မကွေးတိုင်း၊ ပခုက္ကူမြို့နယ်၊ သာကြီးတောင်ရဲကင်းစခန်းသိမ်း တိုက်ပွဲကနေပြန်လာတဲ့ Freedom Revolution Force တပ်ဖွဲ့ဝင်တွေကို စစ်ကိုင်းတိုင်းထဲက ရွာတရွာကပြည်သူတွေက စက်တင်ဘာ ၆ ရက်နေ့ ညနေပိုင်းကကြိုဆိုခဲ့ကြပါတယ်။
စစ်ကိုင်းတိုင်း၊ မြောင်မြို့နယ်၊ ကျောက်ရစ်ရဲစခန်း ၄ ရက်တာတိုက်ပွဲမှာ စစ်ကောင်စီဘက်က ၅ ဦးသေဆုံးသလို PDF ၁ ဦးလည်း သေဆုံးခဲ့တယ်လို့ Royal Brother Defence Force - RBDF အဖွဲ့ဆီက သိရပါတယ်။
“ရဲဘော်တယောက် ကျသွားလို့ ရက်လည်က မပြီးသေးဘူး နောက်တယောက်က ထပ်ကျသွားပြန်ပြီ။ အဲ့လောက်ထိကို ဖြစ်တယ်ဗျ။ ရင်း ၇ တခုထဲတင် ၆ ယောက် ကျတယ်။”
ဖမ်းဆီးခံရသူတွေက သူတို့ဟာ စစ်မှုထမ်းဟောင်းလို့ထွက်ဆိုပေမယ့် ဒေသခံကာကွယ်ရေး ရဲဘော်တွေဘက်ကတော့ ရဲတပ်သားနဲ့ ပျူစောထီးဖြစ်နိုင်တယ်လို့ ယူဆထားပြီး ဘာဆက်လုပ်မယ်ဆိုတာကိုတော့ ဆက်လက်စစ်ဆေးမေးမြန်းပြီးမှ ဆုံးဖြတ်ရမှာဖြစ်တယ်လို့ Myingyan Ranger မြင်းခြံခရိုင်အမှတ် ၂ တပ်ရင်း၊ တပ်ခွဲ ၃ အဖွဲ့ရဲ့ တပ်ရေးဗိုလ် က ပြောပါတယ်။
BLDF ရဲဘော်တွေဟာ မုံရွာခရိုင်အတွင်းမှာ စစ်ဆင်ရေး ၅ ရက်ကြာအောင်ပြုလုပ်ပြီး ပြန်လာချိန်မှာ လမ်းတဝက်မှာရှိတဲ့ပြည်သူတွေက အခုလို ပန်းတွေနဲ့ကြိုဆိုဂုဏ်ပြုခဲ့ကြတာလို့ BLDF စစ်ဒေသ၂၊ ဒုစစ်ရေးတာ၀န်ခံ ရဲဘော် နာရွဲ့ဆွမ် က ပြောပါတယ်။
“ သူက ပခုက္ကူမြိုခံပဲ။ ကျနော်တို့နဲ့က နဂိုကလည်း အသိမိတ်ဆွေတွေပါ။ သင်တန်းဆင်းတာလည်း မကြာသေးဘူး၊ ကိုယ်ပိုင်နံပါတ်တောင်မကျသေးဘူး။ ဂိတ်မှာကင်းကျနေတုန်း သူများ(စစ်ကောင်စီတပ်သား)သေနတ်ယူပြီး ပြေးလာတာ။ တပ်မ ၁၀၁ နဲ့ မလှမ်းမကမ်းအထိ သွားခေါ်ရတာ။"
စစ်ကိုင်းတိုင်းအထက်ပိုင်းက ပင်လယ်ဘူး၊ အင်းတော်၊ ထီးချိုင့် စတဲ့မြို့နယ်တွေမှာ ဩဂုတ်လကစပြီး မြို့သိမ်းတိုက်ပွဲတွေ တပြိုင်တည်းဖြစ်နေကာ စက်တင်ဘာ ၈ ရက် ဒီကနေ့ထိ တိုက်ပွဲတွေရှိနေပြီး စစ်ကောင်စီစခန်းအများစုကိုသိမ်းထားနိုင်သလို အလင်းဝင်လာသူတွေလည်း ရှိနေတယ်လို့ မြေပြင်စစ်ရေးသတင်းရင်းမြစ်တွေဆီက သိရပါတယ်။
8+အညာမြေစစ်ဆင်ရေး မဟာမိတ်အင်အားစုတွေဘက်က စစ်အုပ်စုဂိတ် ဘန်ကာအနီးအထိ ဝင်ရောက်နိုင်ခဲ့ပြီး အပြန်အလှန်ပစ်ခတ်မှု တနာရီကျော်ကြာမြင့်ခဲ့တယ်လို့ ပြောပါတယ်။ ဒါအပြင့် စစ်ကောင်စီ ဌာနဆိုင်ရာရုံး ၃ ခုကိုလည်း မီးရှို့ခဲ့ပြီး စစ်အုပ်စုဘက်က သေဆုံးထိခိုက်စာရင်းကိုတော့ မသိရသေးဘဲ စုံစမ်းနေဆဲဖြစ်တယ်လို့ တာဝန်ခံ ရဲဘော်ရှိုင်းက ပြောပါတယ်။
