အဆိုပါ ကျပ်ထိုးရဲစခန်းမှာ အင်အား ၃၀ ဝန်းကျင်နဲ့ တပ်စွဲနေပြီး ကာကွယ်ရေးတပ်ဖွဲ့ တွေက ဩဂုတ် ၁၅ ရက်ဝန်းကျင်ကနေစပြီး စခန်းသိမ်းဖို့ ဒရုန်းနဲ့ ဗုံးတွေချပြီးနောက် ဩဂုတ် ၂၀ ရက်မှာတော့ လက်နက်ချ ပြည်သူ့ရင်ခွင်ခိုလှုံဖို့ ရေးထားတဲ့စာတွေကို ထပ်မံအသိပေးကြဲချခဲ့တာလို့ ယင်းမာပင်ခရိုင် တပ်ရင်း အမှတ် ၂၀၊ ရိုးမရာဇာ နယ်စည်းမခြား ဗိုလ် လဂွန်းအိန် က ပြောပါတယ်။
“လက်ရှိတော့ သူတို့နေခဲ့တဲ့ အဆောက်အဦတွေ၊ ဘန်ကာတွေ၊ အကာအကွယ်ယူထားတဲ့ နေရာတွေကိုတော့ ကျနော်တို့ မီးရှို့ဖျက်ဆီးပြီး ရှင်းလင်းထားပါတယ်။ သိမ်းဆည်းရမိတာကတော့ ဆိုင်ကယ်တွေ ဆန်အိတ်တွေရှိပြီး အသေးစိတ်ကိုတော့ အတည်ပြုလို့မရသေးပါဘူး။”
စစ်ကိုင်းတိုင်း၊ ရွှေဘိုခရိုင် တပ်ရင်း ၁၈ က ရဲဘော်တွေဟာ ရိက္ခာဖူလုံဖို့အတွက် သြဂုတ် ၁၉ ရက်ကစပြီး မိုးစပါးစိုက်ပျိုးနေကြတယ်လို့ အဲ့ဒီတပ်ရင်းဆီက သိရပါတယ်။
အစာခြေစနစ်ကောင်းမွန်စေဖို့ ကွမ်းရွက်ကိုဘယ်လိုအသုံးပြုရမလဲ။ ရင်ဘတ်အောင့်၊ ရင်ဘတ်နာရောဂါတွေအတွက် ကွမ်းရွက်ဟာ ဘယ်လိုအသုံးဝင်သလဲ။ ကွမ်းရွက်ဟာ သွားနဲ့ခံတွင်းကို ဘယ်လိုအထောက်အကူပြုပါသလဲ။ ကွမ်းရွက်အမှုန့်ဟာ ဘယ်လိုရောဂါတွေကို သက်သာစေသလဲ။ စတာတွေကို နားဆင်ရမှာပါ။
မကွေးတိုင်း၊ ပခုက္ကူ - ကမ္မ လမ်းပေါ်ရှိ ညောင်ဂျစ်ပင်စစ်ဆေးဂိတ်နဲ့ အဲဒီရွာက ပြည်သူ့စစ်ခေါင်းဆောင်နေအိမ်တို့ကို တော်လှန်ရေးအင်အားစုတွေက ပြီးခဲ့တဲ့ ဩဂုတ် ၁၈ ရက်မှာ တိုက်ခိုက်ခဲ့ကြတယ်လို့ သိရပါတယ်။
မီးရှို့ခံရလို့ ပျံချီတက်ရွာက ဒေသခံနေအိမ် ၂၁ လုံး၊ ကား ၁ စီး၊ ဆိုင်ကယ် ၁ စီး၊ ဝက် ၈ ကောင်နဲ့ လယ်ယာလုပ်ငန်းသုံးလှည်းတွေကိုလည်း ဖျက်ဆီးခဲ့တဲ့အပြင် ကျေးရွာသုံး ဆိုလာပြားတွေကိုလည်း ဖျက်ဆီးမှုတွေ ပြုလုပ်ခဲ့တယ်လို့ ဆိုပါတယ်။
စစ်ကိုင်းတိုင်း၊ ဒီပဲယင်းမြိုနယ်က စစ်ဘေးရှောင် ၂၀,၀၀၀ ကျော် စားနပ်ရိက္ခာအရေးပေါ် လိုအပ်နေတယ်လို့ စစ်ဘေးရှောင်အရေးကူညီပေးနေသူတွေက ပြောပါတယ်။
“စခန်းမှူးကတော့ ထွက်ပြေးသွားတယ်။ တချို့က ဆုတ်ပြေးကြတယ်၊ တချို့ကလည်း ခံပစ်တယ်၊ အသေတော့ မရဘူး။ အကုန်လုံး အရှင်မိတယ်။ အရေးနိမ့်မှန်းသိတော့ လက်နက်ချ အလံဖြူထောင်တယ်။ မထွက်ရင် ပစ်သတ်မယ်ဆိုမှ ထွက်လာတဲ့ဟာတွေလည်း ပါတယ်။”
