ဇွန် ၂၄ ရက် နေ့လယ် ၁၂ နာရီခန့်မှာ ကလေးမြို့နယ်၊ ရာဇဂြိုလ်ကျေးရွာဘက်မှ တွန်းဇံမြို့နယ်၊ ရှာလ်ထောဇန်ရွာဘက်သို့ မောင်းလာတဲ့ အိမ်စီးကား ၁ စီးဟာ ဘီးချော်ကာ တံတားအောက်ကို ပြုတ်ကျသွားပြီး အသက် ၅၀ အရွယ် ယာဥ်မောင်း ဦးမာန်ခင်း အပါအဝင် ၇ဦးသေဆုံးခဲ့တယ်လို့ ဒေသခံတဦးက ပြောပါတယ်။
“သူတို့ ၂ ယောက်က အရပ်ဝတ်နဲ့ဖုန်းသွားဝယ်တာ။ သူတို့မှာ Gun အစစ်တလက်နဲ့ လက်လုပ်တလက် ပါသွားတယ်။ အလောင်းကိုတော့ ပြန်ရတယ်၊ လက်နက်တွေတော့ ပြန်မရခဲ့ဘူး” လို့ အမေ့သား Local PDF တပ်ဖွဲ့ (စစ်ကိုင်း)ခေါင်းဆောင် ကိုဘိုလေးက မြေလတ်အသံကို ပြောပါတယ်။
မြောင်မြို့နယ်ရှိ ရွာ ၃ ရွာအတွင်း အမျိုးသားညီညွတ်ရေးအစိုးရလက်အောက်ခံ ပညာရေးဝန်ကြီးဌာနရဲ့ ကြားကာလ ပညာသင်ကြားရေးမှာ စာသင်ပေးနေတဲ့ ဆရာ/မ ၃၄ ဦးကို ဇွန်လ ၂၃ ရက်မှာ ရိက္ခာထောက်ပံ့ပေးခဲ့တာလို့ ဆိုပါတယ်။
"သူတို့က ရပ်ကွက်ကြီး ၆ မှာနေတာ။ အဝတ်အစားဝယ်မယ်ဆိုပြီး ညီအမ ၂ ဦးနဲ့ သူတို့ရဲ့ သူငယ်ချင်းကောင်လေး ၁ ဦးက မြို့ထဲကို စက်ဘီးနဲ့လာကြတာ။ အပြန်ကြတော့ မြို့ရှောင်လမ်းကနေ ပတ်ပြန်ရင်းက ရေတွေ့လို့ ဆင်းကူးကြတာနေမယ်"လို့ ဒေသခံတဦးက ပြောပါတယ်။
“ရန်သူစစ်ကြောင်း ပြန်ဆုတ်ခွာပြီး တာဝန်ကျရာနေရာကနေ ပြန်လာတဲ့ ရဲဘော်တွေကို ပြည်သူတွေက ကြိုဆိုတာပါ၊ ရန်သူ စစ်ကောင်စီတပ်က ကြားဖြတ်တိုက်ခိုက်ခံရတော့ သူတို့မှာ သေဆုံးသူ၊ ဒဏ်ရာရသူတွေရှိလာတော့ ရှေ့ဆက်မသွားတော့ဘဲ ပျူရွာထဲ ပြန်ဝင်သွားတယ်” လို့ ကိုပြည့်ဖြိုးကျော်က မြေလတ်အသံကို ပြောပါတယ်။
"ခြေထောက်ပြတ်တဲ့ ၂ ကောင်လုံး ဗိုလ်အဆင့်ရှိတယ်လို့ မြေပြင်ကင်းထောက်တွေက ပို့လာတယ်။ ခြေထောက်ပြတ်တဲ့ကောင်တွေလည်း သေဖို့များတယ်" လို့ နတ်ဆိုး (မြေအောက်တော်လှန်ရေး တပ်ဖွဲ့) တာဝန်ရှိသူက မြေလတ်အသံကို ပြောပါတယ်။
"စစ်ကြောင်းကရွာနားကို ရုတ်တရက်ရောက်လာတော့ ရွာသားတွေလည်း အလျင်အမြန်ပြေးကြတာ။ အဲ့ဒီမှာစစ်တပ်ကပစ်တဲ့ လက်နက်ကြီးထိလို့ အမျိုးသမီးတယောက်သေပြီး ၈ ယောက်ဒဏ်ရာရတယ်။ ဒဏ်ရာရသူတွေရဲ့အခြေအနေကို အသေးစိတ်မသိသေးဘူး"
ဝက်လက်မြို့နယ်မှာ မေလ ၁၇ ရက်က စစ်ကောင်စီတပ်က မီးရှို့ဖျက်ဆီးခဲ့လို့ အိုးမဲ့၊ အိမ်မဲ့ဖြစ်ခဲ့ရတဲ့ ဒေသခံဦးရေ ၅၀၀ ကျော်ရှိတဲ့ အိမ်ထောင်စု ၁၀၀ အတွက် တအိမ်ထောင်လျှင် ကျပ် ၂၅,၀၀၀ နှုန်းနဲ့ စုစုပေါင်း ထောက်ပံ့ငွေ ကျပ် ၂၅ သိန်း ကူညီပေးခဲ့တယ်လို့ ဝက်လက်မြို့လူထုသပိတ်တိုက်ပွဲဦးဆောင်ကော်မတီဝင် ကိုလွင်မိုးသန့်က မြေလတ်အသံကို ပြောပါတယ်။
