Kyaw Gyi

မဟနအဖွဲ့ဝင် ပဲခူး၊ ဝင်းနိမ္မိတာရုံကျောင်းတိုက်ဆရာတော် လိုက်ပါလာတဲ့ကားကို စစ်တပ်ကပစ်လို့ ဆရာတော် ပျံလွန်တော်မူ (ရုပ်/သံ)

" ဆရာတော်ဟာ သံဃာ့နာယက ၄၇ ပါး စုံညီအစည်းအဝေးသွားဖို့ ပဲခူးကနေ ကြွသွားတာပါ။ လေဆိပ်ကအထွက်မှာ လုံခြုံရေးစစ်သားတွေက စစ်ဆေးဖို့ရပ်ခိုင်းပါတယ်။ ဆရာတော်ကိုလာကြိုတဲ့ကားသမားက သွားခိုင်းတယ်ထင်ပြီး မောင်းထွက်ချိန်မှာ အနောက်ကနေလိုက်ပစ်တာပါ။ ကားပေါ်မှာ ဆရာတော်ရယ်၊ ကားသမားရယ်၊ လာကြိုတဲ့ဆရာတော်တပါးရယ် ၃ ယောက်ပါပါတယ်”

မဟနအဖွဲ့ဝင် ပဲခူး၊ ဝင်းနိမ္မိတာရုံကျောင်းတိုက်ဆရာတော် လိုက်ပါလာတဲ့ကားကို စစ်တပ်ကပစ်လို့ ဆရာတော် ပျံလွန်ပြီး ယာဉ်မောင်းသေဆုံး

" ဆရာတော်က သံဃာ့နာယက ၄၇ ပါး စုံညီအစည်းအဝေးသွားဖို့ ပဲခူးကနေ ကြွသွားတာလို့ သိရတယ်။ လေဆိပ်ကအထွက်မှာ လုံခြုံရေးစစ်သားတွေက စစ်ဆေးဖို့ရပ်ခိုင်းတယ်တဲ့။ အဲ့ဒါကို ဆရာတော်ကိုလာကြိုတဲ့ကားသမားက သွားခိုင်းတယ်ထင်ပြီး မောင်းထွက်သွားတာမှာ အနောက်ကနေလိုက်ပစ်တာ။ ကားပေါ်မှာ ဆရာတော်ရယ်၊ ကားသမားရယ်၊ လာကြိုတဲ့ဆရာတော်တပါးရယ် ၃ ယောက်ပါတာ”

စစ်ကောင်စီတပ်စွဲထားတဲ့နေရာ ၃ ခု တပြိုင်တည်းတိုက်ခိုက်ခံရပြီး နှစ်ဖက်သေဆုံးမှုရှိ

"တာပြတ်ဂိတ်ကိုက အပြီးသိမ်းနိုင်ဖို့ အစီအစဥ်ဆွဲသွားတာ။ ဟိုရောက်တော့ RPG ရော၊ ၄၀ (ဗုံး)သီးတွေရော error တက်တာ၊ ကျည်မလုံလောက်တာကြောင့် မသိမ်းလိုက်နိုင်ဘူး။ ၃ နေရာစလုံးမှာတော့ တိုက်ပွဲက အချိန်တော်တော်ကြာဖြစ်ခဲ့တယ်"

ခရီးသည်တင်ကားခေတ္တရပ်နားချိန် အပေါ့ဆင်းသွားတဲ့အမျိုးသမီး ကားတိုက်ခံရပြီးသေဆုံး

"သူက လူများလို့နေမယ်။ ကားအနီးမှာအပေါ့မသွားဘဲ လမ်းတဖက်ကြောကိုကူးပြီး သွားတယ်။ အပေါ့သွားပြီး ပြန်လာချိန် လမ်းအကူးမှာ ရန်ကုန်ဘက်ကနေ မန္တလေးဘက်သွားတဲ့ကားက ဝင်တိုက်တာ။ ကားတွေကအရှိန်မြန်၊ မှောင်ကလည်းမှောင်နေတော့ တိုက်မှန်းတောင်မသိကြဘူးထင်တယ်။ ပြီးတော့ တစီးပြီး တစီးတက်ကြိတ်သွားတာ ခန္ဓာကိုယ်ကကြေမွနေတာပဲ"

