မကွေးတိုင်း၊ မြိုင်မြို့နယ်အတွင်းမှာ သင်္ကြန်နှစ်ကူးကာလအတွင်း လူစုလူဝေးနဲ့ အသံချဲ့စက် Bluetooth box ဖွင့်တာ၊ မဏ္ဍပ်ထိုးပျော်ပါးတာတွေ အပါအဝင် ပျော်ပွဲရွှင်ပွဲတွေမပြုလုပ်ကြဖို့ ပြည်သူ့ကာကွယ်ရေးတပ်ဖွဲ့- မြိုင်က မတ် ၃၀ ရက် မနေ့ကရက်စွဲနဲ့ သတိပေးထုတ်ပြန်လိုက်ပါတယ်။
မန္တလေးတိုင်း၊ ချမ်းအေးသာစံမြို့နယ်၊ ၈၄x၂၉ လမ်းထောင့်ရှိ ဘီကျင်းဟိုတယ် ငလျင်ကြောင့် အဆောက်အအုံပြိုကျပျက်စီးမှုအတွင်း ရှာဖွေကယ်ဆယ်ရေးပြုလုပ်စဉ် မိခင်နဲ့ကလေးငယ် ၁ ဦးကို အသက်ရှင်လျက် ကယ်ဆယ်နိုင်ခဲ့တယ်လို့ မြန်မာနိုင်ငံမီးသတ်တပ်ဖွဲ့က ထုတ်ပြန်ပါတယ်။
“ ရေကတော့စီးနေပေမယ့် စီးတာက ရေစီးမသန်ဘူး။ တဖြည်းဖြည်းချင်းကျတဲ့ရေတွေမှာပဲ သုံးနေ၊ ချိုးနေရပြီး လူဦးရေကများတော့ အပေါ်ကချိုးတဲ့ရေကိုအောက်မှာပြန်ချိုး၊ ဒါမျိုးတွေပြန်သုံးရတဲ့အခါမျိုးမှာ အရေပြားပြဿနာတွေ ခံစားလာရတာပေါ့။”
ငလျင်ဘေးဒဏ်သင့်နေရာတွေမှာ အရေးပေါ်ကယ်ဆယ်ရေးနဲ့လုပ်ငန်းတွေအတွက် ဒေါ်လာ ၁ သန်းသုံးစွဲဖို့လျာထားပြီး ခုခံကာကွယ်စစ်ကလွဲရင် ထိုးစစ်ရပ်ထားမယ်လို့ အမျိုးသားညီညွတ်ရေးအစိုးရ -NUG က မတ် ၂၉ ရက်မှာ ငလျင်ဘေးဒဏ်သင့်ပြည်သူများအတွက် လူသားချင်းစာနာထောက်ထားမှုဆိုင်ရာ အရေးပေါ်ကူညီရေးအစီအစဉ် ကြေညာချက်ထုတ်ပြန်ပါတယ်။
မတ် ၂၈ ရက် မနေ့ နေ့လယ်မှာ စစ်ကိုင်းမြို့ အနောက်မြောက်ဖက်ကို ဗဟိုပြုပြီး အင်အား ၇.၇ ပမာဏရှိ အင်အားပြင်းထန်မြေငလျင် ဖြစ်ပေါ်ခဲ့ကာ အဆိုပါ ငလျင်ဘေးဒဏ်ကြောင့် အခက်အခဲဖြစ်ပေါ်နေတဲ့ ဒေသတွေကို ပေးပို့ကူညီသွားဖို့ စီစဉ်နေတယ်လို့ Artists' Shelter Facebook က ဖော်ပြပါတယ်။
မန္တလေး စင်္ကြာမြောက်ဗလီ ငလျင်ကြောင့်ပြိုကျရာတွင် သေဆုံးသူများအား သယ်ယူနေသည့်မြင်ကွင်း
စစ်ကိုင်းမြို့နယ်အတွင်း ကယ်ဆယ်ရေးလုပ်ငန်းတွေကို ပအဖ၊ ပကဖ နဲ့ ပလဖတပ်ဖွဲ့ဝင်တွေပူးပေါင်းပြီး ကယ်ဆယ်ရေးလုပ်ငန်းတွေဆောင်ရွက်နေတယ်လို့ အမျိုးသားညီညွတ်ရေးအစိုးရ-NUG က ဒီကနေ့မှာ ထုတ်ပြန်ပါတယ်။
ငလျင်ဒဏ်ပြင်းထန်ခဲ့တဲ့ နေပြည်တော်ကောင်စီနယ်မြေမှာ စစ်ကောင်စီလက်အောက် စစ်ဘက်ဆိုင်ရာအဆောက်အဦနဲ့ ဝန်ကြီးဌာနရုံးအဆောက်အဦတွေပါ ပြိုကျပျက်စီးခဲ့ပြီး ပြိုကျမှုဖြစ်ပွားခဲ့တဲ့အထဲ ပျဥ်းမနားမြို့ အခြေစိုက် ခလရ ၈၅ တပ်ရင်းက အဆောက်အဦတချို့လည်း ပါဝင်ခဲ့ပါတယ်။
ငလျင်ကြောင့် ပဲခူးတိုင်း၊ ပြည်မြို့၊ ပေါက်ခေါင်းမြို့၊ တောင်ငူမြို့နဲ့ မန္တလေးတိုင်း၊ အင်းဝမြို့ရှိ ရှေးဟောင်းသာသနိကအဆောက်အအုံတွေ ငလျင်ဒဏ်ကြောင့် ပျက်စီးခဲ့ပါတယ်။
ငလျင်ဒဏ်ကြောင့် ထိခိုက်ပျက်စီးမှုတွေရှိခဲ့တဲ့ နေပြည်တော်၊ ဥတ္တရသီရိမြို့နယ်၊ ပင်လုံဆေးရုံ
ငလျင်ဒဏ်ကြောင့်ပျက်စီးခဲ့တဲ့ မန္တလေးလေဆိပ်မြင်ကွင်း
ငလျင်ဒဏ်ကြောင့် မန္တလေးမြို့တွင်းတနေရာ တိုက်ပြိုကျနေမှုမြင်ကွင်း
ပဲခူးတိုင်း၊ ပြည်မြို့နယ်၊ မှော်ဇာအုပ်စု၊ သုံးပန်လှဘုန်းကြီးကျောင်းဝန်းရှိ ရှေးဟောင်းကျောင်းတိုက် ငလျင် ကြောင့်ပြိုကျပျက်စီးခဲ့တယ်လို့ ပြည်မြို့ခံတွေဆီကသိရပါတယ်။
ငလျင်ဒဏ်ကြောင့်ပျက်စီးခဲ့တဲ့ တောင်ငူမြို့တွင်းတနေရာ
“ နေပြည်တော် ကားလမ်းတွေပိတ်နေတယ်။ အစိုးရရုံးခန်းတွေ ထိတယ်။ (ငလျင်လှုပ်တဲ့အချိန်) ကားလမ်းပေါ်မှာ ကားတွေလူးပြီးမောင်းမရဖြစ်တယ်။ ဆိုင်ကယ်တွေမောင်းနေရင်း လဲ ကျကြတယ်”
Sharing Information to the Local