စစ်ကိုင်းတွင် အခြေစိုက်ရုံးထိုင်မည်ဟုဆိုသော NUG အစိုးရအဖွဲ့အနေဖြင့် စစ်အာဏာရှင်တော်လှန်ရေးလုပ်ငန်းများအပြင် ဒေသခံပြည်သူလူထုနှင့် တော်လှန်ရေးအင်အားစုများ၏ ယုံကြည်ကိုးစားမှုရရှိရန်ကိုလည်း လက်တွေ့လုပ်ပြရမည့်အခြေအနေဖြစ်သည်။
မြေလတ်အသံသတင်းဌာနမှ အမျိုးသမီးသတင်းထောက်တဦးနှင့် Transgender တဦးကို အမျိုးသားတဦးက ရုန့်ရင်းကြမ်းတမ်းစွာဆဲဆို ထိုးကြိတ်ခဲ့မှုနှင့်ပတ်သက်၍ အမျိုးသမီးအခွင့်အရေးလှုပ်ရှားနေသည့် အဖွဲ့အစည်းများ၊ Myanmar Journalists Club (MJC) နှင့် Myanmar Women in Media (MWiM) တို့က ကန့်ကွက်ရှုတ်ချကြောင်း ထုတ်ပြန်ချက်များ ထုတ်ပြန်ခဲ့သည်။
ကျွန်ုပ်တို့ မြေလတ်အသံ သတင်းဌာန၌ သတင်းထောက်အဖြစ် တာဝန်ထမ်းဆောင်နေသည့် စစ်ကိုင်းတိုင်း၊ အရာတော်မြို့နယ်မှ အမျိုးသမီး သတင်းထောက် မငြိမ်းချမ်းစုကြည် (ခ) ငြိမ်းချမ်းမေနှင့် ၎င်း၏ Partner ဖြစ်သူ Transgender အမျိုးသမီးတဦးအား ဒီဇင်ဘာ ၁၄ ရက် ည ၉ နာရီအချိန်၌ ဝင်းကျော်ဆိုသည့် အမျိုးသားက ကိုယ်ထိလက်ရောက် တိုက်ခိုက်စော်ကားမှု ပြုလုပ်ခဲ့သည်။
မြန်မာနိုင်ငံရှိ တိုင်းရင်းသားပြည်သူများ လိုလားတောင့်တနေသည့် တန်းတူညီမျှသည့် ဖက်ဒရယ်စနစ်နှင့် ဒီမိုကရေစီစနစ်ကို မပေးနိုင်သ၍၊ မြန်မာ့နိုင်ငံရေးတွင် စစ်တပ်၏ အခန်းကဏ္ဍရှိနေသ၍ ငြိမ်းချမ်းရေးသည် စစ်မှန်သည့်ငြိမ်းချမ်းရေးဖြစ်လာစရာ အကြောင်းမရှိ။
တခြားသော တိုင်းရင်းသားလက်နက်ကိုင်အဖွဲ့အစည်းများနှင့် ညီညီညွတ်ညွတ်တိုက်ပွဲဝင်ခဲ့သည့် BPLA သည် အညာဒေသ၌ စစ်အာဏာရှင်လက်နက်ကိုင်တော်လှန်ရေးကို ဗမာတိုင်းရင်းသားအချင်းချင်းနှင့် မည်သို့ဖော်ဆောင်သွားမည်ဆိုတာ စောင့်ကြည့်ရတော့မည်ဖြစ်သည်။
စစ်ကောင်စီသည် ၎င်းတို့လက်လွှတ်လိုက်ရသည့်မြို့များ၊ အုပ်ချုပ်ခွင့်မရသော ဒေသများကို လေကြောင်းမှ ဗုံးကြဲတိုက်ခိုက်လျက်ရှိရာ ရှမ်းပြည်နယ်၊ ကချင်ပြည်နယ်၊ ကရင်နီပြည်နယ်၊ ချင်းပြည်နယ်အပါအဝင် မကွေးတိုင်း၊ စစ်ကိုင်းတိုင်းတွင်ပါ လေကြောင်းဗုံးကြဲတိုက်ခိုက်ခြင်းများ ခပ်စိပ်စိပ်မြင်တွေ့လာရသည်။
