၄၀ မမဗုံးသီး၊ အီနာဂါဗုံးသီးအပြင် လက်နက်ငယ်တွေနဲ့ ဘုန်းကြီးကျောင်းထဲမှာ တပ်စွဲထားတဲ့ စစ်ဆေးရေးဂိတ်က ဘန်ကာထဲကို ပစ်ခတ်ခဲ့ရာမှာ စစ်သား ၂ ဦးသေဆုံးသွားတယ်လို့ Burma Revolution Rangers ရဲဘော် ဒီမိုက ပြောပါတယ်။
စစ်ကိုင်းတိုင်း၊ မုံရွာခရိုင်၊ ဘုတလင်မြို့နယ်မှာ ပြည်သူ ၅၃ ဦးကို ဖမ်းလာတဲ့အင်အား၂၀၀ ပါ စစ်ကောင်စီတပ်ရဲ့ ခြေလျင်စစ်ကြောင်းကို ကြားဖြတ်တိုက်ခိုက်ခဲ့တယ်လို့ ဘသူကြွယ်စစ်ကြောင်းဆီက သိရပါတယ်။
"ပထမတော့ ခုခံသေးတယ်။ သူတို့ဘက်က အခြေအနေမကောင်းလို့ ဆုတ်ပြေးသွားတာပါ။ ၁ ဦးအလောင်းနဲ့ လက်နက်တွေလည်း ရလိုက်တယ်"
မန္တလေးတိုင်း၊ တောင်သာမြို့နယ်၊ ဇကျမ်းရဲစခန်းကို တိုက်ခိုက်ခဲ့တဲ့အပြင် ကား ၄ စီးနဲ့ စစ်ကူလာတဲ့ ပျူစောထီးခေါင်းဆောင် သီတာယုမွန်အဖွဲ့ကို မြင်းခြံလမ်းပေါ်မှာ ထပ်မံမိုင်းဆွဲတိုက်ခိုက်ခဲ့တယ်လို့ Freedom Revolution Force အဖွဲ့ဆီက သိရပါတယ်။
မန္တလေးတိုင်း၊ မြင်းခြံမြို့နယ်၊ ကွမ်းစိုက်ကျေးရွာအနီးမှာ စစ်ကောင်စီတပ်နဲ့ MBT တပ်ဖွဲ့တို့ နိုဝင်ဘာ ၁၁ ရက်ကနေ ၁၃ ရက်ထိ တိုက်ပွဲဖြစ်ခဲ့ပြီး စစ်ကောင်စီဘက်က သေဆုံးမှု များခဲ့တယ်လို့ သိရပါတယ်။
မကွေးတိုင်း၊ စလင်းမြို့နယ်၊ ဆင်ဖြူကျွန်းမြို့မှာ ကာကွယ်ရေးအဖွဲ့တွေနဲ့ စစ်ကောင်စီတပ်တွေအကြား တိုက်ပွဲဖြစ်ပွားနေပြီး လက်နက်ကြီးဗုံးသီးကျလို့ စက်သုံးဆီဆိုင်မီးလောင်နေတယ်လို့ မြို့ခံတွေထံက သိရပါတယ်။
စစ်ကိုင်းတိုင်း၊ ယင်းမာပင်ခရိုင်၊ ပုလဲမြို့နယ်အတွင်းတိုက်ပွဲဟာ နိုဝင်ဘာ ၁၄ ရက် ဒီမနက်ပိုင်းအထိ ပြင်းထန်နေဆဲဖြစ်ပြီး စစ်ကောင်စီဘက်ကလည်း အင်အားဖြည့်တင်းကာ လေကြောင်းတိုက်ခိုက်မှုတွေ လုပ်နေတယ်လို့ ဒေသခံတွေဆီက သိရပါတယ်။
"အခုထိ လေယာဥ် ၁၂ ခေါက်ရှိပြီ။ အလုံးပေါင်း ၁၀၀ကျော် ကြဲချထားတယ်။ ဒရုန်းတွေနဲ့ ကြဲတယ်။ မြင်းခြံမြို့ပေါ်ကနေ ဟောင်ဝစ်ဇာနဲ့ လှမ်းပစ်တယ်။ အခုထိကတော့ တိုက်ပွဲပြင်းထန်နေတုန်းပါ။"
ဗမာလွတ်မြောက်ရေး ဒီမိုကရက်တစ်တပ်ဦး BLDF ရဲဘော်တဦး ဘုတလင်မြို့နယ် ရှေ့တန်းတနေရာမှာ တိုက်ပွဲဒဏ်တွေကြောင့် နာမကျန်းဖြစ်ပြီး ဆုံးပါးသွားပါတယ်။
