မန္တလေးတိုင်း၊ ပြင်ဦးလွင်ခရိုင်၊ သပိတ်ကျင်းမြို့ကို ကာကွယ်ရေးတပ်တွေဘက်က အပြီးသတ် သိမ်းပိုက်နိုင်ခဲ့ပြီး ဒုဗိုလ်မှူးကြီး စိုးမင်းသူကိုလည်း ဖမ်းဆီးနိုင်ခဲ့တယ်လို့ အမှတ် ၁ စစ်ဒေသက ဩဂုတ် ၂၆ ဒီကနေ့ ရက်စွဲနဲ့ ထုတ်ပြန်ပါတယ်။
အပြန်အလှန်ပစ်ခတ်နေစဉ် နေ့လယ် ၁၂ ခွဲလောက်မှာ အေလာလေတပ်က နေထွက်လာတဲ့ ဂျက်ဖိုက်တာတစီး နဲ့ မိတ္ထီလာလေတပ်ကနေထွက်လာတဲ့ ဂျက်ဖိုက်တာတစီးဟာ တပြိုင်နက်တည်းရောက်ရှိလာပြီး လေကြောင်းတိုက်ခိုက်မှု ပြုလုပ်သွားလို့ ကာကွယ်ရေးတပ်ဖွဲ့ဝင် ၁၃ ဦးဒဏ်ရာရခဲ့တယ်လို့ CDSOM မြောက်ပိုင်းတိုက်ခိုက်ရေး ဗိိုလ်စင်္ကြာက ပြောပါတယ် ။
ပဲခူးတိုင်းအနောက်ခြမ်း၊ လက်ပံတန်းမြို့နယ်မှာ စစ်ကောင်စီတပ်စစ်ကြောင်းကို ကြားဖြတ်တိုက်ခိုက်ရာက ဗိုလ်မှူးအဆင့် ၁ ဦးအပါ ၂၀ ဦးသေဆုံးပြီး စစ်သုံ့ပန်း ၁၀ ဦးဖမ်းမိကာ လက်နက်မျိုးစုံနဲ့ ကျည်ဆန်တွေ သိမ်းနိုင်ခဲ့တယ်လို့ သာယာဝတီခရိုင် တပ်ရင်း ၃၈၀၂၊ သတင်းပြန်ကြားရေးတာဝန်ခံ ရဲဘော် ဒူးယားက ပြောပါတယ်။
မန္တလေးတိုင်း၊ မြင်းခြံမြို့တောင်ဘက်ရှိ တောင်ရှေ့ဂိတ်(နန်းမြင့်ဂိတ်)မှာ ကင်းပတ်နေတဲ့ စစ်ကောင်စီတပ်ဖွဲ့တွေကို ကြားဖြတ်တိုက်ခိုက်ခဲ့တယ်လို့ Myingyan Black Tiger-MBT မြင်းခြံခရိုင်တပ်ရင်း ၉ ဆီက သိရပါတယ်။
မကွေးတိုင်း၊ ရေစကြိုမြို့နယ်၊ မအူရဲကင်းစခန်းကို ကာကွယ်ရေးအဖွဲ့တွေက တိုက်ခိုက်သိမ်းပိုက်နိုင်ခဲ့ပြီး လက်နက်ခဲယမ်းတွေ သိမ်းဆည်းရရှိကာ စခန်းကိုမီးရှို့ဖျက်ဆီးခဲ့နိုင်တယ်လို့ ရေစကြိုမြို့နယ် ပြည်သူ့ကာကွယ်ရေးအဖွဲ့ဆီက သိရပါတယ်။
အခုလို စိုက်ပျိုးမွေးမြူရတဲ့ အကြောင်းရင်းက ပြည်သူတွေရဲ့ထောက်ပံ့လှူဒါန်းငွေတွေကို ဖြုန်းတီးမနေဘဲ စစ်အသုံးစရိတ်နဲ့ လက်နက်ခဲယမ်းဝယ်ယူရာမှာ အထောက်အကူဖြစ်နိုင်ဖို့အတွက် လုပ်ကိုင်ရတာလို့ BLDF စစ်ဒေသ ၂၊ ဒုစစ်ရေးတာဝန်ခံ ရဲဘော် နာရွဲ့ဆမ် ကပြောပါတယ်။