"သိုက်ပွဲမျှောတာတဲ့။ ရေကလည်း တက်ထားတာသိပ်မကြာသေးတာကို သူကလည်းဆင်းတာ။ ရေနည်းနည်းနက်တဲ့အထဲရောက်ပြီး လူပါမြုပ်သွားတာတဲ့။ လေး၊ ငါးခါလောက်ပေါ်လိုက်မြုပ်လိုက် ဖြစ်သေးတယ်လို့ သိရတယ်"
"နေဝင်းခြံဝန်းထဲမှာထားတဲ့ ဆိုင်ကယ်တွေအခိုးခံရတာပါ။ ညအချိန်ခြံဝန်း တံခါးတွေ သော့တွေကိုဖျက်ဝင်ပြီးခိုးတာပါ။ ခိုးယူခံရတဲ့ဆိုင်ကယ်တွေက အကုန်လုံးယိုးဒယားဘီးတွေပါ။ ကြို့ပင်ကောက်မြို့ပေါ်မှာ ဆိုင်ကယ်သူခိုးတွေ အတင့်ရဲလွန်းနေပါတယ်။ ဒါကကျနော်တိတိကျကျသိတဲ့ ဆိုင်ကယ်ကိုပြောတာ။ ကြို့ပင်ကောက်မှာ နောက်ထပ်ခြံဝန်းထဲမှာ ရပ်ထားရင်းပျောက်တဲ့ ဆိုင်ကယ်စီးရေ မနည်းတော့ဘူး"
“၂၀၂၂ ဒီဇင်ဘာလက ဆေးတိုက်ခဲ့တဲ့ရွာတွေကို အခုပြန်တိုက်တာပါ။ ၆ လတကြိမ် ကျနော်တို့ ပုံမှန်တိုက်မှာပါ။ အခုလိုတိုက်တာကလည်း ကျနော်တို့သပိတ်အဖွဲ့ရဲ့အစီအစဉ်နဲ့ တိုက်တာပါ။ ဘယ်အဖွဲ့က ညွှန်ကြားလို့လုပ်ခိုင်းလို့ လုပ်တာမဟုတ်ပါဘူး”
"လည်ပင်းလည်း လှီးခံထားရသလို သေနတ်နဲ့လည်း ပစ်သတ်ခံထားရတဲ့ အခြေနေရှိတယ်။ ဖမ်းပြီးစစ်မေးပြီးမှ သတ်လိုက်တာလားတော့ မသိဘူး။ သူက ရွာအခေါ်ဆိုရင်တော့ ဗိန္ဒောဆရာပေါ့၊ ဆေးကုတာတွေလည်းလုပ်တယ်။ ခုလည်း ဆေးကုရာကနေ အပြန်အသတ်ခံရတာဖြစ်နိုင်တယ်"
“စရှို့တဲ့နေ့တောင် မေ့နေပြီ၊ ပွဲဖြစ်တဲ့နေ့ကနေ ဒီနေ့ထိပါပဲ ရှို့နေကြတာ။ ကြားထဲမှာ ၃ ရက်လောက် မရှို့ဘဲထားသေးတယ်။ ဒီနေ့မှ ကနဦးပြန်ရှို့တာ၊ သူတို့စရှို့တုန်းက မလောင်ဘဲကျန်ခဲ့တဲ့ အကျန်တွေကို ထပ်ရှို့တာနေမှာ”
“ဘယ်နေရာမှာမိုင်းဆွဲလဲ ဆိုတာကိုတော့ ပြောပြလို့မရပါဘူး။ ထိခိုက်မှုတွေတော့ရှိနိုင်တယ်။ ကျနော်တို့စုံစမ်းနေတုန်းပါ။ မိုင်းဆွဲလိုက်တော့ ပထမ ကားတစီးကို ထိသွားတယ်။ ကားမိုင်းထိပြီ မသေတဲ့သူတွေက လက်နက်ငယ်တွေနဲ့ ရမ်းပစ်တယ်”
"သူတို့ဘက်က ဘာသတင်းရထားလဲတော့ မသိဘူး။ စစ်ရေးဗျူဟာ ပြောင်းလာတယ်လို့ ပြောရမယ်။ ခု ရက်ပိုင်းမှာ အင်အား ၅၀၀ လောက်ထပ်ဖြည့်လာတယ်။ လမ်းဟောင်းတလျှောက်မှာရှိတဲ့ သူတို့ စစ်ဆေးရေးဂိတ်တွေကို ဖြုတ်လိုက်ပြီးတော့ စစ်တောင်းမြစ်နဲ့ ပဲခူးရိုးမကြားကို တပ်စွဲနေရာတွေလုပ်ပြီး ကာလိုက်တဲ့ သဘောလုပ်နေတယ်"
Sharing Information to the Local