အထက်ပါ EAO နှင့် မဟာမိတ်ပူးပေါင်းတပ်ဖွဲ့များ၏ မြို့သိမ်း၊ စခန်းသိမ်းတိုက်ပွဲအောင်မြင်မှုများတွင် အညာတော်လှန်ရေးရဲဘော်များလည်း ပါဝင်တိုက်ခိုက်ခဲ့ကြသည်။ တိုက်ပွဲအတွေ့ အကြုံများရယူခဲ့ကြသည်။ ရင်းနှီးပေးဆပ်မှု ကြီးကြီးမားမားပေးခဲ့ရသည်ဟုလည်း သိရသည်။
တိုင်းရင်းသားဒေသများ၌ စစ်ရေးအရအောင်ပွဲများ အလီလီရရှိနေချိန် အညာဒေသ၌လည်း လက်နက်ကိုင် အချင်းချင်းကြား ပဋိပက္ခများဖြစ်နေမည့်အစား အညာတပ်ပေါင်းစုများဖွဲ့စည်း၍ စခန်းသိမ်း၊ မြို့သိမ်းတိုက်ပွဲ များ ဆင်နွှဲဖို့ကောင်းသည်။ နေရာ၊ ရာထူးများထက် တော်လှန်ရေးကိုသာ ဦးထိပ်ထားသင့်သည်။
မြန်မာနိုင်ငံတွင် နေထိုင်ကြသည့် ပြည်သူများ၏ ဘဝမလုံခြုံမှုသည် နေ့စဉ်နှင့်အမျှ ပိုမိုဆိုးရွားလာသည်။ ဖေ့ဘွတ်အသုံးပြုမှုကို ထိန်းချုပ်လာခြင်းကြောင့် ပြည်သူများအချက်အလက်ရရှိမှုနှင့် သတင်းလွတ်လပ်ခွင့်သည် ရှေ့လျှောက် ပိုမိုဆိုးရွားမည့်အလားအလာများ မြင်တွေ့နေရသည်။ စစ်ကောင်စီသည် ပြည်သူများအပေါ် မတရားမှုများ ဆိုးဆိုးရွားရွား ဆက်လက်ကျူးလွန်တော့မည်မှာ မလွဲဧကန် ဖြစ်သည်။
အညာဒေသရှိပြည်သူများ၏ အသက်အိုးအိမ်များ ထပ်မံမဆုံးရှုံးရစေရန် တော်လှန်ရေးဦးဆာင်အဖွဲ့များက အညာတော်လှန်ရေးအင်အားစုများ၏ လိုအပ်နေသည့်အကူအညီများ အမြန်ဆုံးပေးနိုင်ရန် ကျွန်ုပ်တို့မြေလတ်အသံသတင်းဌာက အလေးအနက် တိုက်တွန်းလိုက်ရပါသည်။
စစ်အာဏာရှင်၏မတရားမှုများကို မြန်မာသာမက ကမ္ဘာကပါ သိနိုင်ရေး ရေးသားဖော်ထုတ်ကြရာတွင် တိုင်းရင်းသား လွတ်မြောက်နယ်မြေများသည် သတင်းမီဒီယာသမားများအတွက် အားကိုးအားထားရာ ဖြစ်သလို သတင်းဌာန၊ သတင်းခန်းများသဖွယ်လည်းဖြစ်သည်။ တကယ်တမ်းလည်း အကာကွယ်ပေးစောင့်ရှောက် ကူညီမှုများရှိခဲ့သည် ရှိနေသည်ဆိုတာ ငြင်းပယ်လို့ မရပေ။ သို့ရာတွင် ဧပြီလ ၁၆ ရက်နေ့တွင် ကရင်နီပြည်ကြားကာလအုပ်ချုပ်ရေးကောင်စီ(IEC)မှ မီဒီယာကျင့်ဝတ်ဆိုင်ရာ ညွှတ်ကြားချက်နှင့် ဧပြီလ ၂၁ ရက်နေ့တွင် ကရင်အမျိုးသားအစည်းအရုံး(KNU) မှ ထုတ်ပြန်သော သတင်းနှင့်ပြန်ကြားရေးလုပ်ငန်းဆိုင်ရာ ပေါ်လစီမူဝါဒများ ကျင့်ဝတ်စည်းကမ်းများတွင် ပါဝင်သော အချက်အလက်တချို့သည် သတင်းသမားများ၏ သတင်းလွတ်လပ်ခွင့်နှင့် သတင်းရယူခွင့်ကို ကန့်သတ်ချုပ်ချယ်ထားသည်ကို တွေ့ရသည်။
