ရုပ်သံ

ဝင်းနိမ္မိတာရုံဆရာတော်ကို စစ်ကောင်စီတပ်သားတွေ ပစ်ခတ်ခဲ့ကြောင်း အတူပါဆရာတော်က လူသိရှင်ကြား မိန့်ဆို (ရုပ်/သံ)

ပစ်ခတ်မှု ဖြစ်စဉ်အစအဆုံးနဲ့ နောက်ပိုင်း စစ်ဆေးခံရတာတွေကအစ အပြည့်အစုံကို မိန့်ကြားခဲ့တာဖြစ်ပြီး အဲဒီမိန့်ကြားမှု ကို Live လွှင့်ထားတဲ့ ရုပ်သံဖိုင်ဟာ ယနေ့မှာပဲ လူမှုကွန်ရက်တွေပေါ်မှာ ပျံ့နှံ့လျှက်ရှိပါတယ်။

"ငုံ့မခံဘဲ တုန့်ပြန်မယ့် သံမဏိနှင်းဆီတွေ” အဖြစ် ရှိနေမယ်လို့ ဒေါ်အောင်ဆန်းစုကြည်အတွက် ဂန့်ဂေါရဲမေတွေ ကတိပြု (ရုပ်/သံ)

အာဏာသိမ်းစစ်ကောင်စီကို ဒေါ်အောင်ဆန်းစုကြည်နှင့်အတူ “ငုံ့မခံဘဲ တုန့်ပြန်မယ့် သံမဏိနှင်းဆီတွေ” အဖြစ် ရှိနေမယ်လို့ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ရဲ့ ၇၉ နှစ်ပြည့် မွေးနေ့မှာ မကွေးတိုင်း၊ အမှတ် ၁ စစ်ဒေသ၊ ဂန့်ဂေါခရိုင် တပ်ရင်း ၁ PDF ရဲမေတွေက ကတိပြုခဲ့ကြပါတယ်။

“မျက်စိကျန်းမာရေးကို အကျိုးပြုတဲ့ သီဟိုဠ်သရက်ပင်” (Podcast)

အာရုံကြောရောဂါတွေကို သီဟိုဠ်စေ့က ဘယ်လိုကာကွယ်နိုင်သလဲ။ သီဟိုဠ်စေ့မှာ ဘယ်လို အာနိသင်တွေပါဝင်ပါသလဲ။သီဟိုဠ်ရွက်ဟာ ကျန်းမာရေးအတွက် ဘယ်လိုအထောက်အကူပြုပါသလဲ။ သီဟိုဠ်စေ့ရဲ့ဘေးထွက်ဆိုးကျိုးတွေက ဘာတွေဖြစ်မလဲစတာတွေကို နားဆင်ရမှာပါ။

မဟနအဖွဲ့ဝင် ပဲခူး၊ ဝင်းနိမ္မိတာရုံကျောင်းတိုက်ဆရာတော် လိုက်ပါလာတဲ့ကားကို စစ်တပ်ကပစ်လို့ ဆရာတော် ပျံလွန်တော်မူ (ရုပ်/သံ)

" ဆရာတော်ဟာ သံဃာ့နာယက ၄၇ ပါး စုံညီအစည်းအဝေးသွားဖို့ ပဲခူးကနေ ကြွသွားတာပါ။ လေဆိပ်ကအထွက်မှာ လုံခြုံရေးစစ်သားတွေက စစ်ဆေးဖို့ရပ်ခိုင်းပါတယ်။ ဆရာတော်ကိုလာကြိုတဲ့ကားသမားက သွားခိုင်းတယ်ထင်ပြီး မောင်းထွက်ချိန်မှာ အနောက်ကနေလိုက်ပစ်တာပါ။ ကားပေါ်မှာ ဆရာတော်ရယ်၊ ကားသမားရယ်၊ လာကြိုတဲ့ဆရာတော်တပါးရယ် ၃ ယောက်ပါပါတယ်”

ရှေ့တန်းတနေရာမှာ ပြုလုပ်ခဲ့တဲ့ ဒေါ်အောင်ဆန်းစုကြည်မွေးနေ့ပွဲ (ရုပ်/သံ)

အခမ်းအနားမှာ "ခွန်းအားဖြည့်မိငယ်"သီချင်းကိုသီဆိုတာ၊ ကဗျာရွတ်ဆိုတာ၊ ဒေါ်အောင်ဆန်းစုကြည်နဲ့ အဖမ်းဆီးခံ ပြည်သူတွေ အမြန်ဆုံးလွတ်မြောက်ဖို့ဆုတောင်းခဲ့ကြတာအပြင် မြန်မာပြည်သူတွေ အမြန်ဆုံးလွတ်မြောက်ရမယ်လို့လည်း ကြွေးကြော်ခဲ့တယ်လို့ ဆိုပါတယ်။

