ဒီနေ့ကျရောက်တဲ့ ၃၆ နှစ်ပြည့် နှစ်ပတ်လည်မှာ ABSDF နဲ့ ပတ်သက်ပြီး ဦးဆောင်သူ ABSDF ဒုဥက္ကဌ ရဲဘော် လဆိုင်းနဲ့ စစ်ကြောင်း ၃ စစ်ကြောင်းမှူး ရဲဘော် မင်းဌေး တို့ကို မြေလတ်အသံက ဆက်သွယ်မေးမြန်းခဲ့ပါတယ်။
- အညာမှာအခြေချပြီး စစ်ရေးဖော်ဆောင်နိုင်တော့မယ်လို့ BPLA အသိပေး။ - ပခုက္ကူက တင်းဂတ်စစ်ဆေးရေးဂိတ် ဒရုန်းနဲ့ ဗုံးကြဲခံရပြီး စစ်သား ၂ ဦးသေဆုံးဟုဆို။ - မန္တလေး PDF ရဲ့အချုပ်ဆောင်နေရာ လေကြောင်းဗုံးကြဲခံရပြီး စစ်သုံ့ပန်း ၈ ဦးအပါ ၁၂ ဦးသေဆုံး။ - ထီးလင်းမှာ စစ်ကောင်စီစစ်ကြောင်းက ပြည်သူ ၄ ဦးကို မီးရှို့သတ်ပြီး ကာကွယ်ရေးရဲဘော် ၁ ဦးလည်းကျဆုံး။ - စစ်အုပ်စုက နေအိမ်တွေဖျက်ဆီးတဲ့အပြင် မီးပါရှို့ပြီး အမျိုးသား ၁၅ ဦးကိုဖမ်းသွား။ - ပြည်နဲ့ သရက်က ကလေး ၁ ဦးအပါ ၁၁ ဦးအဖမ်းခံထားရပြီး နေအိမ်အချို့ပါ ချိပ်ပိတ်ခံရ။ - ဆည်ဘောင်ပေါ်မှာ စစ်ရှောင်နေသူတွေရဲ့ အိမ်တွေကို စစ်တပ်က မီးရှို့ခဲ့။ - ချောက်တိုက်ပွဲအတွင်း PDF ၃ ဦးကျဆုံးပြီး စစ်ရှောင်သံဃာ ၃ ပါးအပါအဝင် ၆ ဦးဒဏ်ရာရကာ အိမ်ခြေ ၄၀ ခန့် မီးရှို့ခံရတာကြောင့် ဒေသခံ ၆,၀၀၀ ကျော်စစ်ရှောင်နေရ။ - မန္တလေးမှာ ကာလဝမ်းပျက်ဝမ်းလျှောရောဂါကြောင့် သေဆုံးသူမြင့်တက်နေ။
"ဆွမ်းစားကျောင်းဆောင်ကိုလည်း မီးရှို့သွားတယ် အကုန်လုံးမလောင်သွားဘူး၊ ရွာထဲမှာရှိတဲ့ ဗုဒ္ဓဘာသာနဲ့ မွတ်ဆလင်နေအိမ်စုစုပေါင်း ၁၇၃ လုံးကို မီးရှို့ဖျက်ဆီးသွားတယ်၊ နောက်ထပ် နေအိမ် ၅၀ လောက်ကို မီးရှို့ထားပေမဲ့ နဲနဲပဲလောင်သွားတယ်" လို့ ကန့်ဘလူနယ်မြေခံ ကာကွယ်ရေးတပ်ဖွဲ့ဝင်တဦးက ပြောပါတယ်။
ဘူးရွက်ဖျော်ရည်ရဲ့ အစွမ်းသတ္တိတွေက ဘာတွေလဲ။ ဘူးသီးကိုပုံမှန်စားသုံးတာကြောင့် ဘယ်လို အကျိုးကျေးဇူးတွေ ရစေနိုင်သလဲ။ အသားဝါခြင်းအတွက် ဘူးသီးကိုဘယ်လိုသုံးဆောင်သင့်သလဲ။ ဘယ်လိုဘူးသီးတွေကို စားသောက်ဖို့မသင့်ဘူးလဲ စတာတွေကို နားဆင်ရမှာပါ။
မကွေးတိုင်း၊ ချောက်မြို့နယ်၊ နရွဲတောနဲ့ ရွာမကျေးရွာမှာ တိုက်ပွဲပြင်းထန်ခဲ့ချိန် စစ်ရှောင်သံဃာ ၃ ပါးအပါအဝင် ၆ ဦးဒဏ်ရာရပြီး အိမ်ခြေ ၄၀ ခန့် မီးလောင်ပျက်စီးခဲ့တယ်လို့ အာဠာဝကမြို့ပြပြောက်ကျားတပ်ဖွဲ့ဆီက သိရပါတယ်။
မြင်းခြံခရိုင်တပ်ရင်း ၉ Myingyan Black Tiger (MBT) ရဲ့ နောက်ထပ်သင်တန်းသားအသစ်တွေပါတဲ့ အခြေခံစစ်ပညာသင်တန်း အပတ်စဥ် ၁၄ ကို သင်တန်းဆင်းပေးခဲ့ပါတယ်။
ပဲခူးတိုင်းအနောက်ခြမ်း၊ ကြို့ပင်ကောက်မြို့နယ်၊ ပဲခူးရိုးမအစပ်ရှိ အေးရွာလေးရွာက နေအိမ် ၇ လုံးကို စစ်ကောင်စီစစ်ကြောင်းက မီးရှို့ဖျက်ဆီးခဲ့ပြီး တခြားနေအိမ်တွေကိုလည်း မွှေနှောက်ဖျက်ဆီးခဲ့သလို အမျိုးသား ၁၅ ဦးကိုလည်း ဖမ်းဆီးသွားတယ်လို့ သာယာဝတီခရိုင်တပ်ရင်း ၃၈၀၁၊ တပ်ခွဲ ၁၊ Yoma GBK PDF ရဲ့ တပ်ခွဲမှူး ကိုကရင်လေး က ပြောပါတယ်။