ကနီနယ်မှာ ဒေါ်အောင်ဆန်းစုကြည်မွေးနေ့ အမျိုးသမီးတွေဦးဆောင်ပြီး နှင်းဆီ ၁,၀၀၀ နဲ့ ပန်းသပိတ်ပြုလုပ်

"လူထုခေါင်းဆောင် ဒေါ်အောင်ဆန်းစုကြည့်ရဲ့ မွေးနေ့အထိမ်းအမှတ် အနေနဲ့လုပ်တာပါ"

ဘုန်းကြီးမောင်းလာတဲ့ကား သစ်ပင်ဝင်တိုက်ပြီး ၅ ဦးဒဏ်ရာရ

"ဆိုင်ကယ်သမားက ကားလမ်းဘက်ခြမ်းဝင်လာလို့ ကားကရှောင်လိုက်တာ။ အရှိန်လည်းပါနေတော့ ရုတ်တရက်ဆိုတော့ လမ်းဘေးသစ်ပင်ဝင်တိုက်တာ။ ဖြစ်ချင်တော့သစ်ပင်မှာက နွားတကောင်ကို ချည်ထားတာ။ နွားကိုပါကားက တိုက်မိသွားတာ"

နေရပ်မပြန်နိုင်သေးတဲ့ စစ်ရှောင် ၇၀၀၀ ကျော်အတွက် မြေနေရာအရေးပေါ်လိုအပ်နေ

"စစ်ရှောင်အများစုက ဘုန်းကြီးကျောင်း၊ ဓမ္မာရုံနဲ့ခရစ်ယာန်ကျောင်းတွေမှာနေကြတာ။ နေလာတာလည်း ကြာလာတော့ လက်ခံထားနေရာက သူတွေအတွက်ကလည်းအဆင်မပြေ၊ အချို့နေရာတွေဆို အမိုးအကာမလုံတော့အဆင်မပြေ။ အိမ်ငှားနေရတဲ့သူတွေအတွက်ကလည်း ငှားခ စျေးကြီးတော့ ရေရှည်အတွက်အဆင်မပြေတာတွေဖြစ်လာတာ"

အမြန်လမ်းမှာ လူ ၃၀ နီးပါးတင်လာတဲ့ မီနီထရပ်ကား တိမ်းမှောက်လို့ ၁၆ ဦး ဒဏ်ရာရ

"အရှိန်များပြီး စလစ်ဖြစ်မှောက်တာလို့တော့ သိရတယ်။ ကံကောင်းတာက တယောက်မှ မသေသွားဘူး။ ယာဥ်မောင်းတယောက်ပဲ စိုးရိမ်ရတယ်"

စစ်အုပ်စုက လုံခြုံရေးပေးနေတဲ့လောင်းကစားဝိုင်းကို PDF က ဝင်ဖမ်းပြီးပစ်ခတ်မှုဖြစ်

"ပြည်သူတွေ သတင်းပေးလို့ ဝင်ဖမ်းတာ။ စကစအဖွဲ့တွေကလည်း ကစားနေသူတွေကြားထဲ ရောနေတာဆိုတော့ ပစ်ခတ်ဝင်လို့အဆင်မပြေတာကြောင့် သေနတ်မိုးပေါ်ထောင်ဖောက်လိုက်တာ။ အဲ့အချိန် အကုန်ထွက်ပြေးကြတာ။ စကစနဲ့ပြည်သူစစ်အဖွဲ့တွေရောပဲ။ သူတို့ပြေးလို့ ခပ်လှမ်းလှမ်း ရောက်မှ ကျနော်တို့ဘက်ကို ပြန်လှည့်ပစ်တာ။ အဲဒီတော့ ကျနော်တို့ဘက်ကလည်း ပြန်ပစ်ရတာ"

နေအိမ်ကိုပြန်ဝင်တဲ့ တပ်ပြေး ၁ ဦးကိုစစ်ကောင်စီအဖွဲ့က ပစ်သတ်ပြီး ဇနီးဖြစ်သူကိုဖမ်းဆီး

"သူကတပ်ပြေးအမှုအပြင် စကစ ၃ ယောက်ကို ဓားနဲ့ခုတ်မှုနဲ့ စကစဘက်က သူ့ကိုပစ်မိန့်ပေးထားတာ။ သူက ရှောင်ပြေးနေတာကြာပြီ။ သူအိမ်ပြန်ရောက်နေတာကို တစ်ယောက်ယောက်က သတင်းပေးလိုက်လို့ နေမယ်။ စကစအဖွဲ့က ရောက်လာပြီး ဝိုင်းပစ်သတ်သွားတာ"