ဗမာလွတ်မြောက်ရေး ဒီမိုကရက်တစ်တပ်ဦး BLDF ရဲဘော် ၁ ဦး ဘုတလင်မြို့နယ် ရှေ့တန်းတနေရာမှာ တိုက်ပွဲဒဏ်တွေကြောင့် နာမကျန်းဖြစ်ပြီး ဆုံးပါးသွားပါတယ်။
နိုဝင်ဘာ ၁၁ ရက် မနက် ၅ နာရီကျော်ကစတင်ပြီး ၁၀ နာရီကျော်အထိ ပုလဲ ထွေအုပ်ရုံး၊ လျှပ်စစ်ရုံးနဲ့ ပုလဲမြို့ပေါ်ရပ်ကွက်တွေကို ပေါင် ၅၀၀ ဗုံး အလုံးရေ ၂၀ ကျော် ကြဲချခဲ့တာကြောင့် ပုလဲမြို့ လျှပ်စစ်မြို့နယ်မှူး ဦးကျော်ဆန်း သေဆုံးခဲ့ပြီး ထွေအုပ်ဝန်ထမ်း မမျိုးဦးနဲ့ သားဖြစ်သူတို့လည်း သေဆုံးခဲ့ရတယ်လို့ ကျားသစ်နက်တပ်မတော်ဆီက သိရပါတယ်။
စစ်ကိုင်းတိုင်း၊ ကန့်ဘလူမြို့နယ်ရှိ ကျေးရွာ ၃ ရွာက နေအိမ် ၁၀၀ ကျော်ကို နိုဝင်ဘာ ၉ ရက် ၁ ရက်အတွင်း စစ်ကောင်စီအဖွဲ့က မီးရှို့ဖျက်ဆီးခဲ့တယ်လို့ ကျွန်းလှ-ကန့်ဘလူ တက်ကြွလှုပ်ရှားသူများအဖွဲ့ (ကန့်ဘလူခရိုင်) အဖွဲ့က ထုတ်ပြန်ထားပါတယ်။
မကွေးတိုင်း၊ မင်းတုန်းမြို့နယ်၊ ခုန်တိုင်ကျင်းရွာကို ကာကွယ်ရေးအဖွဲ့တွေက နယ်မြေစည်းရုံးရေးနဲ့ လူထုတွေ့ဆုံရေးလုပ်ငန်းတွေ လုပ်ဆောင်ရန်သွားချိန် ယာယီတည်းခိုတဲ့နေအိမ်ကို စစ်ကောင်စီတပ်ဖွဲ့ဝင် အင်အား ၆၀ ဝန်းကျင်က နိုဝင်ဘာ ၇ ရက် ညနေ ၄ နာရီလောက်မှာ ဝင်ရောက်စီးနင်းခဲ့တဲ့အတွက် အပြန်အလှန်ပစ်ခတ်မှု ဖြစ်ပွားခဲ့တယ်လို့ မင်းတုန်းမြို့နယ်ပကဖဆီက သိရပါတယ်။
နိုဝင်ဘာ ၁၀ ရက် နေ့လယ် ၁၁ နာရီခန့်မှာ ရေစကြိုမြို့ အထွေထွေအုပ်ချုပ်ရေးမှူးရုံးကထွက်လာတဲ့ စစ်သားနဲ့ပျုစောထီး ၅၀ ဦးခန့်ကို ရေစကြို အမှတ် ၇ ရပ်ကွက်မှာ လက်နက်ငယ်တွေနဲ့ ၁၅ မိနစ်ခန့် ပစ်ခတ်တိုက်ခိုက်ခဲ့တာလို့ ဆိုပါတယ်။
“အနောက်တောင်ဘက်ကို ပစ်တာ၊ အဲ့လမ်းကြောင်းအောက်က ရပ်ကွက်တွေကိုကျတာ။ အလုံးတိုင်းရဲ့ အစတွေကျတယ်။ တပ်ဦးသီတာရပ်ကွက် အများဆုံးကျတ။ (ရပ်ကွက်ထဲက) အိမ်ဝန်းထဲ ၂ နေရာကျတာ၊ ခြံစည်းရိုးပေါ်ကျလို့ ကံကောင်း။ တလုံးက တော်တော်ကြီးတယ်၊ အတိအကျ ၅ ပေ ၉လက်မ ရှိတယ်။”
Sharing Information to the Local