"စကစရိက္ခာကားကို ဖမ်းလိုက်တယ်။ တပ်သား ၂ ဦးကို မိတယ်။ စစ်ဆေးမှုတွေလုပ်ပြီးတော့ ကားက မောင်းမရတော့လို့ ကားကိုထားခဲ့ရတယ်။ အဲ့ဒီအချိန်မှာ အုတ်ဖြတ်ဂိတ်က စကစအဖွဲ့က တော်လှန်ရေးအဖွဲ့တွေရှိတဲ့ဘက်ကို လက်နက်ကြီးနဲ့လှမ်းထုတာ ရွာသားတွေကိုထိတာ။"
စစ်ကိုင်းတိုင်း၊ ယင်းမာပင်ခရိုင်အတွင်းမှာ စစ်ဆင်ရေးကာလ တလကျော်ကြာအပြီး တပ်အချိန်းအပြောင်းလုပ်တဲ့ ရဲဘော်တွေကို လမ်းတလျှောက်မှာရှိတဲ့ ကျေးရွာတွေက ကြိုဆိုခဲ့ကြတယ်လို့ ယင်းမာပင်ခရိုင် တပ်ရင်း ၂၈၊ ဓားမဆိုင်းတပ်မတော်ဆီက သိရပါတယ်။
ပဲခူးတိုင်းအရှေ့ခြမ်း၊ ညောင်လေးပင်မြို့နယ်၊ ကုန်းအင်းအုပ်စုမှာ ပြည်သူ့လုံခြုံရေးနဲ့ အကြမ်းဖက် နှိမ်နင်းရေးအဖွဲ့ ဖွဲ့ဖို့ဆိုကာ စစ်ကောင်စီခန့်အုပ်ချုပ်ရေးမှူးအဖွဲ့တွေက မဲနှိုက်ကာ လူစုဆောင်းနေတယ်လို့ ဒေသခံတဦးဆီက သိရပါတယ်။
ကျဆုံးသွားတဲ့ ရဲဘော် နန်းကိုရဲ့ ဈာပနာကို သူ့ရဲ့မွေးရပ်ဇာတိ၊ ရွှေဘိုနယ်ကကျေးရွာမှာ အခမ်းအနားနဲ့သင်္ဂြိုဟ်ခဲ့ကာ တပ်ဖွဲ့က အမိန့်ပြန်တမ်းထုတ်ပြန်တာတွေ ပြုလုပ်ခဲ့တယ်လို့ ရွှေဘိုခရိုင် PDF အမှတ် ၂၆ တပ်ရင်း ပြန်ကြားရေးတာဝန်ခံက မြေလတ်အသံကို ပြောပါတယ်။
" အရှိန်များပြီး မထိန်းနိုင်ဘဲ သံဘောင်ကိုတိုက်မိပြီးမှ မှောက်သွားတာ။ ကားပေါ်မှာက ယာဥ်မောင်းအပါအဝင် ၆ ဦးပဲ ပါလာတာ။ အဲ့ထဲက ၃ ဦးဒဏ်ရာရသွားတယ်။"
“ဗုံးသီး ၃ လုံးချသွားတယ်၊ ပထမ တလုံးက စာသင်ကျောင်းဆောင်ရဲ့ အစပ်နားကိုကျတယ်။ နောက်တလုံးက စာသင်ကျောင်းရဲ့အရှေ့ဘက်မှာရှိတဲ့ အိမ်နားကိုကျတယ်။ နောက်ဆုံးတလုံးက ရွာအပြင်ဘက်ကိုကျတယ်။ ရွာမှာ ဘာမှလည်းမရှိဘူး တိုက်ပွဲလည်းမရှိဘူး။ အဖွဲ့အစည်းနဲ့ ပတ်သက်တဲ့ အစည်းအဝေးလည်းမရှိဘူး။ လုံးဝအလွတ်ကြီးကို လာလုပ်သွားတာ။ ဆုံးသွားတဲ့သူ ၆ ဦးထဲမှာ ၄ ဦးကတော့ မိသားစုဝင်တွေပါ။”
နှမ်းစိုက်ခင်းတွေက တပ်ဖွဲ့စခန်းနဲ့ဝေးတာ၊ ကိုယ်ပိုင် ကျွဲ နွား မရှိတာအပြင် ပုံမှန်လိုမျိုး ယာတောမှာစိုက်ရတာမဟုတ်ဘဲ အင်တိုင်းတောမြေမှာစိုက်ရတာဖြစ်ပြီး ပြုစုစောင့်ရှောက်တာတွေမလုပ်နိုင်တဲ့အတွက် အခုနှစ်မှာ အထွက်နှုန်းကျတယ်လို့ YPDF ဥက္ကဌက ပြောပါတယ်။
Sharing Information to the Local