မန္တလေးတိုင်း၊ စဉ့်ကူးမြို့နယ်အတွင်းက ကျေးရွာတွေနဲ့ စစ်ရှောင်နေရာတွေမှာ ဇွန်လနှောင်းပိုင်းကစလို့ ဧရာဝတီမြစ်ရေ ကြီးလာတာကြောင့် ဒေသခံပြည်သူတွေနဲ့ စစ်ရှောင်တွေမှာ အခက်အခဲမျိုးစုံကြုံတွေ့နေကြရတယ်လို့ ရွှေဘိုမြို့နယ် လွတ်လပ်သောထောက်ပို့ရေးအဖွဲ့ ဆီက သိရပါတယ်။
မုံရွာမြို့နယ်မှာ ဇူလိုင် ၇ ရက်ကစပြီး ချင်းတွင်းမြစ်ရေတက်ရာကနေတဆင့် ရွာပေါင်း ၂၀ ကျော် ရေဘေးသင့်ခဲ့ရတာဖြစ်ပြီး Monywa Nightking အဖွဲ့နဲ့ နီးစပ်တဲ့ ရွာကရေဘေးသင့် ပြည်သူ ၃၀၀ အတွက် ညစာ ကြက်ဥကြော်၊ ပဲတီချဥ်၊ ပဲငပိငရုပ်သီးကြော်နဲ့ ထမင်းတနပ်လှူဒါန်းခဲ့တာလို့ ဆိုပါတယ်။
“ရေတအားဝသွားရင်(ရေများသွားရင်) ကွမ်းခြံက ပျက်တာပဲ။ မြုပ်တာကတော့ ခြံပေါင်းပြောမယ်ဆို ၅၀၀ ကျော် ၁,၀၀၀ လောက်တော့ မြုပ်နေတယ်။ မြစ်ကမ်နား တောက်လျှောက်တွေပေါ့။ (ဆားလင်းကြီးက) ကွမ်းခြံတော်တော် စိုက်ကြတယ်။”
“မြစ်ကြီးနားကလည်း ရေကမကျသေးတော့ ဆက်ပြီးတော့ တိုးဖို့ပဲကျန်တော့တယ်။ တကယ်လို့ ရေဆက်တိုးလာရင်တော့ ကယ်ဆယ်ရေးတွေလာရင်လာ မလာရင်တော့ ဖြစ်သလိုပဲနေရတော့မယ်။ ဘုန်းကြီးကျောင်းမှာလည်း ရေဝင်နေပြီ။ လူတွေထက် နွားတွေက ပိုဆိုးတယ်။ နွားတွေကျတော့ ရေတက်သွားရင် ဘယ်မှ ထားစရာမရှိဘူး။ ရေပေါ်လည်း ရပ်လို့မရဘူးလေ ကုန်းတွေက ရေမြုပ်ကာနီးပြီ ဒီထက် ရေတထွာတမိုက်လောက် တက်လာရင် ရွာထဲနေလို့မရတော့ဘူး ”
"ရွာတွေမှာက ရေကြီးနေတာက ၁၀ ရက်လောက်ရှိနေပြီ။ အချို့အိမ်ခေါင်မိုးပေါ်ရုံပဲ ရှိတော့တာ။ ရေကလည်းဆက်တိုးနေတော့ ပိုက်ဆံရှိရင်တောင်သွားလာဝယ်စားဖို့မဖြစ်တော့ ရေဘေးရှောင်ပြီး စုနေနေတဲ့နေရာတွေမှာ ရိက္ခာပြတ်လာနေပြီ။ အဲ့ဒီဘက်အခြမ်းကို အကူအညီတွေလည်းမရောက်ဘူး"
"ရွာတွေမှာက ရေကြီးနေတာက ၁၀ ရက်လောက်ရှိနေပြီ။ အချို့အိမ်ခေါင်မိုးပေါ်ရုံပဲ ရှိတော့တာ။ ရေကလည်းဆက်တိုးနေတော့ ပိုက်ဆံရှိရင်တောင်သွားလာဝယ်စားဖို့မဖြစ်တော့ ရေဘေးရှောင်ပြီး စုနေနေတဲ့နေရာတွေမှာ ရိက္ခာပြတ်လာနေပြီ။ အဲ့ဒီဘက်အခြမ်းကို အကူအညီတွေလည်းမရောက်ဘူး"
၅ နှစ်ကျော်အကြာ ရေကြီးမှုမဖြစ်ခဲ့တဲ့ မုံရွာတောင်ပိုင်း အမှတ် ၄ နယ်မြေနဲ့ ဘုဘရွာ၊ ချမ်းသာကျွန်းရွာ၊ ပန်းခြံရွာ၊ ကျွန်းကြီးအုပ်စုရွာ၊ ညောင်ဖြူပင်ရွာ၊ မှန်ရိုးကုန်းရွာ၊ ချောင်းကောက်ရွာ စတဲ့ရွာတွေအပါအဝင် ကျေးရွာပေါင်း ၂၀ ကျော်မှာ ချင်းတွင်းမြစ်ရေမြင့်တက်လာတာကြောင့် ရေကြီးရေလျှံဖြစ်နေကြတာပါ။
ယမန်နေ့က စစ်ကိုင်းမြို့ မြေအနိမ့်ပိုင်းနေရာ မြို့ပေါ်ရပ်ကွက်နဲ့ကျေးရွာ ၂၀ ခန့်ကို ရေဝင်ရောက်နေတာကနေ ဒီကနေ့မှာ စိုးရိမ်ရေမှတ်အထက် ၁ ပေနီးပါးမြင့်တက်လာတာကြောင့် ရေကြီး၊ ရေလျှံမှုဖြစ်တဲ့ရပ်ကွက်တွေနဲ့ ကျေးရွာတွေတိုးလာသလို အနိမ့်ပိုင်းနေရာတွေမှာ နေအိမ်တွေပါနစ်မြုပ်လာတာ လို့ ဆိုပါတယ်။
“ရေဝင်တာလည်း မတရားမြန်တယ်၊ စောလည်းစောတယ်၊ မနှစ်က ရေကြီးတဲ့ စံချိန်ကိုတောင် ကျော်သွားပြီ၊ မနှစ်က ကျနော်တို့နေတဲ့နေရာ ရေမရောက်ဘူး၊ ခုရေက ပေါင်လယ်လောက် ရောက်နေပြီ” လို့ ရေဘေးကြုံနေရတဲ့ ပြည်သူတဦးက ပြောပါတယ်။
Sharing Information to the Local