာတိုက်ခိုက်တယ်။ စစ်တပ်ဘက်က ၃ ယောက်သေတယ်"
အဲ့ဒီစစ်ကောင်စီဂိတ်မှာ စစ်သားအင်အား ၃၅ ဦးခန့်အထိုင်ချတပ်စွဲထားပြီး စက်တင်ဘာ ၂၈ရက် နေ့လယ် ၁၂ နာရီခွဲမှာ Shar Htoo Waw နည်းပညာသုံး Fixed Wings ၅ စီးနဲ့ drop bomb ၉ လုံး ကြဲချတိုက်ခိုက်ခဲ့တာလို့ Peacock Drone Team တာ၀န်ခံရာစုက ပြောပါတယ်။
“ဘားတိုက်အဆောက်အဦ ၂ လုံးကို သွားထိပြီး စစ်ကောင်စီတပ်ဖွဲ့ဝင် ၂၀ လောက်ထိခိုက်တယ်လို့ သိရပါတယ်။ သေဆုံးမှုရှိမရှိကိုတော့ စုံစမ်းနေဆဲပါ။ လပခထဲက ကား ၂ စီးလည်း ထိသွားတယ်လို့ သိရတယ်၊ နောက်ထပ် အပျက်အစီးအထိအခိုက်က ဆက်စုံစမ်းနေဆဲပါ။”
“မိုင်း ၂ လုံးဆွဲခဲ့တယ်၊ ** ၅ ကောင်လောက် သေတယ်။ တော်တော်များများလည်း ဒဏ်ရာရသွားတာ။”
“အပြန်ကိုပစ်တာ အပြန်ကိုပစ်မှ အဆင်ပြေတာ။ အသွားကိုပစ်တယ်ဆိုရင် သူတို့ (စစ်ကောင်စီ)က အပြန်ကျတော့ ပြည်သူတွေကိုအရမ်းမဲတာ။ ထိခိုက်မှုကတော့ သေချာတော့မသိရသေးဘူး။ အနည်းနဲ့ အများတော့ရှိမှာပါ။”
မြင်းခြံခရိုင်တပ်ရင်း ၉ ရဲ့ စစ်ကြောင်း ၃ အခြေစိုက်တပ်စခန်းကို စစ်ကြောင်းထိုးလာတဲ့ စစ်အုပ်စုနဲ့ တိုက်ပွဲဖြစ်ခဲ့ပြီး စစ်သား ၁၈ဦး သေဆုံးခဲ့တယ်လို့ MBT အဖွဲ့ဆီက သိရပါတယ်။
"အခုတပ်စွဲလိုက်တဲ့ ရွာတွေက ကျောက်တံတား(မန္တလေး-မတ္တရာကားလမ်းပေါ်က အခုတိုက်ပွဲဖြစ်ပွားနေတဲ့ရွာ)နဲ့ အဖြောင့်တိုင်းလိုက်ရင် တတန်းထဲပဲ။ အဲ့ဘက်ကနေ ကာလိုက်ရင် တော်လှန်ရေးတပ်တွေ မန္တလေးအထိ တက်မလာနိုင်ဘူးလေ။ စစ်တပ်က မတ္တရာကို ပေးလိုက်ရရင်တောင် ကျွန်တော်တို့အဖွဲ့တွေ မန္တလေးအထိ တက်မလာနိုင်အောင် အနောက်ရော၊ အရှေ့ရော ဒီကောင်တွေကာလိုက်တဲ့သဘောပဲ။"
Sharing Information to the Local