ဇန်နဝါရီလ ၂၇ ရက်နေ့ ည ၈ နာရီကျော်ခန့်မှာ ချောင်းဦးလဝကရုံးကို ဒေသပြည်သူ့ကာကွယ်ရေးအဖွဲ့တခုက သွားရောက်မီးရှို့ခဲ့တာဖြစ်တယ်လို့ Chaung U Revolution တာဝန်ရှိသူက ပြောပါတယ်။ "ညကဒီဘက်က အဖွဲ့တခုက သွားရှို့တာ ဟုတ်ပါတယ်။ အဲဒီမစ်ရှင်သွားလုပ်တဲ့ အဖွဲ့ဘက်ကတော့ အန္တရာယ်ကင်းစွာနဲ့ ပြန်ရောက်လာပါတယ်။ သိရသလောက်ကတော့ ရုံးတော့ တော်တော်ပျက်စီးသွားပါတယ်" လို့ ပြောပါတယ်။
"သူတို့က မနေ့မနက်အစောပိုင်းကတည်းက စစ်ကြောင်းထွက်လာပြီး တနေကုန်ကင်းပုန်းဝတ်နေတာ ကျနော်တို့ကလည်း ဇွဲကောင်းကောင်းနဲ့ စောင့်နေတာ၊ သူတို့ထွက်လာလို့ ဝက်လက်ရွှဲရွာ အနောက်ဘက်လည်းရောက်ရော ကျနော်တို့က ပစ်တာမှာ သူတို့အလယ်ကောင်ကိုကျပြီး ထိကုန်တာ” လို့ ဝက်လက် Eagle Guerrilla Force အဖွဲ့ရဲ့ တပ်ရင်းမှူး ဗိုလ်ကောက်ရိုးက ပြောပါတယ်။
“အစကတော့ နယ်မြေခံတပ်ရင်းတွေ တိုက်ခိုက်နေတာ၊ ကျနော်တို့က အခြားစစ်ဆင်ရေးတခုမှာ ရောက်နေတော့ အစောပိုင်းမှာ မပါလိုက်ဘူး။ ညနေပိုင်းမှာ ကျနော်တို့ကို တပ်ကူခေါ်တယ်။ ကျနော်တို့အင်အားစုပြီး အမြန်သွားရောက်ခဲ့တယ်။ ဘန်ကာတွေကို RPG နဲ့ ပစ်တယ်။ စက်ကလေးတွေနဲ့ ပစ်တယ်။ သေတဲ့သူတွေလည်း သေတယ်။ မီးလောင်တာတွေလည်း အများကြီးပါ။ ထွက်ပြေးတာတွေလည်း ရှိတယ်”
ဇန်နဝါရီလ ၂၇ ရက်နေ့ မနက် ၉ နာရီကျော်ခန့်မှာ ချောက်ဘက်ကနေ မောင်းလာတဲ့ လိုက်ထရပ်အဖြူရောင်ယာဥ်ကို စစ်ကောင်စီဘက်က ပိတ်ဆို့ရှာဖမ်းဆီးသွားတယ်လို့ ဒေသခံတဦးက ပြောပါတယ်။ "လက်နက်တွေ ဖမ်းဆီးခံရတယ်လို့တော့ သိရတယ်။ ကားအောက်ကြမ်းခင်းထဲမှာ ထည့်ပြီးလာတာတဲ့။ ကားကတော့ ရန်ကုန်ဘက်က ကားလို့တော့ သိရတယ်။ ဘယ်နှစ်လက် ဘယ်လောက်ဖမ်းခံထိတယ် ဆိုတာကတော့ မသိရဘူး" လို့ ပြောပါတယ်။
"ပြာပုံကြီးပဲ ရှိတော့တယ်။ မနေ့ကထိကို ရှို့နေတုန်း။ ပြည်သူသေဆုံးတာတွေ ရှိတယ်။ မီးထဲပါတာတွေ၊ စစ်ကြောင်းဝင်လာလို့ ပစ်သတ်တာတွေရော၊ စစ်ကြောင်းပြန်မလှည့်သရွေ့တော့ အတိကျပြောလို့ မရသေးဘူး။ သူတို့ဘက်က ဗျူဟာမှူးကျသွားတော့ တအားကို အထိနာသွားပြီး ရမ်းသမ်းမီးတွေ ရှို့တော့တာပဲ။”
