အလင်းဝင်လာသူတွေဟာ ပျူစောထီးအဖွဲ့ဝင် ညီညီထွန်းနဲ့ ဝေယံမင်းခန့်တို့ဖြစ်ပြီး မြိုင်မြို့မရဲစခန်းမှာ သူတို့နဲ့အတူနေထိုင်နေတဲ့ ရဲတပ်သား ယောကြီးဆိုသူကို ရဲစခန်းကနေခေါ်လာခဲ့ရာက မြိုင်မြို့နယ် တရားရုံးရှေ့မှာ ပစ်သတ်ပြီး ထွက်ပြေးခဲ့ကြတာလို့ ဆိုပါတယ်။
မကွေးတိုင်း၊ ပခုက္ကူခရိုင်အခြေစိုက် ပြည်သူ့ဒီမိုကရက်တစ်တပ်တော်ရဲ့ အပတ်စဉ် ၈ အခြေခံ စစ်ပညာသင်တန်းဆင်းပွဲကို ပြည်သူ့ဒီမိုကရက်တစ်တပ်တော် အမှတ် ၁ စစ်ဒေသ၊ ယာယီဌာနချုပ်မှာ စက်တင်ဘာ ၂၄ ရက် ဒီမနက် ၇ နာရီကနေ ၉နာရီအထိပြုလုပ်ခဲ့တယ်လို့ အဲ့ဒီအဖွဲ့ဆီက သိရပါတယ်။
စက်တင်ဘာလ ၂၃ရက် နေ့လယ် ၁၁ နာရီခန့်မှာ စစ်ကောင်စီတိုက်လေယာဉ် ၁ စီးက ပေါင်၂၅၀ ဗုံးသီးတွေ ကျဲချခဲ့သလို စက်လက်တွေနဲ့လည်း ပစ်ခတ်သွားခဲ့တာကြောင့် လူနေအိမ်တလုံး ထိမှန်ပြီး ပြည်သူနှစ်ဦးလည်း ဒဏ်ရာရကာ မစိုးရိမ်ရဘူးလို့ ဒေသခံတဦးက ပြောပါတယ်။
ဘင်္ဂလားပင်လယ်အော် အလယ်ပိုင်းမှာဖြစ်ပေါ်နေတဲ့ လေဖိအားနည်းဆဲလ်ကြောင့် မြန်မာနိုင်ငံထဲက စစ်ကိုင်း၊ မကွေးနဲ့ ပဲခူးတိုင်းအပါအဝင် တိုင်းနဲ့ပြည်နယ် တချို့မှာ လေပြင်းတိုက်ခတ်ပြီး မိုးကြီးနိုင်တယ်လို့ မိုးလေဝသနဲ့ ဇလဗေဒညွှန်ကြားမှုဦးစီးဌာနက သတိပေးထုတ်ပြန်ထားပါတယ်။
Red Phoenix Forceအနေနဲ့ တိုက်ပွဲတွေမှာ မလိုက်နိုင်တဲ့အခါမှာ မဟာမိတ်တပ်ဖွဲ့တွေကို မိုင်းနဲ့လက်နက်ကြီးထောက်ပံ့ကူညီပေးတာမျိုးရှိတယ်လို့ ထုတ်လုပ်ရေးတာဝန်ခံ ရဲဘော်သခင်ညိုကပြောပါတယ်။
"ကားကတောင်တက်ရင်းနောက်ကိုပြန်လိမ့်တာ။ မထိန်းနိုင်တော့ဘေးကိုမှောက်သွားတာ။ မိုးကလည်း ရွာနေတယ်။ တောင် စအတက်ကိုမှ ဘီးချော်ပြီးမှောက်တဲ့ပုံစံပါ။ တောင်အမြင့်က ပေ ၁၀၀၀ ကျော်လောက်ရှိမယ်" လို့ ဒေသခံတဦးက မြေလတ်အသံကို ပြောပါတယ်။
ကားပေါ်ပါလာသူတွေထဲက ၂ ဦးသေဆုံးတာကိုတော့ မြေပြင်တိုက်ခိုက်ရေးရဲဘော်တွေကအတည်ပြုနိုင်ခဲ့ကာ အဲ့ဒီထဲမှာ စစ်ကြောရေးမှူးအရာရှိပါတာနဲ့ သူဟာ မန္တလေးကနေ မြို့သာကိုပြောင်းရွေ့ လာတာ လပိုင်းပဲရှိသေးတယ်ဆိုတာကိုတော့ ပစ်ခတ်မှုဖြစ်ပြီးနောက်ပိုင်းမှ မြေပြင်ကင်းထောက်တွေ ဆီက သိရှိအတည်ပြုခဲ့တာလို့ ဆိုပါတယ်။
ဘုတလင်ရဲစခန်းကနေ အင်အား ၄၀ ဝန်းကျင်နဲ့ထွက်လာတဲ့ စစ်ကောင်စီတပ်သားတွေဟာ ကျွဲသေချောင်းရွာက ဒေသခံအမျိုးသား ၁ ဦးကိုသတ်ပြီး ရွာဘုန်းကြီးကျောင်းအရှေ့က အလှူခံပုံးထဲက ငွေကျပ် ၇ သိန်းကျော်ကိုလည်း ယူသွားတယ်လို့ ဘုတလင်နယ်ခံတဦးက ပြောပါတယ်။
