ပေါက်မှာ စက်တပ်လေထီးကို ပွိုင့်ဖိုက်နဲ့ပြန်ပစ်လို့ စစ်ကောင်စီတပ်သား ၁ ဦးဒဏ်ရာရ (ရုပ်/သံ)

မကွေးတိုင်း၊ ပခုက္ကူခရိုင်၊ ဆိပ်ဖြူမြို့နယ်၊ ကပစ ၂၂ ကနေတက်လာတဲ့ စက်တပ်လေထီး ၂စီး ပေါက်မြို့နယ်အတွင်းပျံသန်းနေချိိန် မြိုင်ပကဖက ပွိုင့်ဖိုက်နဲ့ ပစ်ခတ်ခဲ့လို့ စစ်ကောင်စီတပ်သား ၁ ဦး ဒဏ်ရာရခဲ့တယ်လို့ သိရပါတယ်။

မတ် ၃ ရက် မနက် ၉ နာရီခွဲဝန်းကျင်မှာ Paramotor စက်တပ်လေထီး ၂ စီး ပေါက်မြို့နယ်အတွင်း ပျံသန်းနေချိန် မြေပြင်ကနေ ပွိုင့်ဖိုက် စက်သေနတ်နဲ့ မိနစ် ၂၀ ကြာ ပစ်ခတ်တိုက်ခိုက်ခဲ့တာဖြစ်တယ်လို့ မြိုင် ပကဖ တာဝန်ခံ ဗိုလ်လက်ယာက ပြောပါတယ်။

"သူတို့ကလည်း လေထီးပေါ်ကနေ စက်လက်နက်နဲ့ပစ်တယ်။ ကျနော်တို့ကလည်း အောက်ကနေ လက်နက်ကြီး(ပွိုင့်ဖိုက်)နဲ့ ပြန်ပစ်တာ။ ပစ်တဲ့အချိန် Paramotor စက်တပ်လေထီး ၁ စီးကတော့ ဝဲနေတယ်။ ၁ စီးကတော့ ပြန်ပစ်ခတ်တယ်။ ကျနော်တို့ ပစ်လိုက်လို့ထိပြီး Paramotor စက်တပ်လေထီး ၁ စီးပေါ်က စစ်သားကတော့ ပေါင်ထိမှန်ပြီး ဖြတ်ရမယ်လို့ ကြားတယ်။" လို့ ဆိုပါတယ်။

အဲ့ဒီနောက် ၁၀ နာရီဝန်းကျင်မှာတော့ စစ်ကောင်စီဘက်က ဒရုန်းနဲ့ ဗုံးသီးလာချပြီးတိုက်ခိုက်ခဲ့ပေမယ့် ရဲဘော်တွေ ထိခိုက်ဒဏ်ရာမရကြဘူးလို့ ပြောပါတယ်။

တိုက်ခိုက်ပြီးနောက်မှာတော့ စက်တပ်လေထီး ၂ စီးကတော့ ဆိတ်ဖြူ ကပဖ ၂၂ ဘက်ကို ပြန်လှည့်သွားတယ်လို့သိရပြီး ထိခိုက်ဒဏ်ရာရရှိမှုအခြေအနေ အသေးစိတ်ကိုတော့ စုံစမ်းနေဆဲဖြစ်ပါတယ်။

အဲ့ဒီနောက် ဆိတ်ဖြူ ကပစ ၂၂ ဘက်ကနေ အင်အား ၅၀ ဝန်းကျင်နဲ့ ပေါက်မြို့နယ်ဘက်ကို မြေပြင် စစ်ကြောင်းထွက်လာခဲ့တယ်လို့ သိရပါတယ်။

တည်းဖြတ် - HP

#မြေလတ်အသံ

#ပေါက် #စက်တပ်လေထီး #ပွိုင့်ဖိုက် #ပစ်ခတ် 

နောက်ဆုံးရ သတင်းများ

01
02
03
04
05
06
07
08
09
10