“အဖိုးကြီး ၁ ယောက်ကတော့ ဒီအတိုင်းပဲ ဒဏ်ရာနဲ့သေသွားတယ်။ အဖွားကြီး။ ၁ ယောက်ကတော့ ဗုံးဒဏ်မခံနိုင်လို့ လေရိုက်ပြီးသေသွားတယ်။ နောက်ထပ်အမျိုးသမီး ၂ ဦး ထိခိုက်ဒဏ်ရာရတယ်။ ပြည်သူတွေက ပြေးချိန်တောင် မရလိုက်ဘူး။”
“လေယာဉ်နဲ့ လုပ်မှတော့ ပြည်သူတွေက ကြောက်ရွံ့ကြတာပေါ့။ အများစုကတော့ ရှောင်ကြတာပေါ့ ။ စာသင်ကျောင်းကိုလာကြဲတဲ့အခေါက်မှာ ကံကောင်းသွားတာက ညဘက်ဆိုတော့ ကလေးတွထိခိုက်တာတွေမရှိတာ ” လို့ အထက်ပါတာဝန်ရှိသူက ဆက်ပြောပါတယ်။
အပြန်အလှန်ပစ်ခတ်နေစဉ် နေ့လယ် ၁၂ ခွဲလောက်မှာ အေလာလေတပ်က နေထွက်လာတဲ့ ဂျက်ဖိုက်တာတစီး နဲ့ မိတ္ထီလာလေတပ်ကနေထွက်လာတဲ့ ဂျက်ဖိုက်တာတစီးဟာ တပြိုင်နက်တည်းရောက်ရှိလာပြီး လေကြောင်းတိုက်ခိုက်မှု ပြုလုပ်သွားလို့ ကာကွယ်ရေးတပ်ဖွဲ့ဝင် ၁၃ ဦးဒဏ်ရာရခဲ့တယ်လို့ CDSOM မြောက်ပိုင်းတိုက်ခိုက်ရေး ဗိိုလ်စင်္ကြာက ပြောပါတယ် ။
"အဲဒီရဲစခန်းမှာ အင်အား ၄၀ ဝန်းကျင်လောက်ပဲ ရှိတယ်။ ထွက်ပြေးကြတဲ့ သူတွေလည်းရှိတယ်။ လိုက်ရှာပြီးပစ်တော့ လေကြောင်းပစ်ကူလာတာနဲ့ ကျနော်တို့ နားလိုက်ရတယ်။"
“ဒီနှစ်ထဲမှာပဲ ကျနော်တို့တောင်ငူလေတပ်စခန်းကို ပစ်တာ ၃ ကြိမ်လောက်ရှိပြီ။ မနေ့က သွားပစ်တော့ ထိခိုက် ပျက်စီးတာတွေရှိတယ်။ ကျနော်တို့သေချာအောင် ကွန်ဖန်း လုပ်နေတုန်း။ ပစ်ခတ်မှုတွေပြီးတဲ့ အချိန်မှာလည်း သူတို့(စစ်ကောင်စီ) သံသယရှိတဲ့ဧရိယာတဝိုက်ကို ဒရုန်းနဲ့ပတ်ကြည့်တယ်။”
မကွေးတိုင်း၊ ရေစကြိုမြို့၊ အထက(၁) စာသင်ကျောင်းအနီးမှာရှိတဲ့ စစ်ကောင်စီတပ်သားတွေ ပစ်ခတ်ခံရပြီး ထိခိုက်သေဆုံးသူတွေရှိခဲ့သလို လမ်းသွားပြည်သူတချို့လည်း ထိခိုက်သေဆုံးခဲ့တယ်လို့ ဒေသခံကာကွယ်ရေးတပ်ဖွဲ့တွေဆီက သိရပါတယ်။
“တိုက်ပွဲလည်းမရှိသေးဘူး။ သတင်းတွေကတော့ အမျိုးမျိုးထွက်နေကြတာ့ သူတို့ကိုတိုက်မှာဆိုးလို့ ပစ်တာနေမှာ အင်းတော်တို့ဘာတို့လည်း မြို့သိမ်းတွေလုပ်တော့ ထီးချိုင့်လည်းလုပ်လိုက်မယ်ခန့်မှန်းချက်နဲ့ လာပစ်တယ်လို့ ယူဆလို့ရတယ်”
“ ဘုန်းကြီးကိုယ်တိုင်က ပျုခေါင်းဆောင်။ ပစ်ခတ်မှုမှာ (စကစဘက်က)ကျဆုံးသွားတဲ့သူတွေ ရှိတယ်။ အရေအတွက် အတိအကျကိုတော့ မသိရသေးဘူး။ ကျနော်တို့ဘက်ကတော့ ရဲဘော် ၃ ယောက်ဒဏ်ရာရတယ် မစိုးရိမ်ရဘူး။”
