သင်တန်းသားတွေထဲမှာ စစ်ကောင်စီက စစ်မှုထမ်းဥပဒေ ကြေညာပြီးနောက်ပိုင်း စစ်မှုမထမ်းချင်လို့ နေရပ်အသီးသီးကို ပြန်လာကြတဲ့ လူငယ်တွေလည်း ပါဝင်တယ်လို့ ပြည်သူ့တော်လှန်ရေးတပ်ဦး - PRF ပြောရေးဆိုခွင့်ရှိသူ ရဲဘော် လွန်းညီ က ပြောပါတယ်။
စစ်ကိုင်းတိုင်းမှာ နေအိမ် ၆၆၉ လုံးနဲ့ နိုင်ငံတဝှမ်း မီးရှို့ခံရမှုအများဆုံးဖြစ်ပြီး မန္တလေးတိုင်းမှာ နေအိမ် ၂၆၂ လုံးနဲ့ ဒုတိယဖြစ်ကာ မကွေးတိုင်းကတော့ နေအိမ် ၁၁၇ လုံး မီးရှို့ခံရမှု တတိယအများဆုံး ဖြစ်ပါတယ်။
မိုင်းထိတာကြောင့် စစ်ကောင်စီတပ်ဖွဲ့ဝင် ၁ ဦး သေဆုံးခဲ့တာကို မျက်မြင်တွေ့ခဲ့ရပြီး ကျန်ထိခိုက်မှုတွေကိုတော့ ဆက်လက်စုံစမ်းနေဆဲဖြစ်ကာ နယ်မြေရှင်းလင်းချိန်မှာ G3 သေနတ် ၁ လက်နဲ့ ၇.၆၂ မမ ကျည် ၁၂ တောင့် သိမ်းဆည်းရမိခဲ့တယ်လို့ Myingyan Black Tiger MBT အဖွဲ့တာဝန်ခံ ဗိုလ်မိုက်ခဲက ပြောပါတယ်။
“ဆရာတော်ကြီးက လွန်ခဲ့တဲ့ တနှစ်လောက်ကတည်းက လမ်းမလျှောက်နိုင်တာ၊ ဆွမ်းဘုန်းတော့ ပေးနိုင်တယ်။ ပျံတော်မမူခင်တလလောက်ကစပြီး အစာလည်းမဝင် ရေလည်းမဝင်တော့တာ အဖတ်တွေဆို ထွေးထုတ်ပစ်တယ်။ Ensureတွေ အားဆေးတွေ အကြောဆေးတွေနဲ့ထားရတာ “ လို့ ဆရာတော်ကြီးရဲ့ တပည့်ရဟန်းတပါးက မိန့်ပါတယ်။
အိမ်ထောင်စုတစုကို ငွေကျပ် ၅ သောင်းစီနဲ့ စက်တင်ဘာလ ၇ ရက်မှာ ပခုက္ကူမြို့နယ် ပြည်သူ့ အုပ်ချုပ်ရေးအဖွဲ့ရဲ့ လူသားစာနာတာဝန်ခံက သွားရောက်ထောက်ပံ့ခဲ့တာလို့ ပခုက္ကူမြို့နယ် ပြည်သူအုပ်ချုပ်ရေးအဖွဲ့မှရုံးအဖွဲ့မှူး မစုက ပြောပါတယ်။
" ကားက စုပြီးငှားလာတဲ့ ခရီးသွားကား၊ လူ ၁၄ ယောက်လောက် ပါတယ်။ သိရသလောက်က သူက ကားအနောက်ပိုင်းမှာ မီးခိုတွေအူထွက်လာပြီ ဆိုပြီးတော့ ရုတ်တရက်ထအော်ပြီး ခုန်ချသွားတာ။ ကားပေါ်က သူတွေပြောပြချက်အရတော့ သူကကားရဲ့အနောက်နားနည်းနည်းကျလောက်မှာ ထိုင်တာပြောတယ်"
“ထိခိုက်တဲ့ အိမ်တွေမှာ အိမ်ရှင်တွေရှိနေကြပါတယ်။ ကံကောင်းလို့ မဖြစ်ကြပါဘူး။ ပြည်သူတွေကတော့ အတော်လေးတော့ ထိတ်လန့်သွားပါတယ်။ လေယာဉ်ဟာမြန်လွန်းတဲ့အတွက် တိုက်ခိုက်ပြီးမှသာ လေယာဉ်သံကို ကြားရတယ်။ တိုက်ပွဲမရှိဘဲ အကြောင်းမဲ့လာပစ်တာ။“
