"မေးခွန်းသယ်လာတဲ့ စစ်ကောင်စီ တပ်သားတွေ ပါလာတဲ့ Super Custom ၁ စီး Eurofect ကား ၁ စီး နဲ့ CRV ကား ၁ စီး ၃ စီးကို ရေစကြိုမြို့အပြင်ဘက် ဘက်စုံကွေ့အနားရောက်တဲ့အချိန် ပဒေသာမိုင်း ၃ လုံးတွဲ ၂ တွဲ ၆ လုံး နဲ့ မိုင်းဆွဲတိုက်ခိုက်ခဲ့တယ်"
“ဒီနေ့မနက် ၇ နာရီဝန်းကျင်မှာ ကင်းပုန်းထွက်လာတဲ့ တွင်းမပျူစောထီးအဖွဲ့ကို တွင်းမရွာထိပ်မှာတကြိမ်၊ မိုင်းဆွဲခဲ့ပြီး စက်မှု ၂ ကနေ ကား ၅ စီးနဲ့ မနက် ၉ နာရီလောက်က ထွက်လာတဲ့ကားကို စက်မှု ၂ နဲ့ ကိုင်းတောမကြားမှာ တကြိမ်၊ ကိုင်းတောမကနေ ၁၀ နာရီ ၁၅ မိနစ်မှာ ထပ်ထွက်လာတာကို ကိုင်းတောမနဲ့ သရက်ကန်ရွာကြားမှာ တကြိမ်၊ တွင်းမပျူစခန်းနဲ့ ကမ္မပျူစခန်းအကြားမှာ တကြိမ် စုစုပေါင်း ၄ ကြိမ် မိုင်းဆွဲခဲ့တယ်”
"အဲ့ဒီညက အင်အားက အယောက် ၃၀ ကျော်ရှိတာ၊ သူတို့ဘက်က စက်ခလေးနဲ့ပစ်တယ်။ ကျနော်တို့ RPG နဲ့ ပစ်ခတ်နိုင်ခဲ့တယ်။ လက်နက်ကြီး၊ လက်နက်ငယ်တွေနဲ့ပစ်ခဲ့တယ်။ ည ၁၁ နာရီထိုးတဲ့အချိန်မှာ လူအင်အားအလုံးအရင်းနဲ့စုပြီး ကျနော်တို့ထိန်းချုပ်ထားတဲ့ နယ်မြေထဲအထိ ဝင်လာလို့ မိုင်းဆွဲခဲ့သေးတယ်။ မိုင်းဆွဲတဲ့အခါမှာလည်း ဒီကောင်တွေ သေတယ်။ စုစုပေါင်းတိုက်ပွဲ ၁ နာရီဝန်းကျင် ကြာခဲ့တယ်"
အဲ့ဒီစစ်ကြောင်းကို မနေ့က မတ်လ ၁ ရက် မနက်ပိုင်း ၉ နာရီလောက်မှာ ကုန်းရွာနဲ့ စားတော်ပြင်ကြားအရောက် အမေရေယာဥ်နတ်နန်းအရှေ့ဘက်မှာ တိုက်ခိုက်ခဲ့တာဖြစ်ပြီး တိုက်ပွဲကြာချိန် ၂ နာရီခန့်အထိ ကြာခဲ့ကာ စစ်ကောင်စီတပ်သား ၅ ဦးခန့် သေဆုံးနိုင်ပြီး ထိခိုက်ဒဏ်ရာရသူတွေလည်း ရှိတယ်လို့ Dragon Brothers Task Force -DBTF တာဝန်ခံက မြေလတ်အသံကို ပြောပါတယ်။
“ကုန်းရွာက နေအိမ် ၈၀၀ ခန့်ရှိတာ။ စစ်ကောင်စီတပ်သားတွေက မီးရှို့တယ်။ ဖေဖော်ဝါရီလ ၂၈ ရက်နေ့ ညနေပိုင်း ၇ နာရီထိုးမှာ ရှို့ပြီး မတ်လ ၁ ရက် မနက်ပိုင်းမှာ ထပ်ရှို့တယ်။ အိမ်ခြေ ၈၀၀ ခန့်ရှိတာ အိမ် ၇၀ လောက်ပဲ ကျန်တယ်”