ဒေါ်အောင်ဆန်းစုကြည်မွေးနေ့ မြင်းမူနဲ့ အုတ်ဖိုမှာ တော်လှန်ရေးတပ်ဖွဲ့တွေ ပြုလုပ် (ရုပ်/သံ)

နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ရဲ့ ၇၉ နှစ်မြောက်မွေးနေ့ အထိမ်းအမှတ်အဖြစ် စစ်ကိုင်းတိုင်း၊ မြင်းမူမြို့နယ် DK PDF MMU တပ်ဖွဲ့နဲ့ ပဲခူးတိုင်း၊ သာယာဝတီခရိုင်‌ တပ်ရင်း ၃၈၀၂၊ တပ်ခွဲ ၄ မြေအောက်ပြောက်ကျားတပ်ဖွဲ့ - အုတ်ဖို တို့က သက်ဆိုင်ရာဒေသတွေမှာ လှုပ်ရှားမှုတွေ ပြုလုပ်ခဲ့ကြတယ် လို့ သိရပါတယ်။

ချေမှုန်းရေးတာဝန် ထမ်းဆောင်နေတဲ့ LGBT ရဲဘော် (ရုပ်/သံ)

တော်လှန်ရေး ကာလတလျှောက် စိတ်ဓာတ်ကျတာတွေ စိတ်အားငယ်တာတွေ အကြိမ်ကြိမ်ရှိခဲ့ပေမယ့် လက်လျော့မသွားဘဲ တိုက်ပွဲဝင်နေဆဲဖြစ်ကာ တော်လှန်ရေး အောင်မြင်သွားခဲ့ရင် LGBT တွေအနေနဲ့ ဖြစ်တည်မှုအတိုင်း လွတ်လပ်စွာသွားလာခွင့်၊ လွတ်လပ်စွာ ဝတ်စားဆင်ယင်ခွင့်နဲ့ LGBTတွေအတွက် ကောင်းမွန်တဲ့ ဥပဒေတွေ ပေါ်ပေါက်လာဖို့လည်း သူကမျှော်မှန်းထားပါတယ်။

ပြည်သူ့စစ်တွေအတွက် ရိက္ခာပို့တဲ့စစ်ကြောင်း ဒရုန်းနဲ့ ဗုံးကြဲခံရ သေဆုံးဒဏ်ရာရသူများရှိ (ရုပ်/သံ)

"မှတ်တမ်းယူထားတာ မြင်ရတာတော့ ဒဏ်ရာရတဲ့စစ်သားတွေ ထမ်းပိုးသွားတာမြင်ရတယ်။ နယ်မြေရှင်းကြည့်တော့ သွေးကွက်တွေလည်းတွေ့တယ်။ ၂ ဦးသေပြီး ၁၁ ဦးလောက်ဒဏ်ရာရတယ်"

ကြေးနီတွေ သယ်ဆောင်လာတဲ့ယာဉ်တန်း မိုင်းဆွဲခံရပြီး ၁၂ဘီးယာဉ်မောင်းသေဆုံးဟုဆို (ရုပ်/သံ)

"မိုင်းဆွဲတိုက်ခိုက်ရာမှာ ၇ စီးမြောက် နဲ့ ၈ စီးမြောက်ကားကိုထိမှန်ပြီး ကြေးနီကား ၁ စီးမှောက်သွားတယ်၊ ကားပေါ်မှာက လက်နက်ကိုင်လုံခြုံရေး ၃ ဦးနဲ့ ကားမောင်းတဲ့ဒရိုက်ဘာနဲ့ဆို ၄ ဦးပါတယ်၊ ဒဏ်ရာရတာက ၃ ဦးပါ၊ ကြေးနီကားကို မောင်းလာတဲ့ကားသမားကတော့ အဲ့ဒီနေရာမှာပဲ ဦးနှောက်ပွင့်ပြီးတော့ သေဆုံးသွားတယ်"

ဒေါ်အောင်ဆန်းစုကြည် မွေးနေ့အကြို Zero ပြောက်ကျားတပ်မှ ခမောက် ၃၅ လုံး နှင်းဆီအပွင့် ၅၀၀ ကျော်ဖြင့်ဂုဏ်ပြု (ရုပ်/သံ)

၂၀၂၄ ခုနှစ် ဇွန်လ ၁၉ ရက်မှာ ကျရောက်မယ့် ဒေါ်အောင်ဆန်းစုကြည် အသက် ၇၉ နှစ်ပြည့် မွေးနေ့ကို မြင်းခြံခရိုင် Zero ပြောက်ကျားတပ်မဟာ တပ်ရင်း ၇ က ခမောက် ၃၅ လုံး နှင်းဆီပန်း အပွင့် ၅၀၀ ကျော်ဖြင့် မွေးနေ့အကြို အခမ်းအနားပြုလုပ်ကာ ဂုဏ်ပြုခဲ့ကြပါတယ်။