ဆန္ဒပြ တောင်သူတွေဟာ မြောက်ပိုင်းညီနောင်မဟာမိတ်အဖွဲ့ လုပ်ရပ်တွေကို ကြိုဆိုထောက်ခံကြပြီး မတရားအာဏာသိမ်းထားတဲ့ စစ်ကောင်စီရဲ့ စစ်မှုထမ်းဥပဒေအရ အတင်းအဓမ္မစစ်သားစုဆောင်းနေတဲ့ လုပ်ရပ်တွေကို ဆန့်ကျင်ကြောင်း သြဂုတ် ၂၃ ရက် မနက်ပိုင်းက ကောက်စိုက်ရင်း ဆန္ဒပြခဲ့တာလို့ ဆန္ဒပြဦးဆောင်သူ တောင်သူတဦးက ပြောပါတယ်။
မကွေးတိုင်း၊ ပွင့်ဖြူမြို့နယ်အတွင်းရှိ ဝန်လိုနဲ့ ခိုနန်းကျေးရွာတွေကို သြဂုတ် ၁၇ ရက်က ဆင်ဖြူကျွန်း ခလရ ၂၅၅၊ ပွင့်ဖြူမြို့နယ် ဝါတပ်ရင်းနဲ့ ပျူစောထီးစုပေါင်းအင်အား ၈၀ ကျော်တို့က စစ်ကြောင်းထိုး ဝင်ရောက်ခဲ့ပြီးနောက် ပြည်သူပိုင်ပစ္စည်းတွေကို ဖျက်ဆီး ယူဆောင်တာတွေ ပြုလုပ်ခဲ့ကြပါတယ်။
စစ်ကိုင်းတိုင်း၊ စစ်ကိုင်းမြို့နယ်အတွင်းက မြသိန်းတန်စေတီပေါ်မှာရှိတဲ့ စစ်သား၊ ရဲနဲ့ ပျူစောထီး အင်အား ၁၀၀ ဦးဝန်းကျင်ကို ကာကွယ်ရေးပူးပေါင်းအဖွဲ့တွေက ဝင်ရောက်တိုက်ခိုက်ခဲ့တယ်လို့ ရွှေဘိုခရိုင်အမှတ် ၁၈ တပ်ရင်း၊ တပ်ခွဲ ၄၊ Bo Tiger-ဗိုလ်ကျားကြီး အဖွဲ့ဆီက သိရပါတယ်။
- ပဲခူးနဲ့ မကွေးတိုင်းက မြို့နယ်တွေမှာ စစ်တပ်က တပ်သားသစ်စုဆောင်းမှုနဲ့ ငွေကြေးကောက်ခံတာတွေလုပ်နေ - ဒီပဲယင်းမြို့သိမ်းတိုက်ပွဲအတွင်း နိုင်ငံရေးအမှု ၁၇ ဦးအပါ အချုပ်သား ၂၀ ဦးကိုကယ်ထုတ်နိုင် - ခင်ဦးမြို့နဲ့ ထန်းတပင်မြို့တို့မှာ စစ်တပ်ကလေကြောင်းကနေ တိုက်ခိုက်ခဲ့တာကြောင့် ပြည်သူတွေထိခိုက်သေဆုံးပြီး ထွက်ပြေးတိမ်းရှောင်နေ - ပေါင်းတည်က နေအိမ် ၂၁ လုံးကို စစ်တပ်ကမီးရှို့၊ ကား ဆိုင်ကယ်တွေလည်း ပျက်စီး - ဒိုက်ဦးထောင် နိုင်/ကျဥ်းအမျိုးသမီး ၇ ဦး အသက်အန္တရာယ်စိုးရိမ်ရတဲ့အထိ ရိုက်နှက်ခံထားရ - မုံရွာ-ခန္တီးရေကြောင်းတလျှောက် စက်လှေ ၁ စီးကို ကောက်ခံငွေကျပ်သိန်း ၁၀၀ ကျော်ပေးရလို့ စက်လှေ ပြေးဆွဲမှုတချို့ ရပ်နား - စစ်ကိုင်းတိုင်း၊မန္တလေးတိုင်းထဲကကျေးရွာတချို့နဲ့ မုန်းမြို့က စစ်ဘေးရှောင်တွေမှာ တုပ်ကွေးနဲ့အရေပြားရောဂါအတွက် ဆေးဝါးတွေလိုအပ်နေ - ဒီပဲယင်းက စစ်ဘေးရှောင် ၂ သောင်းကျော် စားနပ်ရိက္ခာအရေးပေါ်လိုနေ
မကွေးတိုင်း၊ မြိုင်မြို့နယ်မှာ လေကြောင်းရန်နဲ့ စစ်အကြွင်းအကျန်ပစ္စည်းတွေ ရှောင်ရှားနည်းနဲ့ ပတ်သက်ပြီး ဒေသခံပြည်သူတွေနဲ့ ကျောင်းသားကျောင်းသူတွေကို အသိပညာပေးဟောပြောပွဲ ပြုလုပ်ခဲ့တယ်လို့ သိရပါတယ်။
မကွေးတိုင်း၊ မင်းဘူးနယ်ထဲမှာ စစ်ကောင်စီတပ်သားတွေအပါ ပျူစောထီးတွေနဲ့ လက်နက်ကိုင်တော်လှန်ရေးပူးပေါင်းအဖွဲ့တွေ ထိတွေ့တိုက်ပွဲတွေ ၂ ရက်ဖြစ်ပွားခဲ့ပြီး စစ်ကောင်စီဘက်က သေဆုံးမှုများပြားခဲ့တယ်လို့ သိရပါတယ်။
မကွေးတိုင်း၊ မြိုင်မြို့နယ်၊ ကိုင်းတောမရွာသစ်ကထွက်လာတဲ့ စစ်ကြောင်းကိုတိုက်ခိုက်ပြီး ပြန်လာတဲ့ရဲဘော်တွေကို ဒေသခံတွေက အိုးစည်ဗုံမောင်းတီးပြီး သပြေပန်းနဲ့ကြိုဆိုဂုဏ်ပြုကြတယ်လို့ ပခုက္ကူခရိုင် အမှတ် ၆ တပ်ရင်း MVRF ဆီက သိရပါတယ်။
ဆန္ဒထုတ်ဖော်ရာမှာ ဒေသခံတွေရဲ့ သဘောထားဆန္ဒဖြစ်တဲ့ တောင်းဆိုချက် ၇ ချက်ပါတဲ့ စာသားဆိုင်းဘုတ်တွေကို ကိုင်ဆောင်ပြီး မြို့နယ်ပလဖရုံးရှေ့ထိ ချီတက်ခဲ့ကြတယ်လို့ ဆိုပါတယ်။
အဲဒီတိုက်ပွဲမှာ လက်နက်ချအညံ့ခံတဲ့ စစ်သား ၅ ဦးရှိပြီး ၂ ဦးကတော့ တော်လှန်ရေးအင်အားစုတွေနဲ့ ပူးပေါင်းချင်တဲ့အတွက် သူတို့အချင်းချင်း သေနတ်နဲ့ ခြေထောက်တွေပစ်ချိုးထားတာလို့ ပြည်သူ့ကာကွယ်ရေးတပ်ဖွဲ့-မြိုင်မြို့နယ် ရဲဘော်တဦးက ပြောပါတယ်။
Sharing Information to the Local