အခုလို ရှေ့တန်းပြန်လာမှာကို ဒေသခံတွေက ကြိုသိထားတာမျိုးမဟုတ်ဘဲ သူတို့ဖြတ်သွားတဲ့ ရွာတွေကတဆင့် သိရပြီး နောက်ရွာတွေက စောင့်ပြီးကြိုဆိုခဲ့ကြတာ ပြည်သူ ၁၀၀ ကျော် ပါဝင်တယ်လို့ ဆိုပါတယ်။
“မတ္တရာမြို့ကနေ စစ်ကြောင်းထိုးလာတဲ့ စစ်အုပ်စုကို မြွေဟင်္သာရွာနဲ့ ကားလမ်းအကြားမှာ မိုင်းဆွဲတိုက်ခိုက်ခဲ့တယ်။ ကျနော်တို့ မိုင်းဆွဲလိုက်တာက ၃၂ ယောက်ပါတဲ့ စစ်ကြောင်းကိုပါ။ ထိခိုက်မှုကများပြီး ကျနော်တို့ သိတာက ၅ ယောက် သေတယ်။ ဒဏ်ရာရတဲ့သူတွေကိုတော့ ည ၉ နာရီ ၄၅ မိနစ်မှာ သူတို့ကား ၇ စီးနဲ့ လာသယ်သွားပြီး မတ္တရာမြို့ထဲကို ပြန်သွားတယ်”
အဲ့ဒီစစ်ဆေးရေးဂိတ်မှာ ပခုက္ကူတပ်မ ၁၀၁ က စစ်သားတွေက လမ်းသွားလမ်းလာ ပြည်သူတွေကို စစ်ဆေးရေးလုပ်နေလို့ ဖေဖော်ဝါရီ ၂၈ ရက် မနေ့က ညနေပိုင်းမှာ ၆၀ မမ ၁၀၀ မမ တို့နဲ့ ပစ်ခတ်တိုက်ခိုက်ခဲ့တယ်လို့ People's Defence Force မိုက်ခဲ(M.Y.G) တာဝန်ခံက ပြောပါတယ်။
“အဲဒီစစ်ဆေးရေးဂိတ်မှာ စစ်ခွေး ရဲခွေး နဲ့ ပျူခွေး ၁၈ ကောင်လောက် ရှိတယ်။ ကျနော်တို့ ဘောလုံးကွင်း ၁ ကွင်းစာလောက်ကပ်ပြီးတော့ အရင်ပစ်ခဲ့တာ။ အခုမနက်တော့ ၃ ယောက် သေပြီး ၂ ယောက် ဒဏ်ရာရတယ်လို့ ကြားတယ်။ သေတဲ့အလောင်း ၃ လောင်းကို အဲဒီအနားမှာ သင်္ဂြိုလ်နေတယ်လို့ သိရတယ်။ တပ်မ ၁၀၁ က စစ်သားတွေပါ။ ပစ်ခတ်တာက ၁၁ မိနစ်ပဲ ကြာတယ်"
"စစ်ကောင်စီတပ်သားတွေက ဝါးရုံတောထဲကနေလာပြီး ကျွန်းတော၊ မြင်သာကုန်းကနေ ကုန်းရွာဘက်ကိုဝင်လာတာ၊ ရွာရဲ့အနောက်ဘက်က နေအိမ်တွေဖျက်ဆီးပြီး မီးတွေရှို့တယ်၊ ကုန်းရွာရွာမကြီးထဲကတော့ အိမ်ခြေ ၈၀၀ လောက်ရှိတယ်၊ စတင်မီးရှို့တာက ည ၇ နာရီမှာမီးရှို့တာ၊ လက်ရှိအချိန်အထိ စစ်**တွေက ရွာကနေအိမ်တွေကို မီးရှို့နေလို့ အိမ်ဘယ်လောက်မီးထဲပါတာအတည်မပြုနိုင်သေးဘူး၊ ကုန်းရွာ ဒေသခံ ၁ သောင်းကျော်ထွက်ပြေးနေရတယ်"
