ကင်းပုန်းဝပ်နေတဲ့ စစ်ကောင်စီတပ်ဖွဲ့ဝင်တွေ အနီးကပ်တိုက်ခိုက်ခံရလို့ ၂ ဦးဒဏ်ရာရ (ရုပ်/သံ)

မကွေးတိုင်း၊ ပခုက္ကူခရိုင်၊ ပခုက္ကူမြို့နယ်၊ တန့်ကြည့်တောင်ခြေရင်းရှိ လက်ပန်ချောင်းရွာအထိုင်စခန်းက‌နေ ထွက်လာပြီး ကင်းပုန်းဝပ်နေတဲ့ စစ်ကောင်စီလက်‌အောက်ခံ ၈ ဦးကို ဖေဖော်ဝါရီ ၂၀ ရက်က ဒရုန်းနဲ့ ဗုံးကြဲချပြီး ပစ်ခတ်တိုက်ခိုက်ခဲ့တယ်လို့ ဒေါင်းရင်သွေးပြောက်ကျားတပ်ဖွဲ့-DYT ဆီက သိရပါတယ်။

ပခုက္ကူမြို့နယ်၊ တန့်ကြည့်တောင်ခြေရင်း၊ လက်ပန်ချောင်းရွာရှိ စစ်တပ်နဲ့ပျူစောထီး အထိုင်စခန်းက‌နေထွက်လာပြီး ကင်းပုန်းဝပ်နေတဲ့ စစ်ကောင်စီလက်‌အောက်ခံ ၈ ဦးကို ဒရုန်းနဲ့ ဗုံးကြဲချပြီးလက်နက်ငယ်တွေနဲ့ ပစ်ခတ်တိုက်ခိုက်ခဲ့တာလို့ ဆိုပါတယ်။

တိုက်ခိုက်မှု မိနစ် ၃၀ ခန့်ဖြစ်ပွားခဲ့ပြီး စစ်ကောင်စီတပ်ဘက်က ၂ ဦးဒဏ်ရာရရှိကာ စစ်ကောင်စီတပ်ရဲ့ စစ်ကူတွေရောက်လာတာကြောင့် ပြန်ဆုတ်ခဲ့ရတယ်လို့ ဒေါင်းရင်သွေးပြောက်ကျားတပ်ဖွဲ့-DYT တာဝန်ခံ ကိုကျော်ကြီးက ပြောပါတယ်။

တိုက်ပွဲဖြစ်ပွားရာအနီးက လက်ပန်ချောင်းကျေးရွာဟာ ပျူစောထီးအင်အားကောင်းတဲ့ကျေးရွာဖြစ်ပြီး စစ်ကောင်စီတပ် တပ်စွဲနေတာ ၃ နှစ်ခန့်ရှိပြီလို့လည်း သိရပါတယ်။

ဒီတိုက်ခိုက်မှုကို ဒေါင်းရင်သွေးပြောက်ကျားတပ်ဖွဲ့-DYT၊ ပခုက္ကူခရိုင် တပ်ရင်း ၈ နဲ့ မြစ်ခြေပကဖတို့က ပူးပေါင်းလုပ်ဆောင်ခဲ့တာလို့ သိရပါတယ်။

တည်းဖြတ် - HP

#မြေလတ်အသံ

#မကွေး #ပခုက္ကူ #ကင်းပုန်းဝပ် #တိုက်ခိုက် #သတင်း