Sharing Information to the Local
သတင်း
- - သတင်းတို
- - စီးပွားရေး
- - ရွေးကောက်ပွဲ
- - နိုင်ငံရေး
- - အင်တာဗျူး
- - မှုခင်း
- - ကျန်းမာရေး
- - ပညာရေး
- - အလုပ်သမား
- - သမိုင်း
- - ပေးစာ
- - စစ်ရှောင်
- - တိုက်ပွဲ
- - သဘာဝဘေး
ကလေးတောင်ပိုင်းက စစ်ရှောင်စခန်းတွေမှာ သောက်သုံးရေတွင်းတွေ လိုအပ်နေ
စစ်ကိုင်းတိုင်း၊ ကလေးမြို့နယ်တောင်ပိုင်းမှာရှိတဲ့ စစ်ရှောင်စခန်းတွေမှာ ရေရရှိမှုခက်ခဲတဲ့အတွက် သောက်သုံးရေတွင်းတွေ လိုအပ်နေတယ်လို့ ဒေသခံတွေဆီကတဆင့် သိရပါတယ်။
ကလေးနယ်မှာ လူဦးရေအများဆုံး စစ်ဘေးရှောင်စခန်း ၂ ခုရှိပြီး စခန်းတခုမှာ လူ တထောင်ကျော်စီရှိကာ မြစ်ချောင်းနဲ့လည်းဝေးတဲ့အတွက် ရေရှားပါးမှု အခက်ခဲတွေကြုံနေရတာလို့ ဆိုပါတယ်။
“စစ်ရှောင်စခန်းတခုမှာ လူဦးရေ ထောင်ကျော်ရှိတယ်၊ တချို့ဆို ချောင်းတွေထဲမှာ မသန့်ရှင်းတဲ့ ရေတွေသုံးနေရတယ်၊ အကူညီလာတောင်းကြတော့ သေချာကွင်းဆင်းပြီး တကယ်လိုအပ်နေတဲ့ နေရာတွေကို ရေတွင်းတွေ တူးပေးဖို့လုပ်နေတယ်"လို့ စစ်ရှောင်ကူညီကယ်ဆယ်ရေးလုပ်နေတဲ့ ကိုသူရိန်ဇင်က ပြောပါတယ်။
စစ်ရှောင်တွေ အရေးပေါ်အသုံးပြုဖို့ စစ်ရှောင်စခန်းတခုကို ရေတွင်း ၂ တွင်းစီ တူးပေးဖို့လည်း လုပ်ဆောင်နေပြီး စစ်ရှောင်ဦးရေက အဆက်မပြတ်တိုးနေတဲ့အတွက် လောက်ငှမှုမရှိဘဲ ရေအခက်ခဲကတော့ ကြုံနေရဆဲ ဖြစ်တယ်လို့ ဆိုပါတယ်။
လက်ရှိ ပေါက်တော၊ အင်းကျွန်း၊ ခုံတိုး-မြို့သာ စတဲ့ စစ်ရှောင်စခန်း ၃ ခုမှာ သောက်သုံးရေတွင်း ၆ တွင်း တူးပေးနေပြီး နေရာပေါ်မူတည်ကာ ရေတွင်းတူးခ ကွာခြားမှုအနေနဲ့ ၂ သိန်းကနေ ၅ သိန်းအတွင်းမှာ ရှိတယ်လို့ သိရပါတယ်။
ဒါ့အပြင် စစ်ရှောင်စခန်းတွေမှာ ရေတွင်းအပြင် ရိက္ခာ၊ မိုးကာ၊ ဆေးဝါးစတာတွေလည်း လိုအပ်နေပြီး စာသင်ကျောင်းတွေအတွက်လည်း သောက်သုံးရေကန်တွေ လိုအပ်နေတယ်လို့ ဆိုပါတယ်။
ကလေးတောင်ပိုင်းမှာ ပြီးခဲ့တဲ့ ဧပြီလတည်းက တိုက်ပွဲတွေ ဆက်တိုက်ပြင်းထန်နေတာဖြစ်ပြီး ကျေးရွာ ၅ ရွာကျော် စစ်ရှောင်နေရကာ ပြည်သူတသောင်းကျော် အကူညီတွေလိုအပ်နေကြပါတယ်။
စာတည်း - လင်း
#မြေလတ်အသံ
#မကွေး #ကလေး #စစ်ရှောင် #သောက်သုံးရေခက်ခဲ