"စစ်တပ်က မနက် ၁၀ နာရီလောက်မှာ ရွာထဲကို ပစ်ခတ်ဝင်တာမှာ ကောင်မလေး၂ ယောက်ကို ကျည်ထိသွားတယ်။ ပြီးတော့ ဘုန်းကြီးမရှိတဲ့ ကျောင်းထဲကို တပ်ဝင်စွဲနေတာ။ ကျနော်တို့က နေ့လယ် ၁၂ လောက်ကစပြီး ကျောင်းဝန်းထဲကို ဒရုန်းနဲ့ ဗုံးကြဲတာ" လို့ ယူနီကွန်ပြောက်ကျားတပ်ဖွဲ့မှ တာဝန်ရှိသူက ပြောပါတယ်။
“ရုံးစုရွာက နေအိမ်တွေ မီးရှို့ပြီး ညောင်ပင်ကြီးစုရွာက နေအိမ်တွေကို ထပ်ပြီး မီးရှို့တာ၊ မီးရှို့ပြီး ပြန်ထွက်လာတဲ့ အင်အား ၁၀၀ ဝန်းကျင်စစ်ကြောင်းကို မနက် ၁၀ နာရီလောက်မှာ ရုံးစုရွာနဲ့ ညောင်ပင်ကြီးစုရွာအကြား ကန်ဘောင်တွေပေါ်မှာ တိုက်မိုင်း ၃ လုံးနဲ့ တိုက်ခိုက်ခဲ့တာ” လို့ ပြောပါတယ်။
စစ်ကိုင်းတိုင်း၊ ဝက်လက်မြို့နယ်က ကျေးရွာတွေကို မီးဝင်ရှို့နေတဲ့ စစ်ကောင်စီတပ်သားတွေ ဖေဖော်ဝါရီ ၁ ရက် မနက် ၉ နာရီမှာ တိုက်ခိုက်ခံရတာကြောင့် ၆ ဦး သေဆုံးခဲ့တယ်လို့ သိရပါတယ်။
“ကလေးတွေ အပြင်မရောက်ဖို့၊ စိတ်လေတာတွေမဖြစ်ဖို့၊ စောစောစီးစီး အိမ်ထောင်တွေမကျဖို့၊ စဉ်ဆက်မပြတ် သင်ကြားခွင့်ရဖို့ အဓိကပဲ။ နဂိုတုန်းက သင်ကြားရေးမှာဆို ပညာရှင်သပ်သပ်ဆိုတာ မရှိဘူး။ ခုကျ ပန်းချီပညာရှင်၊ ဂီတပညာရှင်တွေလည်း လာပြီး ကူညီကြတဲ့အတွက် ဖွံ့ဖြိုးရေးဘာသာရပ်တွေမှာ တော်တော်လေး ထိထိရောက်ရောက် ဖြစ်တယ်" လို့ ပြောပါတယ်။
မန္တလေးတိုင်း၊ မတ္တရာမြို့နယ်က ပြည်သူ့ကာကွယ်ရေးတပ်ဖွဲ့တွေနဲ့ စစ်ကိုင်းမြို့နယ်က ပြည်သူ့ကာကွယ်ရေးတပ်ဖွဲ့တွေက ဖေဖော်ဝါရီ ၁ ရက်ဒီမနက်၇ နာရီလောက်မှာ တော်လှန်ရေးကာလ ၂ နှစ်ပြည့်သွားပေမယ့် ရဲဘော်တွေအနေနဲ့ ဘယ်တော့မှသွေးမအေးကြောင်း ဆန္ဒဖော်ထုတ်ခဲ့ကြပါတယ်။
ယင်းမာပင်မြို့နယ် ပြည်သူ့အုပ်ချုပ်ရေးအဖွဲ့ရဲ့ စိုးမိုးနယ်မြေအတွင်းမှာ မြို့နယ်အုပ်ချုပ်ရေးမှူးအဖွဲ့က ကျေးရွာအတွင်း မည်သည့်လောင်းကစားမျိုးမှ မပြုလုပ်ဖို့ နှုတ်နဲ့သော်လည်းကောင်း၊ စာနဲ့သော်လည်းကောင်း၊ လူကိုယ်တိုင် သွားရောက်ပြီးသတိပေးထားခဲ့ပေမယ့်လည်း မလိုက်နာတဲ့အတွက် အခုလို အရေးယူခဲ့တာလို့ ပြည်သူ့အုပ်ချုပ်ရေးတပ်ဖွဲ့မှ ပြန်ကြားရေးတာဝန်ခံက မြေလတ်အသံကို ပြောပါတယ်။
မကွေးတိုင်း၊ ရေနံချောင်းမြို့နယ် လက်မှတ်ကုန်းနယ်မြေ ရဲစခန်းရှေ့ ဇန်နဝါရီလ ၃၁ ရက် ညပိုင်းမှာ ရဲ နဲ့ PDF တွေ အပြန်အလှန်ပစ်ခတ်ကြပြီး ရဲစခန်းဘက်က ပစ်ခတ်လိုက်တဲ့ ကျည်ဆံကြောင့် အသက် ၂၀ အရွယ် အမျိုးသားတဦး ထိမှန်ပြီး သေဆုံးတယ်လို့ သိရပါတယ်။
