"ဓားထိုးမှုက နှစ်မှုဖြစ်တယ်။ တမှုက ရေကစားမဏ္ဍပ်မှာ ရေကစားနေကြရင်းဖြစ်တာ။ နောက်တမှုကတော့ နေအိမ်ခြံဝန်းအတွင်းမှာ ဓားနဲ့လာဝင်ထိုးသွားတာ။ ရန်ငြှိုးကြောင့် လူသတ်မှုနဲ့ထောင်က ထွက်လာသူက လာထိုးသွားတာ"
"သိရတာက စစ်မှုထမ်းမဲပေါက်တယ်ဆိုပြီး လာပြောပြီးကတည်းက စိတ်ညစ်တယ် စစ်မှုမထမ်းချင်ဘူးပြောပြီး ထွက်သွားတယ်တဲ့။ ညပိုင်းအိမ်ပြန်လာတော့မူးနေပြီး ကြိုးဆွဲချသွားတာလို့ သိရတယ်"
"အမေနဲ့သားက အိပ်ခန်းအတွင်းမှာ အသတ်ခံထားရတယ်။ အဖေဖြစ်သူက ရေချိုးခန်းထဲမှာ အသတ်ခံထားရတယ်။ သူတို့မိသားစုက ၅ ဦးမှာ သမီး ၂ ယောက်က ပြည်ပမှာအလုပ်လုပ်နေတာ"
စစ်ကိုင်းတိုင်းဒေသကြီး၊ ကန့်ဘလူမြို့နယ် တောင်ပိုင်းအခြေစိုက် ကန့်ဘလူတိုက်နယ် ပကဖထုတ်လုပ်ရေးစခန်း မီးလောင်ကာ သိန်း ၁,၀၀၀ ကျော်ဖိုးဆုံးရှုံးသွားတယ်လို့ စခန်းတာဝန်ခံထံက သိရပါတယ်။
"မွေးကတည်းက စနစ်တကျ မွေးဖွားခွင့်မရခဲ့လို့ ဆေးရုံဘက်ကနေ အကောင်းဆုံးကုသမှုတွေပေးခဲ့ပေမယ့် ဆေးရုံရောက်ပြီး ၈ ရက်အကြာမှာ တယောက်ထပ်ဆုံးသွားတယ်။ ဆေးရုံရောက်ကတည်းက ကလေးတွေကို အထူးကြပ်မတ်ကုသဆောင်မှာထားပြီး ဆေးကုသနေတာ"
"သတင်းအရ ကျနော်တို့ဘက်က စနိုက်ပါနဲ့သွားစောင့်ပစ်တာ။ သူတို့ဘက်က ၂ ယောက်စနိုက်ပါထိတယ်။ ပစ်ခတ်မှုခဏဖြစ်တယ်။ ကျနော်တို့ပြန်ဆုတ်လာပြီးမှ စကစဘက်က လက်နက်ကြီးတွေပစ်ခတ်လာတာ ရှိတယ်"
"ကုမ္ပဏီကားနဲ့ ခဲယမ်းတွေသယ်လာတယ်လို့ သတင်းရလို့ အဲ့ကားကိုတားစစ်ဖို့လုပ်ရာမှာ နောက်ကပါလာတဲ့ ကုန်တင်ယာဥ်ကနေ အရင်ပစ်လာလို့ နှစ်စီးစလုံးကို ပစ်ခတ်ခဲ့ရတယ်။ ပစ်ပြီးတော့ ကုမ္ပဏီယာဥ် ကန်တာကားကို တက်စစ်ပြီး ခဲယမ်းနဲ့ဗုံးသီးတွေရလို့ နောက်ကုန်တင်ယာဥ်ကို စစ်ဖို့လုပ်ချိန် စကစဘက်က စစ်ကူလာတာရော၊ လက်နက်ကြီးတွေပစ်လာလို့ ပြန်ဆုတ်လာရတယ်"