မကွေးမှာ စစ်ကောင်စီက VPN အပြင် UID စမတ်ကဒ်တွေပါ စစ်ဆေးနေ

"အရင်ကစစ်တာက ဆိုင်ကယ်နဲ့ပတ်သက်တာ မပြည်စုံရင်ဖမ်းတယ်။ ငွေတောင်းတယ်။ လက်နက်ပါ မပါစစ်တယ်၊ ဒီလောက်ပဲ။ အခုက ဖုန်းပါတောင်းစစ်တယ်။ VPN ပါရင် ငွေတောင်းပြီးသားပဲ။ ဒီကြားထဲ စမတ်ကဒ်ပါ တောင်းစစ်တယ်။ စမတ်ကဒ်နဲ့ပတ်သက်ပြီးတော့ ပါလား မပါရင် နောက်တစ်ခါလမ်းထွက်ရင်ယူလာ ဘာညာဆိုပြီး ပြောတာရှိတယ်"

စစ်တပ်ပစ်တဲ့ လက်နက်ကြီးထိလို့ ဒေသခံ ၁ ဦးသေပြီး ၄ ဦးဒဏ်ရာရ

"လက်နက်ကြီးထိသူတွေက အိမ်တွေထဲမှာရှိနေတာ။ လက်နက်ကြီးတွေက အိမ်တွေပေါ်ကျ၊ ထိတဲ့သူတွေက ခြေပြတ်လက်ပြတ်တွေ ဖြစ်ကုန်တာ။ နှစ်ယောက်လောက်ပဲ နည်းနည်းပါးပါး ထိတာ"

စလင်းမှာ လယ်ထဲသွားတဲ့ လင်မယား ၂ ဦး မိုင်းထိသေဆုံး

"သိရသလောက်က မိုင်းထိတော့ တော်တော်လေးကိုအခြေနေဆိုးဆိုးနဲ့ လင်မယားနှစ်ယောက်စလုံး နေရာမှာ။ မြို့ဆေးရုံတောင်မပို့ရဘဲ ရွာမှာပဲသင်္ဂြိုဟ်လိုက်ရတယ်။ မြို့နဲ့လည်း တော်တော်လှမ်းတယ် "

ဗုံးထိမှန်ပျက်စီးခဲ့တဲ့ ကြားကာလစာသင်ကျောင်း ပြန်လည်ပြုပြင်ဖို့ အကူညီလိုအပ်နေ

"အလှူရှင်အချို့ကတော့ လာလှူကြတာရှိတယ်။ ဒါပေမယ့် အလုံးစုံပြန်လည်ပြင်ဖို့ မလုံလောက်သေးတာပေါ့။ လေယာဥ်ရန်ကလည်း ကြောက်နေရသေးတော့ အခြေအနေကြည့်ပြီး ပြင်ဆင်နေရတယ်။ ရွာကလူတွေကလည်း အိမ်တွေမီးရှို့ခံထားရတာ။ စီးပွားရေးတွေ မလုပ်နိုင်တာကြောင့် ကျောင်းအတွက် အပြည့်အဝမကူနိုင်ကြဘူး။ လိုအပ်ချက်တွေ အများကြီးရှိနေသေးတာ"

မင်းဘူးမှာ ဖုန်းဆိုင်ညစောင့် သက်ကြီးအမျိုးသား ၁ ဦး အသတ်ခံရ

"ဖြစ်တာက ညကတည်းက အသတ်ခံထားရတာ ဖြစ်နိုင်တယ်။ ဒီမနက်ဆိုင်ဖွင့်ချိန် ဝန်ထမ်းတွေ ဆိုင်လာဖွင့်မှ အသတ်ခံထားရတာကို သိရတာ။ သူကဆိုင်ရှေ့မှာ ကြော်ငြာဗွီနိုင်းလေးတွေကာပြီး အိပ်တတ်တော့ လူတွေကသတိမထားမိကြတာ"

နောက်ဆုံးရ သတင်းများ

01
02
03
04
05
06
07
08
09
10