တန့်ဆည်ပင်မသပိတ်အဖွဲ့ဝင်တွေက ဦးဆောင်ပြီး တန့်ဆည်မြို့နယ်ထဲက လူဦးရေတရာကျော်ဟာ “တရားမဝင် အတုအယောင်ရွေးကောက်ပွဲ လူထုအားနဲ့ တိုက်ဖျက်ကြ” စာသားပါ ဘန်နာကိုကိုင်ဆောင်ပြီး အချိန် ၂ နာရီကြာ ဆန္ဒထုတ်ဖော်ခဲ့ကြတယ်လို့ သပိတ်မှာပါဝင်သူတဦးက ပြောပါတယ်။
ဇန်နဝါရီလ ၂၈ ရက် ဒီကနေ့မနက် ၆ နာရီလောက်မှာ မုံရွာ နမခ ကနေ ထွက်လာတဲ့ အင်အား ၅၀ ပါ စစ်ကြောင်းဟာ ရွာအစပ်ကနေ လက်နက်ကြီး ၂ လုံးနဲ့ သေနတ်တွေ ပစ်ဖောက်ကာ ဝင်ရောက်လာပြီး လက်နက်ကြီးကျည်က နေအိမ်တွေ ဘေးကိုကျပေမယ့် လူထိခိုက်မှုတော့ မရှိခဲ့ဘူးလို့ ဆိုပါတယ်။ “သေနတ်ဖောက်သံကြားမှ အကုန်လုံးပြေးရတာ၊ သူတို့က ဂျန်ဘာတွေပါလို့လား မသိဘူး။ ကျနော်တို့ဖုန်းတွေ တလုံးမှဆက်မရဘူး။ ပြေးပြီးနောက်မှ စာတွေကျလာတာ၊ ချင်းတွင်းတံတားကို ဖြတ်လာတာကို သတင်းပေးပေမယ့် ဖုန်းလိုင်းမရလို့ သတင်းမရလိုက်တာ။ ခုသူတို့လက်ထဲမှာ ခေါ်ထားတာ ရွာသား ၁၀ ယောက် ဝန်းကျင်ရှိတယ်။ အမျိုးသမီးတွေလည်း ပါတယ်" လို့ အနီးကျေးရွာရှိရွာခံတဦးက ပြောပါတယ်။
မကွေးတိုင်း၊ ဆိပ်ဖြူမြို့က မြို့နယ်ပညာရေးမှူးရုံး နဲ့ EPC ရုံးတို့ကို ဇန်နဝါရီလ ၂၆ ရက်ညပိုင်းမှာ ဒေသခံကာကွယ်ရေး တပ်ဖွဲ့ဝင်တွေက မိုင်းခွဲတိုက်ခိုက်ခဲ့တယ်လို့ သိရပါတယ်။ ည ၆ နာရီ ၄၂ မိနစ်မှာ မြို့နယ်ပညာရေးမှူးရုံး၊ ည ၆ နာရီ ၅၇ မိနစ်မှာတော့ မြို့နယ် EPC ရုံးကို မိုင်း ၁ လုံးစီနဲ့ ဖောက်ခွဲတိုက်ခိုက်ခဲ့တာလို့ သိန်းငှက်နက် ဆိပ်ဖြူတော်လှန်ရေးတပ်ဦး - B.H.S.R.F တပ်ဖွဲ့တာဝန်ခံက ပြောပါတယ်။ “ပညာရေးမှူးရုံးက ထိခိုက်မှုမရှိဘူး။ EPC ရုံးမှာက NonCDM ဝန်ထမ်း ၁ ယောက် မိုင်းစထိမှန်ပြီး ဆိပ်ဖြူမြို့နယ်ဆေးရုံ တင်ထားရတယ်” လို့ ပြောပါတယ်။
“ကျွဲကူးရေပါဆိုသလို ကျနော်တို့က ကဗျာဆရာတွေ ပန်းချီဆရာတွေ ဖြစ်တဲ့အတွက်ကြောင့် လက်နက်ကိုင်တော်လှန်ရေးလမ်းစဉ်ဖြစ်ပေမယ့်လည်း ကျနော်တို့နောက်မှာ ကဗျာတွေ၊ ပန်းချီတွေ ပါလာတယ်။ ဒီသဘောပဲ လက်ဆောင်တွေ ရတယ်။ ပန်းချီဆရာတွေကလည်း ပေးတယ်။ အဲဒါနဲ့ စခန်းမှာ ပန်းချီကားတွေ ရှိတယ်။ ဆေးခန်းလေးဖွင့်ဖြစ်တော့ သပ်သပ်ရပ်ရပ်နံရံလေးတွေ ဖြစ်ချင်တော့ ချိတ်ဆွဲမိတယ်။” လို့ MRG က မြေလတ်ဒေသပြောက်ကျား တပ်ဖွဲ့ MRG ရဲ့တာဝန်ခံ ရဲဘော်ပြေဇော် က ပြောပါတယ်။