စစ်ကိုင်းတိုင်းဒေသကြီး ရွှေဘိုခရိုင် ခင်ဦးမြို့နယ်အတွင်း ဒီနေ့ဇန်နဝါရီလ ၃၁ ရက်ညနေပိုင်းမှာ စစ်ကောင်စီရဲ့ ဟန်ပြအတုအယောင် ရွေးကောက်ပွဲ (လုံးဝ) လက်မခံကြောင်းနဲ့အတူ အသံတိတ်သပိတ်မှာ ပါဝင်ကြဖို့ ၅/ခဥန သပိတ်စစ်ကြောင်းနဲ့ ဆန္ဒပြ တောင်းဆိုခဲ့ပါတယ်။
စစ်ကိုင်းတိုင်းအထက်ပိုင်း၊ အင်းတော်မြို့အထွက် အင်းတော်-ဗန်းမောက်ကားလမ်းပေါ်က နွားပွဲဈေးရုံအနီးမှာ စစ်ကောင်စီ စစ်ဆေးရေးအဖွဲ့နဲ့တွေ့ကာ အမျိုးသမီးငယ်တဦး ဖမ်းဆီးခံခဲ့ရပြီး ခုချိန်ထိ သတင်းအစအန မရသေးဘူးလို့ သိရပါတယ်။
"တောင်ဘက်မုဒ်မှာ ထမင်းဟင်းတပွဲ ငါးရာဆိုပြီး ရောင်းတယ်။ အရှေ့ဘက်မုဒ်အတက်လမ်းမှာက ရဲအယောက် နှစ်ဆယ်လောက်နဲ့ ကားရပ်ပြီး မာရသွန်ပြေးတဲ့သူတွေကို ထမင်းဗူးတွေဝေဖို့ လုပ်နေတယ်။ ဗူးနှစ်ရာလောက် ရှိတယ်။ လူတွေအုံလာရင် ဓါတ်ပုံရိုက်ဖို့ဆိုပြီး ကင်မရာသမားတွေပါ ပါတယ်" လို့ မြို့ခံတဦးက ဆိုပါတယ်။
"အဲဒီစစ်ဆေးရေးဂိတ်က ဒေသခံ ဖြတ်သွားဖြတ်လာတွေကို အစစ်ဆေးကြမ်းတယ်။ ငွေတောင်းတယ်။ ပြီးရင် မတရားအမှုဆင်ပြီး ထောင်ချတာတွေ ရှိတယ်။ အဲဒီဂိတ်ကနေ ဖမ်းဆီးခံရပြီး ထောင် ၁၅ နှစ်ထိ ကျခံနေရတဲ့သူ ၂ ဦး ရှိတယ်။ တော်တော်ဆိုးတဲ့ အခြေနေရှိလို့ သွားရောက်တိုက်ခိုက်ခဲ့တာ ဖြစ်တယ်" လို့ ပြောပါတယ်။
မြေလတ်ဒေသဖြစ်တဲ့ ပခုက္ကူမြို့နယ်နဲ့ မြိုင်နယ်က ကဗျာဆရာ၊ ပန်းချီဆရာတွေ စုပေါင်းပြီး နွေဦးအောင်လံဥဒေါင်းမာန် တော်လှန်ရေးဂျာနယ်ကို စတင်ထုတ်ဝေဖြန့်ချီပြီလို့ သိရပါတယ်။
"လက်မှတ်ကုန်းနယ်မြေရဲစခန်းကလည်း ခဏခဏကြွေးကြော်နေတာ၊ PDF မကြောက်လို့ စခန်းမှူးလုပ်နေတာ၊ သတ္တိရှိရင် မိုက်တဲ့ကောင်ထွက်ခဲ့၊ ဘယ်ကောင် PDF ကိုထောက်ပို့ရဲလည်း ကြွေးကြော်နေလို့ ရဲစခန်းကို မိုင်းဆွဲပစ်ခတ်တိုက်ခိုက်ခဲ့တာ" လို့ People's Defence Force Yenangyaung (မကွေးခရိုင်အမှတ်-၂ တပ်ရင်း)မှ ဗိုလ်စံသျှားက ပြောပါတယ်။
"ဖလံကုန်းရေနံမှော်ကို ရိက္ခာပို့လာပြီး ထန်းပေါက်ကုန်းရွာက စာသင်ကျောင်းရယ်၊ ကင်းတဲ ၂ တဲကို မီးရှို့တယ်၊ ညနေရောက်တော့ အိမ် ၅ လုံးကိုမီးရိူ့တာ၊ ကျနော်တို့က ရွာနဲ့နီးတာရယ် ရေနံတွင်းလည်းရှိတော့ မတိုက်ပဲနေတာကို အခုလိုမီးရှို့လို့ ဒေသခံအဖွဲ့တွေပေါင်းပြီး ဒရုန်းနဲ့အီနာဂါဗုံးသီး ၆ လုံးသုံးပြီးဗုံးချခဲ့တာ" လို့ Anonymous Special Task Force-Pauk အဖွဲ့မှ ရဲဘော်စင်္ကြာက ပြောပါတယ်။
မန္တလေးတိုင်း၊ ပုသိမ်ကြီးမြို့နယ်၊ နန္ဒာတောင်ကျေးရွာနဲ့ မန္တလေး-မတ္တရာသွားကားလမ်းကြားမှာ မင်္ဂလာဆောင်က ပြန်လာတဲ့ အမျိုးသမီးငယ် ၂ ဦး ပစ်ခတ်ခံရပြီး ၁ ဦး သေဆုံးသွားတယ်လို့ သိရပါတယ်။
Sharing Information to the Local