ဘုတလင်မြို့နယ်မှာ စစ်တပ်က စစ်ကြောင်းထိုး၊ မီးရှို့၊ လူသတ်တာတွေကြောင့် စစ်ရှောင်နေရတဲ့ ဘုတလင်မြို့နယ်အတွင်းက စစ်ရှောင်ပြည်သူတွေကို ဆန်နဲ့ ရိက္ခာတွေထောက်ပံ့ပေးခဲ့တယ်လို့ သိရပါတယ်။
ကလေးဒေသက စစ်ရှောင်ပြည်သူတွေအနေနဲ့ ကျန်ရာသီတွေမှာ နှမ်းခါ၊ နှမ်းခုတ်၊ ပေါင်းထိုး၊ မြက်နုတ်တာတွေ လုပ်ကိုင်ရလို့ ပုံမှန်ဝင်ငွေရှိပြီး ဆောင်းရာသီကာလမှာ အဲ့ဒီအလုပ်တွေလုပ်ဖို့မရှိတဲ့အတွက် ပုံမှန်ဝင်ငွေမရှိကြတာကြောင့် အနွေးထည်နဲ့ စောင်၀ယ်ယူဖို့ခက်ခဲနေတာလို့ Lighthouse Group စစ်ရှောင်ကူညီထောက်ပံ့ရေးတာဝန်ခံ ကိုသူရိန် က ပြောပါတယ်။
တင်းဂတ် စစ်ဆေးရေးဂိတ်မှာ ပခုက္ကူတပ်မ ၁၀၁ လက်အောက်ခံ ခလရ ၂၅၉ က စစ်သားတွေအပြင် ရဲနဲ့ ပျူစောထီးအင်အား ၂၀ ကျော် အထိုင်ချနေတာဖြစ်ပြီး ဒရုန်းနဲ့ ဗုံးသီး ၁၆ လုံးကြဲချခဲ့ရာ ၂ ဦးသေသွားတယ်လို့ ပြည်သူ့ကာကွယ်ရေးတပ်ဖွဲ့-မြိုင်မြို့နယ် တာဝန်ခံ ဗိုလ်လက်ယာက ပြောပါတယ်။
အောက်တိုဘာ ၂၇ ရက်က စလင်းနဲ့ ဆင်ဖြူကျွန်းမြို့ကြားမှာ စစ်ကောင်စီနဲ့ PDF တို့ အပြန်အလှန်ပစ်ခတ်မှုဖြစ်ခဲ့ကြပြီး ဒေါင်းစစ်အောင် Local PDF အဖွဲ့က အသက် ၁၇ နှစ်အရွယ် ရဲဘော် ဂျုတ်ကြီး (ခ) ခန့်စည်သူလွင် ကျဆုံးခဲ့တာလို့ ဆိုပါတယ်။
သူ့ရုပ်အလောင်းကိုတော့ ရှေ့တန်းတနေရာမှာပဲ မီးသင်္ဂြိုဟ်ခဲ့ပြီး အောက်တိုဘာ ၂၆ ရက်မှာ အရိုးပြာကို မိခင်တပ်ရင်းဆီပြန်သယ်ကာ အမိန့်ပြန်တမ်းဖတ်ပြီး အခမ်းအနားနဲ့ဂူသွင်းသင်္ဂြိုဟ်ခဲ့တယ်လို့ ရွှေဘိုခရိုင်တပ်ရင်း ၁၈ တပ်ထောက်တာဝန်ခံ ကိုနေမျိုးက ပြောပါတယ်။
အင်အား ၁၀၀ ဝန်ကျင်နဲ့တပ်စွဲနေတဲ့ စစ်အုပ်စုကို ညနေ ၃ နာရီလောက်မှာ ဒရုန်း ၂ စီးသုံးပြီး ဗုံးသီး ၅ လုံးကြဲချခဲ့ကာ ထိခိုက်သေဆုံးမှုအခြေအနေကိုတော့ စုံစမ်းနေတယ်လို့ Salingyi Border Task Force -SBTF အဖွဲ့ ပြန်ကြားတာဝန်ခံ ကိုဘိုဘိုက ပြောပါတယ်။
အင်အား ၈၀ လောက်နဲ့ စုဝေးနေတဲ့နေရာကို အောက်တိုဘာ ၂၄ ရက် နေ့လယ်ပိုင်း ၁၁ နာရီမှာ ဗုံးသီး ၁၀ လုံး ၁ ကြိမ် ၊ ညနေပိုင်း ၃ နာရီမှာ ဗုံးသီး ၅ လုံးကြဲချတိုက်ခိုက်ခဲ့တာလို့ ရဲဘော်ညီနောင် ပြောက်ကျားတပ် သတင်းနဲ့ပြန်ကြားရေးတာဝန်ခံ ကိုကျော်ကြီး က ပြောပါတယ်။
ပြီးခဲ့တဲ့ စက်တင်ဘာလထဲမှာ စစ်ကိုင်းတိုင်း၊ ကောလင်းအရှေ့ခြမ်း စစ်ဘေးရှောင်စခန်းက အသက် ၂၃ နှစ်နဲ့ ၄၀ ကျော်အရွယ် အမျိုးသမီး ၂ ဦး ငွေကြေးမတတ်နိုင်လို့ ဆေးမကုရဘဲ သေဆုံးခဲ့ပါတယ်။
Sharing Information to the Local