ကျဆုံးရဲဘော် ၃ ဦးရဲ့ ၂ နှစ်ပြည့်အမှတ်တရအဖြစ် ဂူဗိမာန်ကိုသွားရောက် ဂါရဝပြု

"ရဲဘော် ၃ ဦးက တပြိုင်တည်း ကျဆုံးခဲ့တာပါ။ ကျနော်တို့ မိုင်းဆွဲတိုက်ခိုက်ရာမှာ လက်နက်ကြီးနဲ့ ကောင်တာပြန်တာခံရပြီး ထိမှန်တယ်။ ဖမ်းဆီးမိပြီးတော့ အသတ်ခံရတာဖြစ်ပါတယ်"

စဉ့်ကူးနယ်မှာ စစ်တပ်က နယ်မြေစိုးမိုးဖို့ ကြိုးစားနေတာကြောင့် ဒေသခံတချို့ နေရပ်မပြန်နိုင်သေး (ရုပ်/သံ)

မန္တလေးတိုင်း၊ စဉ့်ကူးမြို့နယ်၊ တရော်ပင်ကျေးရွာကို စစ်တပ်က မီးရှို့ခဲ့ပြီးနောက် ထပ်မံဝင်ရောက်ဖို့ကြိုးစား နေတာကြောင့် ဒေသခံတွေဟာ ၃ ရက်ကြာတဲ့အထိ ရွာထဲပြန်မဝင်ရသေးဘဲ တိမ်းရှောင်နေရတယ်လို့ စဉ့်ကူးမြို့နယ်ပကဖထံက နေသိရပါတယ်။

သရက်ကွရွာက ပျူစောထီးတွေ ဒရုန်းနဲ့ဗုံးကြဲခံရ (ရုပ်/သံ)

သရက်ကွရွာအတွင်းမှာ ပျူစောထီးအင်အား ၆၀ ခန့်ရှိပြီး ဒီနေ့ မနက် ၁၀ နာရီလောက်ကနေ နေ့လယ် ၁၂ နာရီကျော်အထိ ဒရုန်းနဲ့ ဗုံးကြချခဲ့တာလို့ Ghost Of Enemies - GOE Revolution Force ပြန်ကြားရေးတာဝန်ခံက ပြောပါတယ်။

စစ်တပ်နဲ့ပေါင်းသွားတဲ့ PDF ဦးဆောင်ပြီး တော်လှန်ရေးတပ်ဖွဲ့နယ်မြေတွေကို ၄ ရက်ကြာတိုက်ခိုက် နှစ်ဖက်အကျအဆုံးရှိ (ရုပ်/သံ)

စစ်တပ်နဲ့ပေါင်းသွားတဲ့ YOMA GBK PDF တပ်ဖွဲ့ဝင်ဟောင်း စလိုင်း(ခ)လိုင်းယွန်းဦးဆောင်တဲ့ အင်အား ၉၀ ပါ စစ်ကောင်စီစစ်ကြောင်းနဲ့ တော်လှန်အင်အားစုပူးပေါင်းတပ်ဖွဲ့တွေဟာ အုတ်ဖိုမြို့နယ်၊ ပဲခူးရိုးမတောင်ခြေမှာ ဇွန် ၁၂ ရက်ကနေ ၁၅ ရက်အထိ ၄ ရက်တာ တိုက်ပွဲဖြစ်ပွားခဲ့တယ်လို့ YOMA GBK PDF တပ်ခွဲမှူး ကိုကရင်လေးက ပြောပါတယ်။

ပေါက်မှာ နယ်မြေရှင်းလင်းရေးလုပ်နေတဲ့ စစ်ကောင်စီနဲ့ ပျူစောထီးစစ်ကြောင်း တိုက်ခိုက်ခံရလို့ ၂ ဦးသေပြီး ၃ ဦးဒဏ်ရာရ (ရုပ်/သံ)

"ပခုက္ကူ တပ်မ ၁၀၁ က ထွက်လာတဲ့ ခလရ ၂၅၈ က စစ်သားတွေပါ။ ရွှေဘုံသာကျေးရွာမှာ တထောက်နားတယ်။ ရွှေဘုံသာကျေးရွာက ပျူစောထီးတွေနဲ့အတူ ပေါက်မြောက်ပိုင်းကို ထွက်လာကြတာ၊ ပေါက်မြို့နယ်မြောက်ပိုင်း တောထဲမှာဖြစ်တာ။ တဖက်နဲ့တဖက် မီတာ ၅၀ လောက်ပဲဝေးတယ်။ ပစ်ခတ်တိုက်ခိုက်ချိန်က ၁ နာရီခွဲလောက် ကြာတယ်။ ၂ ဦးကတော့ သေဆုံးတာ မျက်မြင်ကိုယ်တွေ့မြင်ခဲ့တယ်။ ဒဏ်ရာရတာက ၃ ဦးလောက်ရှိတယ်။ ရဲဘော် ၂ ဦးကတော့ ဖိုတီးစမှန်တာ၊ မစိုးရိမ်ရပါဘူး။"

နောက်ဆုံးရ သတင်းများ

01
02
03
04
05
06
07
08
09
10