ဗုံးကြဲခံရတဲ့ ရွာတွေက ဒေသခံပြည်သူအများစုက ဗုံးကြဲတဲ့အချိန်မှာပဲ ထွက်ပြေးတိမ်းရှောင်ကြပြီး ကျန်နေခဲ့တဲ့ဒေသခံတွေကလည်း စက်တင်ဘာ ၂၃ ရက် နံနက်ပိုင်းမှာတော့ အားလုံးစစ်ရှောင်လာကြတယ်လို့ ထန်းငယ်တောရွာခံ စစ်ရှောင်ပြည်သူတဦးက ပြောပါတယ်။
မန္တလေးတိုင်း၊ ငါန်းဇွန်မြို့နယ်၊ မင်းနေကုန်းရဲစခန်းနားမှာ စစ်ကောင်စီရဲတပ်သားတွေလိုက်ပါလာတဲ့ ကားကို ဒေသခံကာကွယ်ရေးတပ်တွေက ပစ်ခတ်တိုက်ခိုက်ခဲ့ရာ စစ်ကြောရေးမှူးအရာရှိနဲ့ တပ်သားတဦး သေဆုံးခဲ့တယ်လို့ Hero Defence Force (မြင်းခြံ)အဖွဲ့ ကတဆင့် သိရပါတယ်။
" ဒီအဆောက်အဦက အရင်ဦးကျားကြီး(မန္တလေးဦးကျားကြီး)တို့ခေတ်ထဲက အဆောက်အဦလို့ပြောတယ်။ အရင်ဆယ်စုနှစ်ကျော်က မန္တလေးမီးအကြီးအကျယ်လောင်ခဲ့တုန်းကလည်း မီးလောင်ထားတဲ့ အဆောက်အဦတဲ့။ အဲဒီအဆောက်အဦပြိုကျတာ"လို့ ရပ်ကွက်နေပြည်သူတဦးက မြေလတ်အသံကို ပြောပါတယ်။
လက်ရှိအထိ နှစ်ဖက်တပ်တွေအကြား အပြန်အလှန်ပစ်ခတ်နေဆဲဖြစ်ပြီး ပစ်ခတ်မှုတွေအတွင်း ဆင်ဖြူကျွန်းမြို့ အုတ်ဖိုရပ်ကွက်ကို လက်နက်ကြီးကျရောက်ပေါက်ကွဲမှုတွေရှိနေလို့ ရပ်ကွက်နေပြည်သူတွေလည်း တိမ်းရှောင်နေရတယ်လို့ သိရပါတယ်။
"စစ်တပ်ဘက်က ထောင်ထားတဲ့မိုင်းကွင်းရှိတယ်။ မသွားဖို့လည်း တားထားတာရှိတယ်။ ဒါကို သွားရင်းထိတာ။ သူတို့က အဲ့လိုပဲတောထဲသွားနေကြ။ ထင်းခုတ်၊ နွားကျောင်းရင်း အခုကထိတာ"လို့ ဒေသခံအမျိုးသမီးတဦးက ပြောပါတယ်။
ရေစီးနဲ့မျောလာတဲ့ ကျွဲ၊ နွား အစရှိတဲ့ တိရိစ္ဆာန်တွေကို ဆယ်ယူထားသူတွေက မူလပိုင်ရှင်တွေကို အလကားပြန်ပေးတာမရှိသလောက်နည်းပါးပြီး အနည်းဆုံး ကျပ် ၅ သောင်းကနေ အများဆုံး ၆ သိန်းအထိပေးပြီး ပြန်ရွေးကြရတယ်လို့ ဆိုပါတယ်။
စက်တင်ဘာ တတိယပတ်အတွင်း အောင်မြေသာစံမြို့နယ်မှာ အသက်၂၀ ဝန်းကျင်အမျိုးသား ၁ ဦး၊ စက်တင်ဘာ၂၁ ရက် ညနေပိုင်းမှာ ဧည့်စာရင်းဝင်စစ်ရင်း ဖုန်းစစ်ပြီး အမျိုးသား ၂ ဦး၊စက်တင်ဘာ ၂၂ မှာ ၆၃ လမ်းပေါ်မှာသွားလာနေသူ အမျိုးသား ၂ ဦး၊ ကျုံးမြောက်ဘက်မှာ ဖုန်းစစ်ကာ ပစ္စည်းပို့သူအမျိုးသား ၁ ဦးနဲ့ ကျုံးတောင်ဘက်မှာ ပုဂ္ဂလိကဝန်ထမ်းအမျိုးသမီး ၁ ဦးတို့ ဖမ်းဆီးခံထားရတာလို့ သိရပါတယ်။
Sharing Information to the Local