စစ်ကိုင်းတိုင်း၊ ဘုတလင်မြို့ပေါ်က နေရာသုံးခုမှာ အထိုင်ချတပ်စွဲနေတဲ့ စစ်ကောင်စီတပ်သားတွေကို ဇွန် ၂၇ ရက် ညနေမှာ ပူးပေါင်းပြည်သူ့ကာကွယ်ရေး တပ်ဖွဲ့တွေက တိုက်ခိုက်ခဲ့လို့ ထိခိုက်သေဆုံးသူတွေ အများအပြားရှိတယ်လို့ အာဏာရှင်တော်လှန်ရေးပြည်သူ့တပ်မတော် - ADPRA ရဲ့ သတင်းပြန်ကြားရေးတာဝန်ခံက ပြောပါတယ်။
"ကျနော်တို့ ၂ ဖွဲ့ခွဲပြီး အလစ်အငိုက်ဝင်တိုက်ခဲ့တာပါ။ ဝင်ပြီးတိုက်ခိုက်တဲ့အချိန်မှာ ဂိတ်စောင့်နေတဲ့ ပျူစောထီးတဦး ဗိုက်ကျည်ဖောက်ထွက်သွားတယ်။ သေတော့ မသေနိုင်ဘူး။ ဗိုက်ပွင့်ပြီးတော့ ရေစကြိုမြို့ ဆေးရုံမှာ ဆေးကုနေရတယ်။"
“အရာရှိ ပြုံးမောင်မောင်က နန့်သာမှာ ထိုင်တဲ့ထဲကဆို အကြီးဆုံးပေါ့နော်။ (စကစဘက်က) အကုန် အသေချည်းပဲ မိတာ။ တယောက်ကတော့ လွတ်သွားပြီး ပြန်ဖမ်းမိတယ် ကြားတယ်။ စခန်းသိမ်းပြီးတော့ လေယာဉ်လာပစ်တာ ၂ လုံးကြားရတယ်။”
နန့်သာရွာဘုန်းကြီးကျောင်း (အောက်ကျောင်း) မှာအထိုင်ချတပ်စွဲနေတဲ့ စစ်ကောင်စီနဲ့ ပျူစောထီး အင်အား ၂၀ ဝန်းကျင်ကို ဇွန်လ ၂၂ ရက်ကတည်းက ထိုးစစ်ဆင်တိုက်ခိုက်နေတာဖြစ်ပြီး ဇွန်လ ၂၈ ရက် ဒီကနေ့ မနက် ၇ နာရီခွဲကျော်မှာ တိုက်ခိုက်နိုင်ခဲ့တာလို့ ဆိုပါတယ်။
"ဆင်ချောင်းရွာက လူတွေက အစောပိုင်းကတည်းက ပြည်သူ့စစ်အဖွဲ့ဝင်ကြတာ။ ငလင်းရဲ့အိမ်နားပတ်ချာလည်ချတာ။ ငလင်းအိမ်ကို လုံခြုံရေးယူပေးနေတာကြားလို့ သူ့အိမ်နဲ့ လက်နက်ဂိုထောင်နားကို ကြဲချခဲ့တာ"
"ကပစ က ၂ ယောက်၊ လက်ရုံးတပ်က ၂ ယောက်လို့တော့ အခုသိရပါတယ်။ သက်ဆိုင်ရာက ခေါ်သွားပါပြီ"
မန္တလေးတိုင်းနယ်စပ်နဲ့ ရှမ်းမြောက်ဒေသတို့မှာ ဇွန် ၂၅ ရက်ကစပြီး ၁၀၂၇ စစ်ဆင်ရေး ပြန်လည်စတင်ခဲ့ရာမှာ တိုင်းရင်းသားလက်နက်ကိုင်တွေနဲ့ တော်လှန်ရေးတပ်ဖွဲ့တွေက စခန်းသိမ်းအောင်ပွဲတွေ ဆက်တိုက်ရရှိနေတယ်လို့ အမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာနက ဇွန် ၂၇ ဒီကနေ့ ရက်စွဲနဲ့ ထုတ်ပြန်ထားပါတယ်။
