"ဂျက်ဖိုက်တာမချခင်ကို မြပုလဲကနေ လက်နက်ကြီး ၉ လုံးထုတယ်။ ဂျက်ဖိုက်တာချသွားပြီးတော့ ပါရာမိုတာ ၂ စီးနဲ့လာချတယ်။ ချောင်းမကို။ ပါရာမိုတာပြန်သွားပြီးတော့ နွယ်ခွေကိုလည်း မြပုလဲကနေ စစ်ကြောင်းထွက်လာပြီးတော့ ရွာနားမရောက်ခင် လက်နက်ကြီးနဲ့ထုတာ။ ပြီးမှ ရွာကိုဝင်မွှေပြီး ညပိုင်းပြန်ထွက်သွားတာ"
မန္တလေးတိုင်း၊ ညောင်ဦးမြို့နယ်၊ မြောင်ကျေးရွာက ရှင်ပြုအလှူပွဲကို စစ်ကောင်စီတပ်ဖွဲ့ဝင်တွေက ဝင်ရောက်စီးနင်းခဲ့ပြီး ရွာခံ ၁၀ ဦးကို ဖမ်းဆီးသွားတယ်လို့ ကျေးရွာနဲ့နီးစပ်သူတဦးဆီက သိရပါတယ်။
စစ်ကိုင်းတိုင်း၊ ရွှေဘိုမြို့နယ်က ပျူစောထီးကင်းစခန်း ၃ ခု ဒရုန်းဗုံးချတိုက်ခိုက်ခံရပြီး ၁ ဦး သေဆုံးကာ ၈ ဦး ဒဏ်ရာရတယ်လို့ တိုက်ခိုက်မှုမှာပါဝင်တဲ့ PDF အဖွဲ့ဝင်တဦးထံက သိရပါ တယ်။
ပဲခူးတိုင်း၊ အင်းတကော်မြို့နယ်၊ ရန်ကုန်-မန္တလေးလမ်းဟောင်းပေါ်မှာ သရုပ်ဆောင်အချို့လိုက်ပါလာတဲ့အိမ်စီးကားနဲ့ ကုန်တင်တွဲကားတိုက်မိပြီး သရုပ်ဆောင် ၂ ဦးအပါ အိမ်စီးကားပေါ် ပါ ၄ ဦးဒဏ်ရာရခဲ့တယ်လို့ ဒေသခံတွေထံက သိရပါတယ်။
စစ်ကိုင်းတိုင်း၊ ကန့်ဘလူမြို့နယ်၊ ငှက်ပျောတိုင်းကျေးရွာနဲ့ ကျေးပင်အက်ကျေးရွာသွားလမ်းပိုင်းမှာ ကျေးရွာပြည်သူ့ကာကွယ်ရေးအဖွဲ့ ဒုတာဝန်ခံအပါအဝင် ၄ ဦးကို စစ်ကောင်စီအဖွဲ့ဝင်တွေက ဖမ်းဆီးပစ်သတ်ခဲ့တယ်လို့ ကန့်ဘလူမြို့နယ်ပြည်သူ့ကာကွယ်ရေးအဖွဲ့ဆီက သိရပါတယ်။
"ဗုံးက ၁ လုံးတည်း။ ကျနော်တို့သိရတာက ပေါင် ၅၀၀ လို့သိရတယ်။ ရွာလယ်ကောင်မှာ နတ်စင်ရှိတယ်။ နတ်စင်ရဲ့အရှေ့မြောက်ဘက် အိမ်တွေနားကိုကျတာ။"
"ဆိုင်ကယ် ၂ စီး လူ ၄ ယောက်ဝင်လာပြီးတော့ နာမည်တောင်မခေါ်ဘူး။ သူ့ကိုလူတွေ အများကြီးကြားထဲက ကျောက်သမားတွေဆိုတော့ ကျောက်စီတာ ကျောက်ဖြန့်တာ လုပ်နေတဲ့ကြားက သူကထမင်းစားနေတာ။ သူ့ကိုရွေးပစ်သွားတာ။"
"မနက်ဆို သူက တကြိမ်နှစ်ကြိမ်လောက် အပြင်ပုံမှန်ထွက်လေ့ရှိတယ်။ အဲ့ဆိုင်ကလည်း သူထိုင်နေကျ ဆိုင်ဆိုတာ ကျနော်တို့သိထားတယ်။ မနက်စောဆို သွားလာတာရှိတယ်။ ကွမ်းထုတ်တယ်ပေါ့။ မကြာပါဘူး။ အဲ့မှာ လေးငါးမိနစ်နေ ပြန်ပေါ့။ အရပ်ဝတ်နဲ့ရှိနေချိန် ကျည် ၆ တောင့်ပစ်ခဲ့တာ"