မကွေးတိုင်း၊ ဂန့်ဂေါမြို့နယ်ထဲမှာ စစ်ကောင်စီတပ်တွေရဲ့ ဖမ်းဆီးသတ်ဖြတ်တာကို ခံခဲ့ရသူတွေနဲ့ တိုက်ပွဲတွင်း ကျဆုံးရဲဘော်တွေအတွက် အမျိုးသားညီညွတ်ရေးအစိုးရ - NUG၊ လူသားချင်း စာနာထောက်ထားရေးနှင့် ဘေးအန္တရာယ်ဆိုင်ရာ စီမံခန့်ခွဲရေးဝန်ကြီးဌာနက ထောက်ပံ့တဲ့ငွေကို ဂန့်ဂေါမြို့နယ် ပြည်သူ့အုပ်ချုပ်ရေးအဖွဲ့ကတဆင့် သွားရောက်ထောက်ပံ့ပေးခဲ့တယ်လို့ သိရပါတယ်။
မကွေးတိုင်း၊ ပေါက်မြို့နယ် သဖန်းချောင်းကျေးရွာမှာ နေအိမ်တွေကို ဝင်ရောက်ဖျက်ဆီးပြီး ပြန်ထွက်လာတဲ့ စစ်ကောင်စီစစ်ကြောင်းကို PDF ၃ ဖွဲ့ပူးပေါင်းပြီး ခြုံခိုတိုက်ခိုက်ခဲ့တယ်လို့ သိရပါတယ်။
အသက် ၂၀ ဝန်းကျင်သာရှိသေးတဲ့ မထွေးထွေးရဲ့ ကျောင်းဆရာမဖြစ်ချင်တဲ့ အိမ်မက်က အာဏာသိမ်းမှုကြောင့် ပျက်ဆီးခဲ့ရပါတယ်။ အခုတော့ အာဏာသိမ်းမှုကို လက်မခံတဲ့ မထွေးထွေးတယောက် အိမ်ကသဘောမတူတဲ့ ကြားက သခင်ဒေါင်းညို ဆိုတဲ့ ပြည်သူ့တော်လှန်ရေးအဖွဲ့ထဲမှာ ဆေးတပ်သား ရဲမေတာဝန်ကို ထမ်းဆောင်နေပါပြီ။
“ပျူခေါင်းဆောင် ၅ ဦးကို တညတည်းမှာ လူခွဲပြီးရှင်းခဲ့တာ၊ သူတို့ရွာကို စစ်တပ်ချဖို့ စာတင်ထားတာ၊ စစ်တပ်အထိုင်ချဖို့ စာကလည်းကျလာပြီ။ အဲဒီရွာက ပျူတွေက ဆင်မရဲကျေးရွာမှာ ပေါင်းပြီးနေတာ။ စာကျလာလို့ သူ့ရွာသူ ပြန်လာတာ၊ ညမှာပဲ ချက်ခြင်းသွားရှင်းခဲ့တာ” လို့ Myingyan Black Tiger ဗိုလ်မိုက်ခဲ က ပြောပါတယ်။
စစ်ကိုင်းတိုင်း၊ ဆားလင်းကြီးမြို့နယ်၊ မုံရွာ - ပုသိမ်လမ်းပိုင်းရှိ ၁၆ ကုတင်ဆေးရုံဟောင်းအနီးမှာ ကင်းပုန်းဝပ်ကာ လုံခြုံရေးယူနေတဲ့ စစ်သားတွေ မိုင်းဆွဲတိုက်ခိုက်ခံရတယ်လို့ သိရပါတယ်။
Sharing Information to the Local