“အိမ်တိုင်လုံးကျွတ် မျောတာတွေလည်းရှိတယ်။ (ရေက) နည်းနည်းတော့ လိုက်ကျနေတယ်။ ဒါပေမယ့် အောက်ဘက်ခြမ်းတွေဆို အဝေရာဆည်တို့ ပေါင်းလောင်းဆည်တို့ဘက်တွေက ညဘက်ကရေလွှတ်တယ်ဆိုတော့ အဲ့ဘက်ကြောတွေမှာတော့ ရေများနေတယ်။ ပိတ်မိတာတွေရှိတယ်။ အကိုတို့သတင်းအရဆို ထောင်ချီလိမ့်မယ်
"လက်ရှိအခြေနေကတော့ ဟိုဘက်ဒီဘက် ပိတ်ထားတယ်။ ရေက တအားကိုတက်နေပြီ။ တံတားကျိုးပြီး အကုန်မြုပ်နေတယ်။ ရေက ကားလမ်းပေါ် ၃ ပေလောက်ရှိနိုင်မယ်။ (ကားတွေ) အကုန်ပိတ်ထားပြီ"
“မနေ့က (စက်တင်ဘာ ၁၂) ညနေ ၄ နာရီနောက်ပိုင်းလောက်ကနေ တညလုံးနီးပါးပဲ ရေတက်လာတာ။ သွားလာလို့ မရတော့အောင် ဖြစ်သွားပြီ။ ဒိုးအင်းရွာထဲမှာလည်း လာကယ်မဲ့သူကမရှိ။ ကျနော် ညကတည်းက လိုက်ပြီးတော့ (ဖုန်း)ပတ်ဆက်နေတာ မနက်အထိပဲ။ ဘုန်းတော်ကြီးကျောင်းရဲ့ ဆင်းဆင်းချင်းမှာ လှေကား ၉ ထစ်ရှိတယ် အခု ၄ ထစ်ပဲပေါ်တော့တာ။ ”
“အခုပဲ ကျနော့ဦးလေးအိမ် ရေထဲလိမ့်ပါသွားတယ်။ တမံအဆင်း မြစ်ကမ်းဘေးကလေ။ လက်ရှိအချိန်အထိတော့ ရေကမတိုးဘဲ တန့်နေတယ် “
နေပြည်တော်ကောင်စီနယ်မြေအတွင်းရှိ တပ်ကုန်း၊ ဇေယျာသီရိ၊ ပုဗ္ဗသီရိ၊ ပျဥ်းမနား၊ လယ်ဝေးမြို့နယ်တွေ ရေကြီးရေလျှံဖြစ်မှုမှာ ပြည်သူ ၁၉ ဦးသေဆုံးကြောင်း ကနဦးသတင်းရရှိထားတယ်လို့ မြန်မာနိုင်ငံ မီးသတ်ဦးစီးဌာနက ထုတ်ပြန်ထားပါတယ်။
" အရင်ရက်တွေကရွာတယ် အရမ်းမများဘူး။ နှစ်ရက် သုံးရက်လောက်ကပေါ့။ လွန်ခဲ့တဲ့ လေးငါးနှစ်က အဲ့လိုတခါဖြစ်ဖူးတယ်။ ခုလောက်တော့ မဆိုးဘူး။ ဒီတခါ ရေတော်တော်များတယ်။"
ပဲခူးတိုင်း၊ တောင်ငူခရိုင်အတွင်းရှိ တောင်ငူ၊ အုတ်တွင်း၊ ရေတာရှည်၊ ထန်းတပင်မြို့နယ်နဲ့ ဖြူးမြို့နယ်တို့မှာ ရေကြီးရေလျှံဖြစ်နေပြီး ကျေးရွာနဲ့ရပ်ကွက်ပေါင်းရာချီ ရေဘေးသင့်နေကာ လူသေဆုံးမှုလည်း ရှိနေတယ်လို့ ဒေသခံတွေဆီက သိရပါတယ်။