အဲ့ဒီနေ့တိုက်ခိုက်မှုမှာ စစ်ကောင်စီဘက်က ၄ ဦးသေဆုံးကာ ၁၂ ဦးဒဏ်ရာရခဲ့တယ်လို့ အတည်ပြုထားနိုင်ပြီး ဒေသကာကွယ်ရေးပူးပေါင်းတပ်တွေဘက်က ၂ ဦးဒဏ်ရာရခဲ့တယ်လို့ သူကဆက်ပြောပါတယ်။
"ကင်းနောက်မှာတော့ အင်အား ၅၀ ကျော်လောက်ရှိမယ်။ ကာကင်းထုတ်ထားတဲ့သဘော။ ကင်းမှာက ၂ ယောက်ပဲ ရှိနေတာ။"
"ဒရုန်း ၃ စီးနဲ့ ၆၀ မမဗုံးသီးတွေချပြီး တိုက်ခိုက်တယ်။ ၃ နာရီလောက်မှာမြေပြင်ကနေပြီးတော့ တချိန်တည်း လူအားနဲ့ထိုးစစ်ဆင်တယ်။ ကျောင်းထဲကို။ တိုက်ပွဲအချိန်ကတော့ ၂ နာရီလောက် ကြာတယ်။ အပြန်အလှန် ပစ်ခတ်မှုအပြင်းအထန် ဖြစ်တယ်။ သူတို့(စကစ)ဘက်ကလည်း ကျောင်း အုတ်ကာ ၂ ထပ်အဆောက်အဦကနေ သေချာနေရာယူပြီး ပြန်လည်ခုခံတယ်။ သူတို့မှာ စနိုက်ပါလည်း ပါတယ်။"
" ပန်းရံက ပျူအားကောင်းတဲ့ရွာ။ ချတာကတော့ တခါတည်းချတာ။ ၂ လုံးလား ၃ လုံးလားတော့မသိဘူး။ ဖြစ်စဥ်ကမှန်တယ်။ အလှူကလည်း ပျူအလှူပါ။ ရှင်ပြုအလှူပါ "
"ကျနော်တို့ဘက်က စစ်ကြောင်းထိုးပြီး ပစ်ခတ်တိုက်ခိုက်တာပါ။ မိုင်းဆွဲတာမဟုတ်ဘူး။ ပစ်ခတ်မှုက ၁၅ မိနစ်လောက်ကြာတယ်။ ကျနော်တို့ပစ်လိုက်တဲ့ ၅ မိနစ်လောက်အကြာမှာပဲ ဆီပေပါတွေ ထပွင့်တယ်။ မီးထလောင်တယ်။"
မကွေးတိုင်း၊ စလင်းမြို့နယ်၊ ပြောင်းခင်းမြောက်ရွာနဲ့ ကျွန်းချောင်းရွာအနီးမှာ ဖေဖော်ဝါရီ ၁၇ ရက်ကစကာ စစ်ကောင်စီတပ်ဖွဲ့ဝင်တွေနဲ့ ဒေသခံကာကွယ်ရေးတပ်တွေပစ်ခတ်မှုတွေဖြစ်ခဲ့ပြီး ဒေသခံ ၁,၅၀၀ ကျော်လည်း ထွက်ပြေးတိမ်းရှောင်နေရတယ်လို့ စလင်းမြို့နယ်ပြည်သူ့ကာကွယ်ရေးအဖွဲ့ဆီက သိရပါတယ်။
"တော်လှန်ရေးအဖွဲ့တွေက အဲနားကနေစောင့်နေပြီးတော့ သူတို့ကင်းပတ်နေကျတာကို ပစ်သွားတာ။ ရဲနှစ်ယောက်ကျတယ်လို့ကြားတယ်။ ညောင်ဦးစခန်းကရဲတွေပါ။ သူတို့ပုံမှန်ကင်းပတ်နေကျအချိန်မှာ PDF တွေကချောင်းပစ်သွားတာပါ။ "
Sharing Information to the Local