၃၅ နှစ်မြောက် ရှစ်လေးလုံးအရေးတော်ပုံကြီးကို အောက်မေ့သတိရလျက် အာဏာရှင်ဆန့်ကျင်တော်လှန်ရေး သမိုင်းတလျှောက်အသက်ပေးခဲ့ကြတဲ့ ပြည်သူတွေ၊ တော်လှန်ရေးရဲဘော်တွေ၊ နိုင်ငံရေးခေါင်းဆောင်တွေ လက်ရှိ နွေဦးတော်လှန်ရေးမှာ အသက်ပေးထားကြသူတွေကို ဂုဏ်ပြုဦးညွှတ်အလေးပြုရင်း အာဏာရှင် အမြစ်ဖြတ် ချေမှုန်းရေးတိုက်ပွဲကြီးကို ဆက်လက်ဆင်နွှဲကြပါစို့။
သခင်အောင်ဆန်းအပါအဝင် တိုင်းပြည်လွတ်လပ်ရေးအတွက် အာဇာနည်ခေါင်းဆောင်ကြီးတွေ အသက်ပေးသွားခဲ့တာဟာ ၇၆ နှစ်ပြည့်ခဲ့ပါပြီ။
ဗုံးခွဲဖျက်ဆီးခံရတဲ့နေရာမှာ ကျောင်းသားတွေက "ကျောင်းသားရာကျော်စတေး၍ ရပ်တည်ခဲ့ကြသည်။ အရေးတော်ပုံကျောက်တိုင် ကမ္ဘာတည်သ၍ တည်စေသော်" ဆိုတဲ့ စာသားပါ ရာကျော်ကျောက်တိုင်ကို စိုက်ထူခဲ့ကြပါတယ်။ နောက်ပိုင်းမှာ ရာကျော်ကျောက်တိုင်ကိုလည်း ဗိုလ်နေဝင်းက ထပ်မံဖျက်ဆီးခဲ့ပါတယ်။ ၂၀၂၁ စစ်အာဏာသိမ်းမှုဖြစ်ပြီး လူထုလှုပ်ရှားမှုအရှိန်မြင့်နေချိန်မှာ ရန်ကုန်တက္ကသိုလ် ကျောင်းသားတွေက အဲ့ဒီမြေနေရာမှာ သမဂ္ဂရင်ပြင်နီကျောက်စာတိုင်ကို စိုက်ထူနိုင်ခဲ့ပါတယ်။
တကယ်တော့ ဆဲဗင်းဂျူလိုင်အရေးအခင်းကနေပြီး အာဏာရှင်ဦးနေဝင်းဦးဆောင်တဲ့ စစ်အုပ်စုတွေရဲ့ မင်းသားမျက်နှာဖုံးကို ဆွဲခွာချလိုက်နိုင်ပါတယ်။ ဒီဖြစ်ရပ်မှာ စစ်အာဏာရှင်ဆိုတာ ကမ္ဘာမှာရော မြန်မာမှာပါ ကမ်းကုန်အောင် ရက်စက်ကြမ်းကြုတ်နှိပ်စက်တဲ့ နေရာမှာ အတူတူပဲဆိုတာကို ပြသခဲ့တာပါ။ မြန်မာ့သမိုင်းမှာလည်း ဒုတိယကမ္ဘာစစ်နောက်ပိုင်း တခါမှမပေါ်ပေါက်ဘူးသေးတဲ့ ရက်စက်မှုအဖြစ်လည်း သမိုင်းမှတ်တမ်းဆိုး ဝင်ခဲ့ပါတယ်။
Sharing Information to the Local