ကြေးနီသယ်ဆောင်လာတဲ့ ကားတွေလာနေချိန် မနက် ၉ နာရီခွဲခန့်မှာ ချောင်းဦးမြပုလဲဂိတ်က လုံခြုံရေးလာယူပေးတဲ့ စစ်သားတွေ မိုင်းကွင်းရှေ့မှာ ရောက်ရှိနေချိန် မိုင်းဆွဲတိုက်ခိုက်ခဲ့ရာ စစ်သား ၂ ဦးသေဆုံးခဲ့တယ်လို့ Special Forces 11-PDFတပ်ဖွဲ့ တာဝန်ခံ မောင်ပီကေ ကပြောပါတယ်။
"ဆိုင်ကယ်ဆီဖိုးကအစ ကုန်တယ်လေ။ တနေ့လုံးပွဲက ဆက်တိုက်တွေဖြစ်နေတာ။ မိုင်းဆွဲရတာလည်း ကုန်ကျ စရိတ်တွေများတာမို့ နီးစပ်ရာတွေကနေ ကူညီပေးကြဖို့ တောင်းဆိုပါတယ်"
ဇွန် ၂၆ ရက်က ဆားလင်းကြီးမြို့နယ်တနေရာ ချင်းတွင်းမြစ်အတွင်း ဆန်တက်မောင်းနှင်နေတဲ့ စစ်ကောင်စီသင်္ဘောတွေကို မီတာ ၂၀ ခန့်အကွာကနေ လက်နက်ကြီး၊ လက်နက်ငယ်တွေနဲ့ အနီးကပ် ပစ်ခတ်တိုက်ခိုက်ခဲ့တာဖြစ်ပြီး စစ်ကောင်စီတပ်သား ထိခိုက်သေဆုံးမှုတွေရှိတယ်လို့ Chindwin Dynamice (Salingyi) ပြည်သူ့ကာကွယ်ရေးတပ်ဖွဲ့ တာဝန်ခံ ဒီမိုကရေစီသရဲလေးက ပြောပါတယ်။
မတ္တရာမြို့နယ်အရှေ့ခြမ်းမှာ လူအစုလိုက်အပြုံလိုက်သတ်ဖြတ်မှုတွေ ကျူးလွန်ခဲ့တဲ့ အင်ကြင်းမြိုင်လေကြောင်းရန်ကာကွယ်ရေးတပ်ကို ပြည်သူ့ကာကွယ်ရေးတပ်ဖွဲ့တွေက သိမ်းယူထားတယ်လို့ သိရပါတယ်။
ဇွန် ၂ ရက်နေ့ကနေ ၂၅ ရက်နေ့အထိ ထိတွေ့တိုက်ပွဲ ၁၂ ကြိမ်ကျော်ထိတိုက်ခိုက်ခဲ့ရမှာ ကြားဖြတ်တိုက်ခိုက်တာတွေအပြင် ဝေဟင်ကပါ ဒရုန်းဗုံးကြဲတာတွေ ပြုလုပ်ခဲ့တာဖြစ်ပြီး စစ်ကောင်စီဘက်က ဗိုလ်မှူးအဆင့် ၁ ဦးအပါ တပ်သား ၄၀ ထက်မနည်းသေဆုံးခဲ့တယ်လို့ သိရပါတယ်။
"ဒရုန်း ၆ စီးနဲ့ ဗုံးကြဲချခဲ့တာ၊ ဆီဆိုင်ရဲ့မျက်နှာစာနဲ့ ဆီဆိုင်နောက်ကြောက အဆောက်အဦတွေပေါ်ကို ချခဲ့တာ၊။အဲ့ဒီမှာက အင်အား ၃၀ လောက်တော့ရှိတယ်။ တပ်ရင်းတော့သေချာမသိဘူး၊ အပြောင်းအလဲတွေရှိတာကြောင့်ပါ။ ထိခိုက်သေဆုံးမှုက ၈ ကောင်ဒဏ်ရာရတယ်"
"စစ်ကောင်စီဘက်က သုံ့ပန်း ၁ ဦးဖမ်းဆီးရကာ ၁၀ ဦးသေတယ်။ လက်နက်ခဲယမ်းတွေပါ သိမ်းဆည်းရခဲ့တယ်၊ အဲ့ဒီရွာမှာက ကျနော်တို့ရှိနေတုန်းတော့ ပျူစောထီး ၅၀ ဦးခန့်ရှိတယ်"
“ထွက်ပြေးသွားတဲ့ ပျူစောထီးတွေလည်းရှိတယ်။ သုံ့ပန်းကတော့ ကျနော်တို့ ဆေးကုသပေးပြီးတော့ နယ်ခံ ဒေသခံကာကွယ်ရေးအဖွဲ့ကို လွှဲအပ်ခဲ့ပါတယ်။”
Sharing Information to the Local