Sharing Information to the Local
မြိုင်မှာ စစ်ကောင်စီစစ်ကြောင်း တိုက်ခိုက်ခံရပြီး ၃ ဦးခန့်သေဆုံး
“မိုင်း ၄ ပွိုင့်ဆွဲလိုက်တာ၊ ၃ ယောက်သေပြီး ၈ ယောက်ဒဏ်ရာရတယ်။ ရှေ့ထွက်မိုင်း ၁၀ လုံးနဲ့ဆွဲခဲ့တာ။ သူတို့ဘက်ကလည်း ပစ်ခတ်တာတွေ လုပ်တယ်။ အပြန်အလှန် ပစ်ခတ်တာ ၂၅ မိနစ် ကြာတယ်” လို့ ပြောပါတယ်။
သတင်းတို
ရွှေဘိုမှာ စစ်ကောင်စီတပ်နဲ့ PDF တို့တိုက်ပွဲဖြစ်လို့ စစ်သား ၂ ဦးသေဆုံး
"ကင်းပုန်းဝပ်ပြန်လာတဲ့ စစ်ကောင်စီတွေကို သိန်းသန်းအောင်ဆီဆိုင်အနောက်ဘက် တံတားနားမှာ ကျနော်တို့ပူးပေါင်းအဖွဲ့တွေက လက်နက်ကြီးနဲ့ပစ်ခဲ့တယ်။ စစ်ကောင်စီဘက်ကလည်း RPG တလုံး၊ ၆၀ မမ ၃လုံးနဲ့ ပြန်ပစ်တယ်။ သူတို့ဘက်က နှစ်ယောက်လဲကျသွားတယ်" လို့ ပြောပါတယ်။
စကားပြောစက်တွေကနေ သတင်းပေါက်ကြားလို့ PDF စခန်းတွေ စီးနင်းခံနေရတယ်လို့ဆို
"သူတို့(စကစ)သေချာပေါက်လာနိုင်မယ့်လမ်းကနေ ပြေးမလွတ်မယ့်မိုင်းတွေ ထောင်ထားတာတောင် အနားရောက်ခါနီးရင် ကွေ့ပတ်သွားလိုက်တာမျိုးတွေက ခဏခဏဖြစ်နေတာ။ သူတို့ဆီမှာ ဖမ်းတာခံရပြီး ပြန်လွတ်လာတဲ့ဒေသခံတွေဆီက ပြန်သိရတာက PDF တွေ စက်ပေါ်ကနေ ပြောတဲ့စကားတွေက သူတို့စက်တွေထဲမှာ အကုန်ဝင်နေတယ်ဆိုပြီး ပြန်သိရတယ်" လို့ ပြောပါတယ်။
ရေစကြိုက စုပေါင်းရုံးဝန်း ရှေ့ထွက်လောင်ချာနဲ့ပစ်ခံရ
“အင်အားက အယောက် ၂၀၀ ကျော်ရှိတာ။ ကျနော်တို့ ရှေ့ထွက်လောင်ချာနဲ့ သွားပစ်တာ။ မနေ့က ၇ နာရီထိုးမှာပစ်တာ၊ ၁ ချက်ထဲပဲပစ်ခဲ့တာ၊ အနီးကပ်ပစ်ခတ်နိုင်ခဲ့တာ၊ ထိခိုက်သေဆုံးမှုကိုတော့ မစုံစမ်းရသေးဘူး” လို့ ပြောပါတယ်။
မင်းလှမှာ ဆိုင်းအဖွဲ့ကားတိမ်းမှောက်လို့ ၁၃ ဦးဒဏ်ရာရ
"ကားက မောင်းလာရင်းကနေ နောက်ဘီးကျွတ်ထွက်ပြီး ရေမြောင်းထဲကျသွားတာ။ ဆိုင်းအဖွဲ့သားတွေလိုက်ပါလာတာတော့ အယောက် ၂၀ ကျော်လောက်ရှိမယ်။ ဆိုင်းပစ္စည်းတွေလည်းပါတယ်။ ထိခိုက်ဒဏ်ရာရသူတွေကတော့ စိုးရိမ်ရသူမရှိပါဘူး"လို့ ပြောပါတယ်။
နယ်မြေမအေးချမ်းလို့ ခိုကိုးရာမဲ့သက်ကြီးရွယ်အိုတွေကို ထပ်မံကူညီဖို့ ရပ်ဆိုင်း