"သူတို့က မိဘတွေရဲ့ဖိအား စကစအဖွဲ့တွေရဲ့ဖိအားကြောင့် တပ်ထဲရောက်ခဲ့တယ်။ အခြေခံ စစ်သင်တန်း ဆင်းထားတာတောင် မကြာသေးဘူး။ သင်တန်းတက်တာ၊ တပ်သားဖြစ်တာ စုစုပေါင်းမှ ၇ လပဲရှိသေးတယ်။ ‘စကစ လက်အောက်အမှုမထမ်းလိုတော့ဘူး။ အလင်းဝင်ချင်တယ်’ လို့ ဆက်သွယ်လာလို့ သွားရောက်ခေါ်ဆောင်လာခဲ့တာ"
ဧပြီလ ၉ ရက် ဒီကနေ့ မနက် ၈ နာရီကျော်မှာ ဝေါမြို့ဘက်ကနေ ကျိုက်ထိုဘက်ကို မောင်းလာတဲ့ စစ်ကားအစီးရေ ၂၀ ဝန်းကျင်ပါ စစ်ကောင်စီယာဥ်တန်းကို KNLA ပူးပေါင်းတပ်တွေဘက်က ခြုံခိုမိုင်းဆွဲပြီး ပိတ်ဆို့ပစ်ခတ်ခဲ့တာလို့ ဆိုပါတယ်။
သေဆုံးသူဟာ ညောင်လေးပင်မြို့နယ်၊ ကျွန်းစုကျေးရွာနေ အသက် ၄၃ နှစ်အရွယ် ဦးကျော်မိုးဖြစ်ပြီး ဧပြီလ ၇ ရက်မှာ ရန်ကုန်ကနေ သူနေထိုင်ရာကျေးရွာကို လိုင်းကားနဲ့ပြန်လာချိန် ရေကြည်ချောင်းတံတား စစ်ကောင်စီ စစ်ဆေးရေးဂိတ်မှာ ကားပေါ်ကဆွဲချခံရကာ အဲ့ဒီစစ်ဆေးရေးဂိတ်မှာ ညအိပ်ခဲ့ရတယ်လို့ ဆိုပါတယ်။
စစ်ကောင်စီလက်အောက်မှာ စစ်မှုမထမ်းလိုသူ ၅၁ဦး ကျောက်ဆည်ခရိုင်အမှတ် ၂ တပ်ရင်းကို ရောက်ရှိလာပါတယ်။
ဧပြီ ၆ ရက် ချောက်မြို့နယ်အတွင်း အပူချိန်ဟာ ၄၇.၄ ဒီဂရီဆဲလ်စီးယပ်အထိရှိနေပြီး ယခင်ဧပြီလအမြင့်ဆုံးအပူချိန်မှာ ၁၉၇၈ ဧပြီလအတွင်းက စံချိန်တင်ထားတဲ့ ၄၇.၀ ဒီဂရီဆဲလ်စီးယပ်အထိသာရှိလို့ အခုအပူချိန်ဟာ စံချိန်သစ်တင်တယ်လို့ ထုတ်ပြန်ချက်မှာ ဖော်ပြထားပါတယ်။
"တော်တော်လေးရက်ရက်စက်စက် သတ်ဖြတ်ခံထားရပုံပဲ။ ဓားဒဏ်ရာပဲ အချက်ရေတော်တော်များတယ်။ သိရသလောက်ဆို အချက်ရေ ၆၀ လောက်တောင်ရှိနိုင်တယ်"
"ပဲ ခူးဖို့သွားတဲ့အချိန် သူတို့လယ်ကွက်ထဲမှာပဲ ထိသွားတာ။ ပေါက်ကွဲသံကြားရတော့ ရွာသားတွေ ထွက်ကြည့်ကြတော့ သူ့ကိုလဲနေတာတွေ့ရတာ"
"စကစနဲ့ဆက်နွယ်သူ ဆေးဝန်ထမ်းလင်မယားကို ဖမ်းဆီးပြီးအပြန်မှာ ပစ်ခံရတာ။ တယောက်ကတော့ ပစ်ခံရပြီး နေရာမှာဆုံးသွားတယ်။ တယောက်က ပေါင်မှာထိပြီး ဖမ်းခံလိုက်ရတယ်။ ကျန်သူတွေကတော့ လွတ်မြောက်လာကြတယ်"
Sharing Information to the Local