တိုက်ခိုက်မှုအတွင်း စစ်ကောင်စီဘက်က ဗိုလ်ကြီး ၁ ဦးနဲ့ တပ်ကြပ် ၁ ဦးသေဆုံးကာ ဗိုလ် ၁ ဦးကတော့ လက်ရှိမှာဆေးရုံတက် ကုသနေရတဲ့အပြင် Ma-3 ၁ လက်၊ ကျည်ဘောက် ၁ ခု၊ ကျည် ၆၈ ထောင့်၊ စကားပြောစက် ၁ လုံး နဲ့ အင်္ကျီ ၁ ထည် တို့ကိုလည်းသိမ်းဆည်းနိုင်ခဲ့တယ်လို့ ဗိုလ်လက်ယာက ဆက်ပြောပါတယ်။
"ထုံးဘိုရွာက ဒလန် လင်မယား ၂ ယောက်က အတိအကျသတင်းပေးခဲ့တာလို့ သိရတယ်။ ရဲဘော် Doe နဲ့အတူ မစ်ရှင်လုပ်ဖို့ အထူးကွန်မန်ဒို ၅ ယောက်ပါဝင်ခဲ့တယ် ။ ရဲဘော် Doe ဟာ ရန်သူနဲ့ အနီးကပ်ဖြစ်တော့ ပစ်ခတ်ခံလိုက်ရတာပါ ။ ကျန်တဲ့အဖွဲ့သားတွေက ရဲဘော် Doe ကိုကယ်ထုတ်နိုင်ခဲ့တယ်။" လို့ ပြောပါတယ်။
ဦးအောင်ကျော်ဦးနဲ့ ဦးမြင့်ဌေးတို့မှာတော့ လည်ပင်းပြတ်ရှဒဏ်ရာနဲ့ သေနတ်ဒဏ်ရာတွေရရှိထားပြီး၊ ကျန် ၁ ဦးကတော့ ရုပ်ပျက်ဆင်းပျက်ဖြစ်နေတာကြောင့် ဘယ်သူလဲဆိုတာကို အတည်ပြုလို့မရသေးဘူးလို့လည်း ဆိုပါတယ်။
"စစ်ကောင်စီကအကြီးပိုင်းတွေနဲ့ ပြည်သူစစ်ခေါင်းဆောင်မြင့်ဆွေ(ခ)မောင်မြင့်နဲ့ ပြည်သူ့စစ်အကြီးပိုင်းတွေ သူတို့တပည့်တွေအစည်းအဝေးလုပ်နေတာ၊ လူဦးရေတော့များတယ်၊ ကျနော်တို့ရုတ်တရက်ပစ်လိုက်တော့ ၂ ယောက်တော့အဲနေရာမှာပဲသေသွားတယ်၊ လက်ဖက်ရည်ဆိုင်ပိုင်ရှင်ကလည်း စစ်မှုထမ်းဟောင်းသူလည်းအတူတူပဲ" လို့ MBT အဖွဲ့ ခေါင်းဆောင်ဗိုလ်မိုက်ခဲ ကပြောပါတယ်။
"ဆရာတော်ကိုတော့ ခုထိပြန်မလွတ်သေးဘူးလို့ သိရတယ်။ ဒုလက်ထောက်ဆရာတော်က ဆွမ်းသွားသွားပို့ပေးနေရတယ်လို့ သိရတယ်။ ဆရာတော်ကို မုံရွာမြို့မရဲစခန်းမှာဘဲ ထိန်းသိမ်းထားတယ်။ ကြားမိတာတခုက ဆရာတော်ကိုလူဝတ်လဲထားပြီလို့ ကြားတယ်။ အဲဒါကတော့ ကိုယ်တိုင်မမြင်ရလို့ အတိအကျမပြောတတ်ဘူး။ သိရသလောက်က CDM ဆရာဝန်တွေကို ဘယ်မှာရှိနေတယ်လို့ ပြောပြမှ ပြန်လွှတ်ပေးမယ်လို့သိရတယ်။ " လို့ ပြောပါတယ်။
"မိုင်းဆွဲလိုက်တဲ့အချိန်မှာ ဆိုင်ကယ် ၃ စီးကိုထိသွားတယ်။ ဆိုင်ကယ် ၁ စီးမှာက ၂ ယောက်စီလိုက်စီးကြတာ။ အဲဒီထဲကမှ ကားပေါ်အရောက်မှာ ၃ ယောက်သေတယ်ဗျ။ နောက် ၁ ယောက်ကတော့ တော်တော်လည်းပြင်းထန်ဒဏ်ရာရသွားတယ်ဗျ" လို့ဆိုပါတယ်။
Sharing Information to the Local