"သူတို့လာတာကို သတင်းအတိအကျရပြီး လက်နက်ကိုင်အဖွဲ့တွေက လမ်းကနေ စောင့်ပစ်တာလို့ သိရတယ်။ ကိုရာဇာကတော့ နေရာမှာပဲ သေတယ်။ နောက်တယောက်ကတော့ ဒဏ်ရာနဲ့ လွတ်လာတယ်"
“စစ်ကောင်စီက ပွဲတော်ကလည်း လုပ်ပြချင်တယ်။ လုံခြုံရေးက သူတို့တောင်မလုံခြုံတော့ ပြည်သူကို ဘယ်လိုကာကွယ်ပေးမလဲ။ လူငယ်တွေပွဲတော်လာရင်း အခန့်မသင့်ရင် စစ်မှုထမ်းအဖမ်းခံရမယ့် အန္တရာယ်ကလည်းရှိတယ်“
တပ်ရင်း ၁ ရင်းကို လက်နက် ၁၃ လက်စီရရှိကာ တပ်ရင်း ၄ ရင်းစာအတွက် ၅၂ လက်ရရှိခဲ့ပြီး ယင်းမာပင်ခရိုင် တပ်ရင်း ၃၉ ကတော့ အခုလ စက်တင်ဘာ ၇ ရက်မှ ဝင်ရောက်လာတဲ့အတွက် လက်နက်တပ်ဆင်ပေးဖို့ကျန်နေသေးတယ်လို့ ပြောပါတယ်။
"ဒလန်သတင်းပေးကြောင့် လမ်းကြောင်းမှာ ပိတ်ပြီးစစ်ခံရလို့ လက်နက်တွေပါသွားတာ။ လူတွေကတော့ အလွတ်ရုန်းပြေးလာနိုင်လို့ မပါသွားဘူး။ ဒလန်သာ သတင်းမပေးရင် ခုလိုအတိအကျ ပိတ်ဖမ်းဖို့ဆိုတာ မဖြစ်နိုင်ဘူး။"
ပဲခူးတိုင်း၊ သာယာဝတီခရိုင်၊ ကြို့ပင်ကောက်မြို့နယ်၊ ကွင်းချောင်းရွာမှာ အထိုင်ချတပ်စွဲနေတဲ့ စစ်အုပ်စုစခန်းကို တိုက်ခိုက်ချိန် ကျည်မလုံလောက်လို့ နောက်ပြန်ဆုတ်ခဲ့ရတယ်လို့ သာယာဝတီခရိုင်တပ်ရင်း ၃၈၀၁၊ တပ်ခွဲ ၁၊ YOMA (GBK) PDF တပ်ခွဲမှူး ရဲဘော်ကရင်လေး က ပြောပါတယ်။
“ရည်ရွယ်ချက်ကတော့ ရှင်းတယ်လေ။ ရန်သူရှိတဲ့နေရာကို ကျနော်တို့ တရက်မဟုတ် တရက်တော့ ဝင်တိုက် မှာပဲလေ။ ဒီနေ့တိုက်ဖြစ်မလား မနက်ဖြန်တိုက်ဖြစ်မလားဆိုတာကတော့ ကျနော်တို့ရဲ့ စစ်ရေး ရည်မှန်းချက်တွေအပေါ်မှာပဲ မူတည်တယ်။”
“သတင်းကြိုရလို့ ကျနော်တို့တပ်ဖွဲ့က စောင့်ဖမ်းတာ။ ရှမ်းပြည် ခိုလန်မှာတာဝန်ကျနေတာ။ ခုလောလောဆယ် နေပြည်တော်ကနေ ခွင့်နဲ့မိသားစုလာခေါ်တာ။”
မကွေးတိုင်း၊ ပခုက္ကူမြို့နယ်၊ သာကြီးတောင်ရဲကင်းစခန်းသိမ်း တိုက်ပွဲကနေပြန်လာတဲ့ Freedom Revolution Force တပ်ဖွဲ့ဝင်တွေကို စစ်ကိုင်းတိုင်းထဲက ရွာတရွာကပြည်သူတွေက စက်တင်ဘာ ၆ ရက်နေ့ ညနေပိုင်းကကြိုဆိုခဲ့ကြပါတယ်။
Sharing Information to the Local