မီးရှို့ခံခဲ့ရတဲ့ကျေးရွာတွေဟာ ဧရာဝတီမြစ်ကမ်းအနီးရှိ သူဌေးကျွန်း၊ ရွှေဘိုးကြီး၊ ထန်းခြောက်ပင်ကျေးရွာတွေဖြစ်ပြီး နိုဝင်ဘာ ၂၃ ရက် မနေ့မနက် ၁၀ နာရီလောက်မှာ အင်အားအလုံးအရင်းနဲ့ဝင်ရောက်ကာ နေအိမ်တွေကနေ ပစ္စည်းတွေသယ်ယူပြီးနောက် ကျေးရွာနေအိမ်တွေကိုမီးရှို့ခဲ့ပြီး မတ္တရာမြို့ထဲ ဝင်ရောက်သွားတယ်လို့ ဆိုပါတယ်။
နိုဝင်ဘာ ၂၁ ရက် နေ့လယ် ၂ နာရီမှာ ညောင်ဂျစ်ပင်ရပ်ကွက်က ကံဆယ်ဘုန်းကြီးကျောင်းနဲ့ မြို့မစျေးနားက ကံဦးဘုန်းကြီးကျောင်းတို့မှာ တပ်စွဲထားတဲ့ စစ်အုပ်စုကို တပြိုင်တည်းတိုက်ခိုက်ခဲ့ကြတာလို့ ဒေါင်းတမန် GZ ပြောက်ကျားတပ်ဖွဲ့ တာဝန်ခံ ကိုရွှေမန်းက ပြောပါတယ်။
“ကင်းစခန်းရှေ့မှာရှိနေတဲ့ ၇ ဦးကိုတော့ သုတ်သင်နိုင်ခဲ့တယ်။ ဘန်ကာထဲမှာ စစ်အုပ်စုဘက်က ရှိနေသေးတော့ စခန်းကိုတော့မသိမ်းနိုင်ခဲ့ဘူး၊ ညနေပိုင်းမှာတော့ အလောင်းတွေနဲ့ ဒဏ်ရာရသူတွေကို လူနာတင်ကားနဲ့ ဆွဲထုတ်(သယ်သွား)သွားတာကို သတင်းပြန်ရတယ်။”
"ကျနော်တို့ ထော်လာဂျီနဲ့ သွားပစ်တာ။ ရဲစခန်းအနီးက အရက်ဆိုင်ထဲ ဒီကောင်တွေ အရက်ဝင်သောက်နေတုန်း ဝင်ပစ်တာ။"
မကွေးတိုင်း၊ ပခုက္ကူခရိုင်၊ ဆိပ်ဖြူမြို့နယ်၊ ဆော-ဆိပ်ဖြူကားလမ်းပိုင်းက စစ်ကောင်စီစစ်ဆေးရေးဂိတ်ကို နိုဝင်ဘာ ၂၂ ရက်မှာ တိုက်ခိုက်ခဲ့တာကြောင့် စစ်ကောင်စီတပ်သား ၂ ဦးသေဆုံးခဲ့တယ်လို့ Yenather Column အဖွဲ့ဆီက သိရပါတယ်။
မန္တလေးတိုင်း၊ မြင်းခြံမြို့ တောင်ဘက် ၄ မိုင်ခန့်အကွာရှိ ကူရွာ၊ ကွမ်းစိုက်ရွာနဲ့ ခြေဆေးရွာအနီးမှာ စစ်သား၊ ရဲနဲ့ ပျူစောထီး အင်အား ၆၀၀ ဝန်းကျင်ပါ စစ်ကြောင်းနဲ့ ၄ရက်ဆက်တိုက် တိုက်ပွဲဖြစ်ပွားခဲ့တယ်လို့ Myingyan Black Tiger - MBT မြင်းခြံခရိုင်တပ်ရင်း - ၉ ဆီက သိရပါတယ်။
"တိုက်ပွဲအတွင်းမှာတော့ တပ်ကြပ်ကြီး ၁ ဦးအပါအဝင် ၉ ယောက်လောက်ကျသွားတာကို မြင်ခဲ့ရတယ်လို့ မြေပြင်က သတင်းပို့ပါတယ် "