ရိုးမပေါ်က ဖုန်းဆိုးမြေ ၅ ဧကခန့်ကို ရှင်းလင်းပြီး ဇွန်လအစောပိုင်းကစတင်ကာ ဗုံလုံသီး၊ ကန်ဇွန်း၊ မြေပဲ၊ တိုင်ထောင်ပဲ၊ ပြောင်းဖူး၊ ရုံးပတီ၊ မုန်လာဥ၊ ချဥ်ပေါင်၊ ငရုတ်၊ ခရမ်းသီး၊ ရွှေဖရုံသီး စတဲ့သီးနှံတွေကို စိုက်ပျိုးခဲ့တာလို့ ဆိုပါတယ်။
ပဲခူးတိုင်းအနောက်ခြမ်း၊ ပေါင်းတည်မြို့နယ်၊ ပဲခူးရိုးမအစပ်ကိုတက်လာတဲ့ စစ်ကောင်စီတပ်ကို အသာစီးရတိုက်ခိုက်ချိန် ကျည်မလုံလောက်တဲ့အတွက် နောက်ပြန်ဆုတ်ခဲ့ရတယ်လို့ ပါဝင်တိုက်ခိုက်ခဲ့တဲ့ တပ်ရင်း ၃၆၀၁ တပ်ဖွဲ့ဝင်တဦးဆီက သိရပါတယ်။
စစ်မှုထမ်းဥပဒေပြဌာန်းပြီးနောက် စစ်ကောင်စီရဲ့ လက်အောက်မှာ စစ်မှုမထမ်းချင်သူ လူငယ်အများအပြားပါဝင်တဲ့ အခြေခံစစ်ပညာသင်တန်း အပတ်စဉ် (၁၀) ကို SAF ရဲ့ ဗဟိုဌာနချုပ်ရှိရာမှာ ပြုလုပ်ခဲ့တာဖြစ်ပါတယ်။
မန္တလေးတိုင်း၊ တံတားဦးခရိုင်၊ ငါန်းဇွန်မြို့နယ်၊ တောင်ရွာဘိုရွာ ဘုန်းကြီးကျောင်းမှာရှိတဲ့ အင်အား ၇၀ ကျော်ပါစစ်တပ်စစ်ကြောင်းကို သြဂုတ် ၁၆ ရက်မှာ တော်လှန်ရေးပူးပေါင်းတပ်ဖွဲ့တွေက သွားရောက်တိုက်ခိုက်ခဲ့တယ်လို့ မန္တလေးခရိုင်တပ်ရင်း ၅ ဆီက သိရပါတယ်။
ကြီးကြီးမားမားစစ်ရှုံးတဲ့ အခြေအနေတွေနဲ့ ရင်ဆိုင်နေရတဲ့ စစ်ကောင်စီတပ်က စစ်ခေါင်းဆောင်အဆင့်ဆင့်နဲ့ အောက်ခြေစစ်သားတွေရဲ့ လက်ရှိအခြေအနေတွေအပေါ် စစ်ကောင်စီတပ်မှာ ၁၅ နှစ် နီးပါးတာဝန်ထမ်းဆောင်ပြီးနောက် စစ်အာဏာရှင်ဆန့်ကျင်ရေးလှုပ်ရှားမှုမှာ(CDM)မှာ ပါဝင်နေတဲ့ CDM တပ်မတော်သား ဗိုလ်ကြီး ထက်မြက်ရဲ့ သုံးသပ်ချက်တချို့ကို တင်ပြပေးထားပါတယ်။
“အဲဒီဂိတ်မှာ အထိုင်ချနေကြတာ မဟုတ်ဘူး။ စစ်သား၊ ရဲနဲ့ ပျူစောထီးတွေက ကားတွေနဲ့လာပြီး စစ်ဆေးရေးလုပ်တာ။ လူအင်အား ၁၀ ဦးခန့်ပါတယ်။ ခရီးသွားကားတွေကို ပိုက်ဆံလာတောင်းကြတာ။ ပစ်ခတ်ခဲ့တာကြောင့် မျက်မြင်ရှေ့တင် ဒဏ်ရာ ၃ ဦးရပြီး ထွက်ပြေးသွားတယ်။”
မကွေးတိုင်း၊ ရေစကြိုမြို့နယ်၊ ရပ်သာရွာမနဲ့ ရပ်သာကျွန်းရွာအကြားမှာ ပခုက္ကူတပ်မ ၁၀၁ က စစ်သားတွေနဲ့ ရေစကြို ပကဖအဖွဲ့တို့ ထိတွေ့တိုက်ပွဲဖြစ်ပြီး စစ်ကောင်စီစစ်သား ၄ ဦးပြင်းထန်ဒဏ်ရာရကာ ကျည်ဆန်တွေလည်း သိမ်းဆည်းရရှိခဲ့တယ်လို့ ရေစကြိုမြို့နယ်ပြည်သူ့ကာကွယ်ရေးအဖွဲ့ဆီက သိရပါတယ်။
Sharing Information to the Local