“မနေ့က စခန်း ၂ ခု ရတယ်။ ၁၂ နာရီ ၅ မိနစ်မှာ တခုရတယ်။ ၁ နာရီ ၃၅ မှာ တခုရတယ်။ ထွက်ပြေးတဲ့ စကစ တချို့က ကျောမြို့ထဲကိုဝင်သွားတယ်။ (ရဲဘော်)ကျတာကတော့ ကျနော်တို့ ပွိုင့်ဘက်မဟုတ်တော့ တိတိကျကျမသိရဘူး။”
“ဆုံးသွားတဲ့ ဦးလေးက ဒူးခေါင်းအပေါ်က ဂုံညင်းအဝိုင်းကြီးကို ပြတ်ထွက်သွားတယ်။ တော်တော်များများထိတာ။ လက်ကောက်ဝတ် ပြတ်တယ်။ ခါးအောက်ပိုင်းတွေလည်း အကုန်ပေါက်ထွက်သွားတာ။ သူအိပ်တဲ့နေရာကိုကျတာ။ အိမ်က အမိုးတွေဘာတွေ စုတ်ပြတ်သတ်သွားတာ”
“အင်အား ၅၀ လောက်က လုံခြုံရွာထဲကိုဝင်ပြီး ရွာအရှေ့ဘက် ကတ္တရာလမ်းဘေးမှာရှိတဲ့ အိမ် ၇ လုံးကို မီးရှို့သွားတာ။ ၁ လုံးပဲ မီးလောင်ကျွမ်းသွားတာ။ ကျန်တဲ့ အိမ်တွေကတော့ အနည်းငယ်ပဲ လောင်သွားတာ။ အောင်မြင်ရွာကနေလည်း လောင်စာဆီတွေကို ကား ၂ စီး နဲ့ သယ်သွားသေးတယ်။”
“တပ်ရင်းမှာပဲ တော်လှန်ရေးပြီးသည်အထိ တာဝန်ထမ်းဆောင်နိုင်တဲ့ သူတွေကို ကျနော်တို့အနေနဲ့ သင်တန်းတက်ရောက်ခွင့်ပေးတယ်။ ဒီသင်တန်းပြီးသွားတဲ့ ရဲဘော်တွေကိုလည်း ကျနော်တို့ အနေနဲ့ သူတို့ သက်ဆိုင်ရာကျေးရွာတွေကို မပို့ပါဘူး။ တပ်ရင်းမှာပဲ ထားပြီးတော့ ဒီတပ်ရင်းရဲ့ COC အောက်မှာပဲ သူတို့ တာဝန်ထမ်းဆောင်ရမှာပါ ”
“၉ ယောက်ကတော့ ပွဲချင်းပြီးဆုံးသွားတယ်။ ကျန် ၂ ယောက်ကတော့ ဆေးရုံရောက်မှဆုံးတာ။ ဒဏ်ရာရတဲ့သူတွေကိုတော့ လောလောဆယ်ဆေးကုသမှုခံယူနေရတယ်။ ကျနော့်ကားနဲ့ ၄ ယောက်ခေါ်သွားတာ ၂ ယောက်က ပြန်ခေါ်လာခဲ့ရတယ်။ ဒီမနက်အဖြစ်အပျက်ဟာ တကယ့်ငရဲခန်းထဲ ရောက်နေသလိုပဲ။”
ခမရ ၁၅ ကနေ လက်နက်ကြီး ၂ လုံးနဲ့ ပစ်ခတ်ခဲ့ရာ ၁ လုံးမှာ မြင်းနီပိုင်းက နေအိမ် ၁ လုံးရဲ့ အုတ်တံတိုင်းကို ထိမှန်ခဲ့ပြီး နောက် ၁ လုံးကတော့ နွားစာတဲထဲ ကျရောက်ပေါက်ကွဲသွားတဲ့အတွက် နေအိမ် ၁၈ လုံး မီးလောင် ပျက်စီးသွားတယ်လို့ ဆိုပါတယ်။
" သူတို့က လမ်းသွားရင်း ထိတာ။ ၁ ယောက်ကတော့ ခါးပါပြတ်သွားတာ။ လက်နက်ကြီးက သူတို့ ၂ ယောက်နားကိုကျတာ။ တော်တော်များများကို ထိသွားတာ။ ကျန်တဲ့ ဒဏ်ရာရတဲ့သူတွေကတော့ ဆေးကုသမှုခံယူနေကြရတယ်။ စိုးရိမ်ရတဲ့အနေအထားတော့ မရှိကြဘူး"
Sharing Information to the Local