ဆင်လူးရွာအတွင်းက ရွာခံပျူစောထီးအင်အား ၁၀၀ ခန့်နဲ့ ရွာမှာလာတပ်စွဲနေတဲ့ ပွင့်ဖြူဝါတပ်က စစ်သားအင်အား ၂၀ ခန့်ကို မြေပြင်ကတိုက်ခိုက်ခဲ့တဲ့အပြင် ဒရုန်းနဲ့ ဗုံးသီး ၃ လုံးကြဲချခဲ့ရာ စစ်သား ၁ ဦးသေပြီး ပျူစောထီး ၁ ဦး ဆေးရုံတင်ထားရတယ်လို့ မင်းဘူးခရိုင် အမှတ် ၄ တပ်ရင်း တာဝန်ခံက ပြောပါတယ်။
"ကျနော်တို့စခန်းတွေ ဝင်စီးခံရတာ။ ရှေ့တန်းစခန်းတွေပါ။ ကျနော်တို့က နေရာလေးတွေ ခွဲထားတာ။ လူတွေကတော့ အကုန်လွတ်တယ်။ ရွှေမြင်းတင်တောင်မြောက်ဘက် ပတ္တမြားဘက်ခြမ်းမှာတော့ Battle (တိုက်ပွဲ)ပစ်ခဲ့တာရှိသေးတယ်။ အဲ့မှာ ထိခိုက်တော့ မသိရဘူး။"
"အရင်တခါ တိုက်ပွဲဖြစ်ခဲ့တာနဲ့ ပတ်သက်ပြီး အဆက်စပ်ရှိတယ်။ သံသယနဲ့ ဆည်နားမှာ ဆယ်အိမ်မှူးလုပ်တဲ့ ကိုဝင်းပိုင်ကိုဖမ်းသွားတာ။ သူအပါအဝင် ၆ ဦးဖမ်းခံရတယ်လို့ သိထားရတယ်။ ကျန်သူတွေ ကတော့မီးသွေးဖုတ်သမားတွေလို့ သိရတယ်။ ဘယ်သူတွေဆိုတာတော့စုံစမ်းတုန်းဘဲ"
ပဲခူးတိုင်း၊ ဖြူးမြို့နယ်၊ ညောင်ပင်သာရွာကနေ အင်ပင်ရွာဘက်ကို ကင်းလှည့် ထွက်လာတဲ့ စစ်အုပ်စု ၃၀ ဦးခန့်ကို တော်လှန်ရေးပူးပေါင်းအဖွဲ့က ကြားဖြတ်တိုက်ခိုက်လို့ စစ်ကောင်စီတပ်သား ၂ ဦးသေဆုံးခဲ့တယ်လို့ သာယာဝတီခရိုင် ပကဖဆီက သိရပါတယ်။
တိုက်ပွဲတွေပြင်းထန်နေတဲ့ သပိတ်ကျင်းမြို့နယ်မှာ စစ်တပ်က နေ့စဥ်လေကြောင်းက တိုက်ခိုက်နေပြီး ကလေးငယ်တွေအပါ ပြည်သူ ၆ ဦးသေဆုံးထားပါတယ်။
မန္တလေးတိုင်း၊ မြင်းခြံခရိုင်၊ တောင်သာမြို့နယ်၊ ပျူစောထီးစခန်းအထိုင်ချထားတဲ့ တလိုင်းရပ်(ရွာသစ်)ကနေ ကင်းပတ်ထွက်လာတဲ့ ပျူစောထီးတပ်ဖွဲ့ဝင်တွေကို တိုက်ခိုက်ခဲ့ရာ ၂ ဦး သေဆုံးခဲ့တယ်လို့ ပြည်သူ့လွတ်မြောက်ရေးတပ်မတော်၊ အမှတ် ၈၁၅ တပ်ဖွဲ့ PLA -အနောက်မြောက်စစ်ဒေသအဖွဲ့ဆီက သိရပါတယ်။
"စစ်တပ်အင်အားက သံချပ်ကာမပါရုံပဲဗျာ။ ကျန်တာ အကုန်ပါတယ်။"
မတ္တရာမြို့နယ်အနောက်ခြမ်း၊ ဧရာဝတီမြစ်ကမ်းအနီးကျေးရွာတွေမှာ တိုက်ပွဲတွေဖြစ်နေပြီး စစ်တပ်အထိနာကာ လေကြောင်းကတိုက်ခိုက်တာ၊ လက်နက်ကြီးပစ်တာတွေ ဆက်တိုက်လုပ်နေတယ်လို့ ဒေသခံတွေဆီက သိရပါတယ်။
Sharing Information to the Local