"နေရာဒေသမရွေးက လာပို့တဲ့ အဘိုးအဘွားတွေကို ရာသက်ပန်စောင့်ရှောက်ပေးတာပါ။ ဒီကျောင်းမှာ နေဖို့စားဖို့ဝတ်ဖို့ တရားအားထုတ်ဖို့ အကုန်လုပ်ပေးပါတယ်။ သူတို့ဘဝတသက်တာအတွက် ကံမကုန်ခင်အချိန်မှာ သက်တောင့်သက်သာနဲ့ စိတ်အေးချမ်းစွာ နေနိုင်ဖို့အတွက် ရည်ရွယ်ပြီး၊ အတတ်နိုင်ဆုံးဆောင်ရွက်ပေးနေပါတယ်" လို့ ဆရာတော်ကမြေလတ်အသံကို မိန့်ကြားပါတယ်။
နတ်တလင်းက ပြည်သူတွေ ဆန်ကို ကန့်သတ်ချက်နဲ့ဝယ်နေရ
"ဆယ်ကိုဖြတ်ပြီး တောင်ညိုကွက်သစ် ဒါမှဟုတ် နတ်တလင်းမြို့ကိုသွားပြီး စျေးဝယ်တဲ့အခါမှာ တောင်ညိုစက်လှေဂိတ်မှာ စစ်သားတွေက ပစ္စည်းတွေကို စစ်ဆေးတယ်။ အဲ့ဒီဂိတ်မှာ အိမ်ရှိလူစာရင်း ထောက်ခံစာ လုပ်ရတယ်။ အိမ်မှာရှိတဲ့ လူဦးရေထက် ဆန်ကိုပိုဝယ်လို့မရဘူး။ လူကြုံဝယ်လို့လည်း မရဘူး။ အဲတော့ တအိမ်တယောက် ထွက်ဝယ်ရတယ်။ တပတ်တခါ လမ်းစရိတ်ကုန်သလို အလုပ်လည်း ပျက်ရတယ်။ ဖြတ် ၄ ဖြတ် လုပ်တဲ့သဘောရှိတယ်" လို့ နတ်တလင်းနယ်အခြေစိုက် နတ်စစ်သည် PDF အဖွဲ့မှ တာဝန်ရှိသူက ဆိုပါတယ်။
စစ်ကောင်စီ အရာရှိသင်တန်းကျောင်း လက်နက်ကြီးနဲ့ ပစ်ခံရ
ပဲခူးတိုင်းအရှေ့ခြမ်း၊ တောင်ငူခရိုင်၊ သံတောင်မြို့၊ တပ်မတော်(ကြည်း) တိုက်ခိုက်ရေးကျောင်း(ဘုရင့်နောင်)ကို မတ်လ ၁၇ ရက် တရက်တည်း လက်နက်ကြီးနဲ့ ၂ကြိမ် ပစ်ခတ်တိုက်ခိုက်ခဲ့တယ်လို့ တိုက်ခိုက်မှုမှာပါဝင်သူတဦးက မြေလတ်အသံကို ပြောပါတယ်။
အကြမ်းဖက်ဥပဒေနဲ့ ဖမ်းဆီးထားသူ ၆ ဦးကို ထောင်တသက်နဲ့ ထပ်တိုးနှစ်တွေပါတပေါင်းတည်း အမိန့်ချ
ပြီးခဲ့တဲ့ မတ်လ ၁၅ ရက်နေ့က အမိန့်ချမှတ်လိုက်တာဖြစ်ပြီး ကိုဇင်မျိုးဟိန်း(ခ)ဇေကြီး နဲ့ ကိုအောင်သက်ပိုင် တို့နှစ်ဦးကို အကြမ်းဖက်မှု တိုက်ဖျက်ရေးဥပဒေ ပုဒ်မ-၅၀(ဈ)၊ ၅၂(က) တို့ဖြင့် ထောင်တသက်နှင့်အပို ၇ နှစ်၊ ကိုတရုတ်ကြီး(ခ) သီရိဇော် နဲ့ ကိုရန်နောင်စိုး၊ ကိုကျော်ကိုကို တို့ကို ပုဒ်မ ၅၀(ဈ) နဲ့ ထောင်တသက်၊ ကိုထွန်းထွန်းလွင်ကို ပုဒ်မ ၅၂(က)နဲ့ ထောင် ၇ နှစ် အသီးသီး အမိန့်ချမှတ်ခဲ့တာလို့ သိရပါတယ်။
ကိုယ်ထူကိုယ်ထဆေးခန်းမှာ ဒဏ်ရာရလာတဲ့ မည်သည့်ရဲဘော်ကိုမဆို အခမဲ့ကုသပေးနေ