"ည ၆ နာရီလောက်ကစပြီး ရေတက်တာ။ ည ၈ နာရီလောက်တော့ လှေကားသုံးထစ်လောက်မြုပ်လာပြီး ညလယ်လောက်မှာ အောက်ထပ်မြုပ်ပြီး အိမ်ပေါ်ထိရေတက်လာနေတာ။ အိမ်က ၁၈ ပေအမြင့်လောက် ရှိတယ်။ အိမ်သေးလေးတွေဆို အကုန်မြုပ်တယ်။ အိမ်အမြင့်ဆိုရင် အပေါ်ထပ်တောင် ရေတက်တယ်။"
“မြေပြိုကျပြီး သစ်ပင်ပါ လမ်းပေါ်လဲကျတာ။ ပရဟိတအဖွဲ့တွေ မီးသတ်တွေလာရှင်းသွားလို့ လမ်းကိုပြန်ပြီး အသုံးပြုနေပါပြီ။”
ရမည်းသင်းမြို့နယ်၊ ဆည်ကြီးကျေးရွာအုပ်စု၊ ဆည်ကြီးကျေးရွာက အမျိုးသား ၁ ဦး၊ ညောင်အိုင်ကျေးရွာက အမျိုးသမီး ၁ ဦး၊ မြင်းနားကျေးရွာအုပ်စု၊ ကံသာအေးကျေးရွာက အမျိုးသား ၂ ဦးနဲ့ အမျိုးသမီး ၄ ဦး၊ ရွှေနန်းပေါ်ကျေးရွာက အမျိုးသမီး ၁ ဦး၊ ဝါးဖြူတောင်ကျေးရွာအုပ်စု၊ ချောင်းဖျားကျေးရွာက အမျိုးသမီး ၁ ဦး စုစုပေါင်း ၁၀ ဦးသေဆုံးခဲ့တာပါ။
"ရေက ဆက်တက်နေတုန်း။ ရေဘေးသင့်လူဦးရေတွေက အရမ်းများနေတယ်။ လက်ရှိလည်း ကယ်ထုတ်နေရတုန်း။ ရေဘေးသင့်လူဦးရေက တခရိုင်လုံးဖြစ်နေပြီး အရမ်းများနေတယ်။ ထောင်ပေါင်းများစွာရှိနေတယ်။"
“လမ်းပေါ်ရေကျော်တယ်ဆိုပေမယ့် ကားလေးတွေ ဖြည်းဖြည်းချင်းသွားလို့ ရတယ်။ အခုတော့ ရေစီး ချောင်နေတယ် မနက်ဖန်ဆို ရေလုံးဝကျသွားနိုင်တယ်၊ မိုးအရမ်းရွာရင်တော့ ပြောလို့ မရဘူး။”
" နှစ်ထပ်အိမ်တွေဆို အောက်တထပ် မြုပ်နေပြီ။ အခုတောင် အိမ်ခေါင်မိုးပေါ် တက်နေနေရတယ်။ တညလုံးလည်း မိုးရေထဲမှာနေနေကြတော့ ချမ်းနေကြပြီ။ ကူညီကယ်ဆယ်ရေးတွေလည်း မရောက်လာသေးဘူး။ ရေကလည်း ထပ်တက်နေတယ်"
"ဖြစ်တဲ့အချိန်က မိုးကြိုးပစ်သံက သုံးလေးချက်ကြားရတယ်။ မိုးကလည်းကောင်းတယ်။ မနက်ကျမှ စေတီတော် မိုးကြိုးထိတာသိရတာ။"လို့ ဒေသခံတဦးကပြောပါတယ်။
ဒီကနေ့ မနက်အစောပိုင်း ၃ နာရီခွဲကနေ ၆ နာရီအထိ မိုးအဆက်မပြတ်ရွာပြီး ရေတက်လာတာကြောင့် ကျားသစ်နက်တပ်မတော် အထိုင်စခန်းမှာရှိတဲ့ ပွိုင့်ဖိနပ် ၁၈ ရံ၊ Equipment နဲ့ ကျည်ကာပြား ၈ စုံအပြင် လက်နက်ခဲယမ်းတချို့လည်း ရေနဲ့မျောပါပြီး ကာလတန်ဖိုး သိန်း ၁၇၀ ကျော်ခန့် ဆုံးရှုံးခဲ့ရတယ်လို့ ဆိုပါတယ်။
Sharing Information to the Local