တော်လှန်ရေးတပ်ဦးအနေဖြင့် အစိုးရအဖွဲ့အစည်းများကို ဖွဲ့စည်းနေခြင်းထက် စစ်အာဏာရှင်ပြုတ်ကျရေးကိုသာ အဓိကထား အားစိုက်တော်လှန်ပြီး အနာဂတ်တွင် ဖက်ဒရယ်ဒီမိုကရေစီပြည်ထောင်စုအစိုးရကို တိုင်းရင်းသားများနှင့်အတူ လက်တွဲတည်ဆောက်သွားကြရန်
အရှုံးများနှင့်ရင်ဆိုင်ရပြီး တပ်သားအင်အားပြုန်းတီးမှုများနေသည့် စစ်ကောင်စီသည် ၂၀၂၄ ဖေဖော်ဝါရီ ၁၀ ရက်၌ စစ်မှုထမ်ဥပဒေကို အသက်သွင်းကာ ၎င်းတို့အတွက် အရေးတကြီးလိုအပ်နေသည့် စစ်အင်အားကို ဖြည့်တင်းဖို့ ကြိုးစားခဲ့ကြသည်။ ယင်းနောက်ပိုင်း တိုင်းပြည်အတွင်း လူငယ်၊ လူရွယ်ပေါင်းများစွာသည် အာဏာရှင်စစ်ခေါင်းဆောင် မင်းအောင်လှိုက်လက်အောက်၌ အဓိပ္ပာယ်မဲ့စွာတာဝန်မထမ်းဆောင်လိုသည့်အတွက် ပြည်ပသို့ ရှောင်တိမ်းသွားခြင်း၊ တော်လှန်ရေးအင်အားစုများထံ ခိုလှုံသွားခြင်းများ ဆက်တိုက်ဆိုသလို ဖြစ်ပေါ်ခဲ့သည်။ မည်သို့မျှ တိမ်းရှောင်၍ မရနိုင်သည့်ပြည်သူများလည်း စစ်ကောင်စီထံ စစ်မှုထမ်းရမည့်အရေးနှင့် ကြုံတွေ့နေကြရသည်။ မည်သို့ပင်ဆိုစေ စစ်ဘောင်ပိုကျယ်လာမည်ဖြစ်ရာ မြန်မာနိုင်ငံအတွင်း ရှေ့ဆက်ပြီး တိုက်ပွဲများ ပိုမိုကြုံတွေ့ရဦးမည်ဖြစ်သည်။ မင်းအောင်လှိုင်၏ အာဏာတပ်မက်မှုကြောင့် မြန်မာနိုင်ငံဖွား တိုင်းရင်းသားများအချင်းချင်း စစ်မက်ခင်းကာ အသက်ပေါင်းများစွာ ဆုံးရှုံးရဦးမည်သာဖြစ်သည်။
စစ်အာဏာသိမ်းမှုကို ဆန့်ကျင်ခဲ့ကြသည့် အုပ်ချုပ်ခံတော်လှန်ရေးအင်အားစုတချို့သည် ယခုအခါ အုပ်ချုပ်သူ လူတန်းစားအဖြစ် ပြောင်းလဲလာကြပြီဖြစ်သည်။ သာမန်အားဖြင့်ကြည့်မည်ဆိုလျှင် အာဏာရှင်မင်းအောင်လှိုင်၏ စစ်တပ် အရေးနိမ့်နေခြင်းဖြစ်ရာ ကောင်းသည့် လက္ခဏာဟု ဆိုစရာရှိသည်။ သို့သော် တဖက်မှပြန်ကြည့်လျှင် ယခုအချိန်သည် အုပ်ချူပ်သူလူတန်းစားသည် ဥပဒေများဖြင့် အုပ်ချုပ်နေခြင်းထက် သေနတ်ဖြင့် အုပ်ချုပ်နေခြင်းဖြစ်သည်။ တရားဥပဒေစိုးမိုးမှုဟူသည် သေနတ်ပြောင်းဝ၌ တည်နေသည်။
မြေလတ်ဒေသ၏ စစ်အာဏာရှင်နွေဦးတော်လှန်ရေးအထိုင်က ကြည့်မည်ဆိုလျှင် ပြီးခဲ့သည့် ၂၀၂၃ သည် ဆုံးရှုုံးမှု၊ အောင်မြင်မှု၊ ဝေဝါးရှုပ်ထွေးမှု များစွာနှင့် ရင်ဆိုင်ခဲ့ရသည့် နှစ်တနှစ်ဖြစ်သည်။
Sharing Information to the Local