“ဘယ် PDF ရဲဘော်ပဲဖြစ်ဖြစ် ထိခိုက်ဒဏ်ရာရရင် လုံးဝအခမဲ့ကုပေးတယ်။ ထမင်းလည်း ကျွေးတယ်။ နေကောင်းပျောက်မှ ဆေးရုံကနေ ပေးဆင်းတယ်။ ဆေးခန်းအတွက်ကို တချို့က ငွေ ၁ ထောင်စ ၂ ထောင်စ ပြန်လှူသွားတာမျိုး ရှိတယ်။ တချို့ကလည်း အလှူငွေထည့် မသွားတာမျိုးလည်း ရှိတယ်”
မိုင်းလာရှင်းတဲ့ စစ်အုပ်စုရှေ့ပြေးပွိုင့်တပ်စိတ် မိုင်းထိပြီး ၄ ဦး သေဆုံး
“ယာဉ်တန်းလာမယ့် လမ်းကြောင်းကို မိုင်းရှင်းတဲ့ရှေ့ပြေးပွိုင့်တပ်စိတ် ၆ ယောက်အဖွဲ့တွေက ကျနော်တို့ မိုင်းကွင်းထဲရောက်လာတာ၊ ပဒေသာမိုင်း ၁၂ လုံးနဲ့ဆွဲလိုက်တာ ၄ ယောက်သေတယ်။ သူတို့က ရှေ့ပြေးပွိုင့် နောက်ကစစ်ကြောင်းမှာ ကျန်တာအယောက် ၃၀ လောက်ရှိတယ်”
ခလရ ၂၅၆ အနီး ကင်းစောင့်နေသူတွေ တိုက်ခိုက်ခံရလို့ စစ်မှုထမ်းဟောင်းတဦး သေဆုံး
“စစ်မှုထမ်းဟောင်း ကျောက်ခဲကတော့ အဲဒီမှာတင် သေသွားတယ်။ ကျန် ၂ ယောက်က တပ်ထဲထွက်ပြေးတာဆိုတော့ ကျနော်တို့မလိုက်တော့ဘူး။ ကျနော်တို့ လက်နက်ကောက်ပြီး ပြန်လာခဲ့တယ်”
ကနီမှာ ရိက္ခာပို့လာတဲ့စစ်ကြောင်း တိုက်ခိုက်ခံရ
"သူတို့က ရိက္ခာပို့ဖို့ အလယ်ကျွန်းရွာကို ခြေလျင်သွားတာကို ကျနော်တို့က အလယ်ကျွန်းကိုမရောက်ခင် စောင့်ကြိုတိုက်ခိုက်ခဲ့တာပါ။ နှစ်ဘက်အပြန်အလှန် ပစ်ခတ်လို့ တိုက်ပွဲကြာချိန် တနာရီခွဲလောက်ရှိ ပါတယ်"
ထန်းရည်သောက်နေတဲ့ ပျူစောထီး ၃ ဦးပစ်ခတ်ရှင်းလင်းခံရပြီး သေနတ် ၃ လက်ရရှိ
“ပျူဂိတ်နဲ့ မလှမ်းမကမ်း ထန်းရည်ဆိုင်မှာ ထိုင်နေတယ်သတင်းရလို့ ဝင်ပစ်ခဲ့တာဗျ။ ပစ္စတိုကိုင်တဲ့တယောက်က တင်းဂတ်ရွာ စကစခန့်အုပ်ကြီး ပျူ မြင့်ကြည်ရဲ့တူလို့ သိရတယ်"
စစ်စခန်းကို တိုက်ခိုက်ချိန် လေယာဥ်နဲ့ပစ်ခံရလို့ PDF တဦးသေဆုံး
“ကာကွယ်ရေးအဖွဲ့ ၃၀ ကျော်က မနက် ၆ နာရီကနေ ညနေ ၃ နာရီလောက်အထိ ဝင်ရောက်ပစ်ခဲ့တာ။ တနေကုန်နီးပါး တိုက်ပွဲပြင်းထန်ခဲ့တယ်။ ဝင်ရောက်ပစ်ခတ်ခဲ့တာမှာ စစ်ကောင်စီဘက်က ၇ ဦးသေဆုံးပြီး၊ ဒုတိယအကြိမ် Mi 35 နဲ့လာပစ်တာမှာ မဟာမိတ်အဖွဲ့ထဲက ရဲဘော်တဦး ကျဆုံးခဲ့တယ်”
နောက်ဆုံးရ သတင်းများ
02